ប្រព័ន្ធភាពស៊ាំគឺជារបាំងការពារមួយដែលអាចការពារអ្នកពីជំងឺជាច្រើនបាន។ នៅពេលប្រព័ន្ធភាពស៊ាំកំពុងតែធ្វើការល្អ អ្នកនឹងមិនសម្គាល់ដឹងឡើយ។ ប៉ុន្តែបើសិនជាវាចុះខ្សោយ នោះមានន័យថាអ្នកអាចនឹងមានជំងឺក្នុងខ្លួន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មេរោគភាគច្រើនគ្រាន់តែធ្វើឲ្យអ្នកមានអារម្មណ៍ថាមានជំងឺក្នុងពេលជួបវាជាលើកទីមួយ ដោយសារតែរាងកាយមានការចងចាំវាសម្រាប់ទប់ស្កាត់វានៅពេលជួបលើកក្រោយទៀត។ ទោះបីជាយ៉ាងណាក៏ដោយ វាមិនមែនជារឿងយឺតពេលឡើយក្នុងការជួយឲ្យប្រព័ន្ធភាពស៊ាំកាន់តែខ្លាំងក្លា ហើយវាក៏ជាវិធីសាស្រ្តមួយក្នុងការឆាប់យកឈ្នះនឹងជំងឺផ្តាសាយដែរ។ ដើម្បីជួយឲ្យប្រព័ន្ធភាពស៊ាំកាន់តែខ្លាំង យកល្អគួរតែមានរបៀបរស់នៅដូចខាងក្រោមនេះ៖
ឈប់ជក់បារី
ការជក់បារីមានការប៉ះពាល់ដល់រាងកាយ និងប្រព័ន្ធភាពស៊ាំខ្លាំង។ វាអាចបន្ថយសរីរាង្គដែលជួយថែរក្សាសុខភាពប្រព័ន្ធផ្លូវដង្ហើមផង។ ប៉ុន្តែហេតុអ្វីបានជាអ្នកជក់បារីងាយនឹងមានការបង្ករោគដោយវីរុសម្លេះ? អំណះអំណាងខ្លះនិយាយថា ការឆ្លើយតបនឹងថ្នាំសម្លាប់វីរុសលើអ្នកជក់បារីគឺខ្លាំង ហើយក៏ធ្វើឲ្យខូចខាតផ្លូវដង្ហើមខ្លាំង រហូតដល់ប៉ះពាល់ដល់មខុងារសួរយ៉ាងធំផងដែរ។ ហេតុដូច្នេះហើយការឈប់ជក់បារីគឺជារឿងដ៏ល្អបំផុត។
កាត់បន្ថយការញ៉ាំគ្រឿងស្រវឹង
ការញ៉ាំគ្រឿងស្រវឹងមួយកំប៉ុងពីរប្រហែលជាជួយបំភ្លេចរឿងដែលខ្វល់ខ្វាយបាន ប៉ុន្តែការញ៉ាំច្រើនពេកអាចធ្វើឲ្យថប់អារម្មណ៍ និងមានបញ្ហាដល់រាងកាយនៅថ្ងៃអនាគត់ផង។ ការញ៉ាំគ្រឿងស្រវឹងនឹងធ្វើឲ្យខ្សោះជាតិទឹក និងបញ្ឈប់ប្រព័ន្ធភាពស៊ាំកុំឲ្យធ្វើការបានល្អថែមទៀតផង។ គ្រឿងស្រវឹងអាចប៉ះពាល់ដល់មេរោគល្អៗក្នុងពោះវៀន និងរំខានដល់ប្រព័ន្ធរំលាយអាហារកាន់តែខ្លាំងទៀត។
បន្ថយស្រ្តេស
ការទំនាក់ទំនងចិត្ត និងរាងកាយគឺជារឿងដ៏អស្ចារ្យ ប៉ុន្តែភាពស្រ្តេសខាងផ្លូវកាយ និងចិត្តពិតជារឿងដែលរាងកាយត្រូវការហ្វឹកហាត់បន្ថែម។ ការដែលអ្នកស្រ្តេសច្រើន វាពិតជាងាយធ្វើឲ្យប្រព័ន្ធភាពស៊ាំចុះខ្សោយ ហើយពេលនោះក៏នាំឲ្យងាយកើតជំងឺកាន់តែច្រើនដែរ។ មធ្យោបាយបន្ថយស្រ្តេសដ៏ល្អមានដូចជា៖
- ហាត់ប្រាណ
- តាំងសមាធិ
- មានកំណត់ត្រាប្រចាំថ្ងៃ
- ព្យាយាមនិយាយវាចេញ និងមានអ្នកស្តាប់ផង
គេងគ្រប់គ្រាន់
ការគេងបានគ្រប់គ្រាន់គឺជារឿងល្អសម្រាប់សុខភាព។ សារធាតុ Cytokines ដែលជាប្រូតេអ៊ីនមួយប្រភេទមាននាទីប្រឆាំងបង្ករោគ និងរលាក ត្រូវបានផលិតឡើង និងបញ្ចេញខណៈពេលកំពុងតែគេង។ ដូច្នេះយកល្អគួរតែព្យាយាមគេងឲ្យបាន ៨ម៉ោងក្នុងមួយយប់។ (អាន:ថ្នាំងងុយគេង ពេលអ្នកគួរប្រើ)ការគេងថ្ងៃអាចជួយបង្កើនមុខងារប្រព័ន្ធភាពស៊ាំបានច្រើនតែ ប៉ុន្តែចូរកុំព្យាយាមគេងច្រើនរហូតដល់ ៤ម៉ោងមុនពេលគេងពេលយប់ឲ្យសោះ៕
