ទោះបីជាស្គាល់និងឧស្សាហ៍ទទួលទាន ប៉ុន្តែភាគច្រើននៃពួកយើងប្រហែលមិនធ្លាប់ចាប់អារម្មណ៍ទេថា ជម្ពូអាចផ្ដល់អត្ថប្រយោជន៍ស្មានមិនដល់ចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើការទទួលទានផ្លែជម្ពូល្អយ៉ាងណាខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផលល្អៗនៃការទទួលទានផ្លែជម្ពូ ៖
១. គ្រប់គ្រងជំងឺទឹកនោមផ្អែម
នេះក៏ព្រោះតែផ្លែជម្ពូមានផ្ទុកសារធាតុ Jambosine ដែលមានឥទ្ធិពលក្នុងការគ្រប់គ្រងការបំលែងជាតិម្សៅទៅជាស្ករ។ ដូច្នេះការទទួលទានផ្លែជម្ពូអាចជួយទប់ស្កាត់ហានិភ័យនៃជំងឺទឹកនោមផ្អែមបានយ៉ាងប្រសើរ។
២. សម្រួលការរំលាយអាហារ
ផ្លែឈើនេះក៏ជាប្រភពដ៏ល្អបំផុតមួយនៃជាតិសសៃដែលចាំបាច់សម្រាប់ការរំលាយអាហារទប់ស្កាត់អាការៈទល់លាមក។
៣. កាត់បន្ថយហានិភ័យនៃជំងឺមហារីក
សមាសធាតុសរីរាង្គសកម្មដែលមានផ្ទុកក្នុងផ្លែជម្ពូ គឺប្រសើរបំផុតក្នុងការទប់ស្កាត់កាត់បន្ថយហានិភ័យនៃជំងឺមហារីក។ នៅពេលរួមបញ្ចូលជាមួយវីតាមីន C និងវីតាមីន A ដែលមានផ្ទុកក្នុងផ្លែជម្ពូដែរនោះ វាអាចទប់ស្កាត់ការលូតលាស់នៃកោសិកាមហារីកសុដន់និងមហារីកក្រពេញប្រូស្តាតគួរឱ្យកត់សម្គាល់។
៤. បន្សាបជាតិពុលក្នុងថ្លើមនិងតម្រងនោម
ប្រសិនបើអ្នកចង់កម្ចាត់ជាតិពុលចេញពីថ្លើមនិងតម្រងនោម ចូរកុំរំលងផ្លែជម្ពូ។ ផ្លែឈើនេះមានផ្ទុកសមាសធាតុបញ្ចុះទឹកនោមដែលជួយបន្សាបជម្រះជាតិពុលបានយ៉ាងល្អគួរឱ្យកត់សម្គាល់។ ការទទួលទានផ្លែជម្ពូក៏ជម្រុញដំណើរការដុតរំលាយអាហារក្នុងរាងកាយ និងជួយធ្វើឱ្យប្រសើរឡើងនូវសុខភាពរាងកាយទាំងមូល ព្រមទាំងមុខងារនៃសរីរាង្គសំខាន់ៗក្នុងរាងកាយផងដែរ។
៥. គ្រប់គ្រងកូឡេស្តេរ៉ូល
នេះក៏ព្រោះតែផ្លែជម្ពូមានផ្ទុកសម្បូរទៅដោយជាតិសសៃ។ នៅពេលរួមបញ្ចូលជាមួយសារធាតុចិញ្ចឹមផ្សេងទៀត ផ្លែជម្ពូអាចជួយកាត់បន្ថយកម្រិតនៃកូឡេស្តេរ៉ូលមិនល្អគួរឱ្យកត់សម្គាល់។ ហើយការរក្សាបាននូវកម្រិតនៃកូឡេស្តេរ៉ូលល្អត្រឹមត្រូវក្នុងឈាមអាចជួយកាត់បន្ថយហានិភ័យនៃជំងឺបេះដូងផ្សេងៗ៕