ពីកន្លែងធ្វើការរហូតដល់ទំនាក់ទំនង និងសុខភាពទូទៅ ស្រ្តេសអាចមានឥទ្ធិពលយ៉ាងធំចំពោះជីវិតរស់នៅរបស់យើង ប៉ុន្តែមនុស្សភាគច្រើនមិនបានដឹងថាតើវាមានសម្ពាធខ្លាំងប៉ុណ្ណា ហើយការថប់អារម្មណ៍អាចប៉ះពាលដល់សុខភាពមាត់ធ្មេញខ្លាំងដូចម្តេចឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ស្រ្តេសមានលក្ខណៈច្រើនដែលអាចប៉ះពាល់ដល់ធ្មេញ និងមាត់ ហើយអ្វីដែលអ្នកអាចធ្វើបានគឺមើលថែទាំសុខភាពទូទៅ និងអនាម័យមាត់ធ្មេញ។ ទោះបីជាយ៉ាងណាក៏ដោយ មានរឿងខ្លះៗដែលអាចបញ្ជាក់ថា ស្រ្តេសប៉ះពាល់ដល់សុខភាពមាត់ធ្មេញដែរដូចជា៖
ឈាមអញ្ចាញធ្មេញ
ការមមានឈាមរឹមៗជាប់ពពុះថ្នាំដុសធ្មេញក្រោយដុសធ្មេញរួចប្រហែលជាមិនហាក់បីដូចជារឿងធំដុំឡើយ តែការឈាមអញ្ចាញធ្មេញជាប់មិនគួរណាមិនខ្វល់ខ្វាយឡើយ។ យកល្អគួរតែទៅជួបពេទ្យធញមេញដើម្បីពិនិត្យថា តើការដុសធ្មេញ និងទម្លាប់ប្រើអំបោះសម្អាតធ្មេញរបស់អ្នកត្រឹមត្រូវហើយឬនៅ និងមិនត្រូវភ្លេចបន្ថយស្រ្តេសផង។
អាប់សែធ្មេញ
ការកើតអាប់សែនៅធ្មេញគឺជាបណ្តុំនៃខ្ទុះ ដែលបណ្តាលមកពីការបង្ករោគដោយបាក់តេរី ដែលអាចកើតឡើងក្នុងធ្មេញ អញ្ចាញធ្មេញ ឬឆ្អឹងជុំវិញមាត់។ ថ្វីបើភាពអាប់សែធ្មេញកម្រនឹងបង្កជាបញ្ហារយៈពេលយូរ តែវាអាចជាការឈឺចាប់ និងត្រូវការយកចិត្តទុកដាក់ដែរ ដោយសារតែវាមិនបាត់ទៅវិញដោយខ្លួនឯង។ អាប់សែនេះពេលខ្លះក៏អាចកើតឡើងក្នុងពេលស្រ្តេសដែឬ ដោយសារតែសមត្ថភាពរបស់រាងកាយក្នុងការទប់ស្កាត់ការបង្ករោគរងការខូចខាត។ ករណីបែបនេះទាល់តែប្រើថ្នាំផ្សះ ឬវិធីព្យាបាលបន្ថែម។
ក្លិនមាត់អាក្រក់
ក្លិនមាត់អាក្រក់ត្រូវបានចាត់ទុកថាជាផលវិបាកច្រើនកើតឡើងលើមនុស្សម្នាក់ក្នុងចំណោម ៤នាក់ដែលកំពុងតែស្រ្តេស។ បញ្ហាអាស៊ីតក្រពះអាចនឹងកើនឡើងក្នុងពេលដែលស្រ្តេស ដែលជាហេតុនាំឲ្យច្រាលអាស៊ីតក្រពះ និងសារធាតុជាច្រើនទៀតដែលនាំឲ្យកើតក្លិនមាត់អាក្រក់តែម្តង។ បើសិនជារឿងនេះជាបញ្ហាមែន ចូរទៅជួបពេទ្យ និងព្យាបាលជាមួយថ្នាំបន្សាបអាស៊ីត ឬថ្នាំផ្សេងៗទៀត។
ខាំថ្ពាលខាងក្នុង
ការមានទម្លាប់ធ្វើឲ្យមានរបួសដោយខ្លួនឯង ជាពិសេសការខាំថ្ពាលខាងក្នុងគឺជាសកម្មភាពដដែលៗនោះ ដូច្នេះវាពិតជាជាប់ទាក់ទងនឹងភាពស្រ្តេស និងការថប់អារម្មណ៍ហើយ។ (អាន:ថ្នាំងងុយគេង ពេលអ្នកគួរប្រើ)ការខាំថ្ពាល់ខាងក្នុងគឺជាអាការៈពិតប្រាកដមួយនៃភាពស្រ្តេស ហើយក៏ជាទម្លាប់មួយក្នុងការដោះស្រាយនឹងភាពស្រ្តេសផងដែរ។ ករណីធ្ងន់ធ្ងរ ការចាក់ម្ជុរវិទ្យាសាស្រ្តអាចជាជម្រើសព្យាបាលដ៏ល្អដើម្បីបន្ធូរអារម្មណ៍ និងបង្ការការខាំឡើងវិញទៀត៕