វាគឺជារឿងធម្មតាទេដែលទារកត្រូវយំដោយសារតែហេតុផលជាច្រើនដូចជា ឃ្លាន អស់កម្លាំង និងត្រូវការគេពរ។ ប៉ុន្តែបើសិនជាអ្នកធ្វើរឿងទាំងអស់រួចហើយ តែមិនអាចដោះស្រាយការយំរបស់កូនបាន នោះគេអាចនឹងមានបញ្ហា Colic ហើយ។ ពាក្យថា Colic នេះចង់សម្តៅទៅលើពេលវេលានៃការយំមរបស់ទារកមួយដែលកើតឡើងច្រើនជាងបីម៉ោងក្នុងមួយថ្ងៃ បីថ្ងៃក្នុងមួយសប្តាហ៍ រយៈពេលយ៉ាងហោចណាស់មួយសប្តាហ៍។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) វាក៏ជាសញ្ញាបញ្ជាក់ថា កូនមានសុខភាពល្អធម្មតា និងមិនមានអ្វីដែលនាំឲ្យគេយំឡើយ។ ជាធម្មតា ទារកស្ថិតក្នុងស្ថានភាព Colic បែបនេះមិនមានបញ្ហាអ្វីត្រូវបារម្ភច្រើន គ្រាន់តែវាបង្កជាភាពស៊ាំចិត្តច្រើនដល់ឪពុកម្តាយប៉ុណ្ណោះ។
ប្រហែល ១០ ទៅ ១៥ភាគរយនៃទារកទាំងអស់គឺមានបញ្ហា Colic បែបនេះ។ យ៉ាងណាមិញ គ្រូពេទ្យក៏មិនបានដឹងថាអ្វីទៅជាដើមហេតុនៃការយំប្រភេទ Colic នេះដែរ។ ដូច្នេះ Colic នេះគឺជារឿងដែលទារកត្រូវធ្វើជាងបញ្ហាដែលគេរងទុក្ខ។ វាគឺជាផ្នែកធម្មតាមួយដែលទារកត្រូវជួបប្រទះពេលធំធាត់ទោះបីជាវាមិនល្អសម្រាប់ឪពុកម្តាយត្រូវទទួលយកក៏ដោយ។ គ្រូពេទ្យខ្លះជឿថា ភាព Colic នេះកើតឡើងដោយសារតែពោះវៀនទារកធ្វើចលនាយឺតពេក ដូច្នេះខ្យល់ក្នុងពោះវៀនអាចធ្វើឲ្យពោះវៀនរីកធំ និងបង្កជាការឈឺចាប់។ ខណៈពេលដែលខ្លះទៀតយល់ថា វាបណ្តាលមកពីការញ៉ាំលឿនពេក ញ៉ាំច្រើនពេក ឬលេបខ្យល់ច្រើនពេកគ្មានភើ។
គន្លឹះដែលឪពុកម្តាយគួរធ្វើនៅពេលកូនយំដោយសារតែ Colic៖
លើករលាក់កូន
ក្មេងជាច្រើនដែលមានបញ្ហា Colic នឹងស្ងប់ទៅវិញបើសិនជាពួកគេត្រូវបាននរណាម្នាក់លើកបីរលាក់ និងថ្នាក់ថ្នាមលើភ្លៅ។
ពាក់អាវទ្រកូន
ក្មេងខ្លះមានអារម្មណ៍ល្អឡើងវិញបើសិនជាពួកគេត្រូវបានឪពុកម្តាយដាក់ឲ្យនៅក្នុងប្រឡះសម្រាប់ពរកូនជាប់ខ្លួន ជាពិសេសនៅខាងមុខតែម្តង ដោយសារតែរាងកាយអ្នកផ្តល់កម្តៅដល់គេ និងធ្វើចលនាបានល្អ។ ពួកគេក៏មានអារម្មណ៍ល្អដែរនៅពេលស្ថិតក្នុងស្ថានភាពតឹងបែបនេះ។
ម៉ាស្សាឲ្យកូន
ការម៉ាស្សាថ្នមៗលើពោះរបស់កូនអាចជួយបានខ្លះ ដោយសារតែនេះគឺជាកន្លែងដែលពោះវៀនធំធ្វើការច្រើន។ ការម៉ាស្សាជារង្វង់ ដោយធ្វើចលនាប្រអប់ដៃពីឆ្វេងទៅស្តាំ។ ការម៉ាស្សានៅលើទិសដៅបែបនេះអាចបំបាត់ការឈឺចាប់បាន តាមរយៈការជួយឲ្យទារកផោម។ (អាន:ថ្នាំងងុយគេង ពេលអ្នកគួរប្រើ)
ដឹកកូនដើរលេង
ឪពុកម្តាយខ្លះអាចនឹងធ្វើឲ្យកូនមានផាសុកភាព ឬផ្អាកការយំបានតាមរយៈជូនគេជិះកង់ ជិះម៉ូតូ ឬឡានដើរលេង។
បន្ធូរអារម្មណ៍ជាមួយតន្ត្រី
ទារកពេលខ្លះអាចធូរស្រាលក្នុងអារម្មណ៍ដែរនៅពេលបានស្តាប់ចម្រៀង។ វាប្រហែលជាជួយកំដរអារម្មណ៍កូន ដើម្បីបន្ថយការយំបាន៕