ភាពរ៉ាំងរដូវគឺជាដំណើរការណ៍ធម្មជាតិមួយប្រភេទដែលសម្គាល់ថា ការមករដូវរបស់ស្រ្តីត្រូវបានបញ្ចប់ហើយ។ ការបែកញើសពេលយប់ អារម្មណ៍មិនល្អ ក្តៅពេញខ្លួន ឡើងទម្ងន់ ស្ងួតទ្វារមាស និងបាត់បង់ចំណង់ផ្លូវភេទគឺជាអាការៈធំៗដែលអ្នកអាចសម្គាល់ដឹងបាននៅពេលរ៉ាំងរដូវ។ ស្បែក និងសក់អាចរងការប៉ះពាល់ ហើយអ្នកប្រហែលជាលែងមានអារម្មណ៍អាចគ្រប់គ្រងបានដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ដំបូងឡើយ មានការប្រែប្រួលបន្តិចបន្តួចទៅលើអ្វីដែលកើតឡើងលើរាងកាយ។ ការរ៉ាំងរដូវកើតឡើងនៅពេលក្រពេញអូវ៉ែឈប់ផលិតអ័រម៉ូន Estrogen និង Progesterone ដែលជាអ័រម៉ូនសំខាន់ពីរប្រភេទសម្រាប់គ្រប់គ្រងវដ្តរដូវ។ ការចុះទាបរបស់អ័រម៉ូន Estrogen អាចបណ្តាលឲ្យប្រែប្រួលថាមពលក្នុងខ្លួន អារម្មណ៍ កំហាប់ឆ្អឹង សុខភាពស្បែក និងសក់ ព្រមទាំងអ័រម៉ូនផ្សេងៗទៀត។ ទោះបីជាការរ៉ាំងរដូវកើតឡើងច្រើនឆ្នាំក៏ដោយ តែមានរឿងជាច្រើនដែលអ្នកអាចធ្វើបានដើម្បីបង្ការ ឬបន្ថយអាការៈនៃការរ៉ាំងរដូវបានតាមរយៈរបបអាហារ ខណៈពេលដែលអ្នកកំពុងតែផ្តល់នូវជីវជាតិសំខាន់ៗតាមតម្រូវការរបស់រាកាយផង។ ទោះបីជាយ៉ាងណាក៏ដោយ អាហារដែលអ្នកគួរតែចៀសវាងក្នុងពេលរ៉ាំងរដូវមានដូចជា៖

គ្រឿងស្រវឹង និងជាតិកាហ្វេអ៊ីន

គ្រឿងស្រវឹង និងជាតិកាហ្វេអ៊ីនអាចជំរុញដល់អាការៈក្តៅពេញខ្លួនលើស្រ្តីដែលរ៉ាំងរដូវ។ ការសិក្សាមួយបានបង្ហាញថា ការញ៉ាំគ្រឿងស្រវឹង និងជាតិកាហ្វេអ៊ីនអាចបង្កើនភាពធ្ងន់ធ្ងរនៃការក្តៅពេញខ្លួនជាងភាពញឹកញាប់របស់វា។ ប៉ុន្តែការសិក្សាផ្សេងទៀតបញ្ជាក់ថា ជាតិកាហ្វេអ៊ីនប្រហែលជាបន្ថយភាពញឹកញ៉ាប់នៃការក្តៅពេញខ្លួនដែរ។ ប៉ុន្តែសារធាតុទាំងនេះប្រហែលជាអាចរំខានដល់ការគេងថែមទៀតផង។ 

ជាតិស្ករ និងកាបូអ៊ីដ្រាតកៃឆ្នៃ

ការសិក្សាបានភ្ជាប់ទំនាក់ទំនងការលើសជាតិស្ករក្នុងឈាម ភាពរ៉េស៊ីស្តង់អាំងស៊ុយលីន និងចង្កោមរោគសញ្ញា Metabolic ជាមួយនឹងការក្តៅពេញខ្លួនកាន់តែខ្លាំងលើស្រ្តីរ៉ាំងរដូវ។ អាហារកៃឆ្នៃដែលមានជាតិស្ករ និងផ្អែមខ្ពស់ដូចជា នំខេក ប្រហែលជាធ្វើឲ្យអាការៈរ៉ាំងរដូវកាន់តែធ្ងន់ធ្ងរថែមទៀត។ 

អាហារហិរ

រឿងនេះច្រើនតែត្រូវបានគេណែនាំថា ស្រ្តីដែលឆ្លងកាត់ការរ៉ាំងរដូវគួរតែចៀសវាងការញ៉ាំអាហារហិរ។ ការសិក្សាខ្លះបានណែនាំថា ការញ៉ាំអាហារហិរប្រហែលជាបង្កើនអាការៈក្តៅពេញខ្លួន ឬថប់អារម្មណ៍។ ប៉ុន្តែរឿងនេះមិនមានអំណះអំណាងគ្រប់គ្រាន់គាំទ្រនៅឡើយទេ។ (អាន:ថ្នាំងងុយគេង ពេលអ្នកគួរប្រើ)ប៉ុន្តែគ្រប់គ្នាគឺមមានអាហារជាមូលហេតុខុសៗគ្នា។ អ្នកអាចព្យាយាមសម្គាល់មើលដោយខ្លួនឯងថាអាហារណាមួយដែលធ្វើទុក្ខ ហើយព្យាយាមចៀសវាងវាឲ្យបាន៕