មនុស្សគ្រប់គ្នាចៀសមិនផុតពីការឈឺម្តងម្កាលឡើយ រួមទាំងក្មេងៗផងដែរ។ បើសិនជាកូនតូចអ្នកក្អួត វាច្រើនតែមិនមែនជារឿងដែលត្រូវបារម្ភឡើយ ប៉ុន្តែមិនមែនមានន័យថាជារឿងដែលគ្រប់គ្នាសប្បាយចិត្តដែរ។ យ៉ាងណាមិញ យកល្អគួរតែយល់ថាអ្វីទៅដែលធ្វើឲ្យកូនទៅជាបែបនេះ និងរបៀបបញ្ឈប់ការក្អួតដើម្បីកុំឲ្យខ្សោះជាតិទឹកក្នុងខ្លួន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទារកទើបនឹងកើតភាគច្រើនគឺក្អួតម្តងម្កាល។ រឿងនេះកើតឡើងទាំងទារកបៅដោះ និងបៅទឹកដោះគោ។ មានមូលហេតុខុសៗគ្នាជាច្រើនដែលធ្វើឲ្យក្មេងក្អួតដូចជា៖

  • បៅច្រើនពេក
  • មានការបង្ករោគដោយវីរុសក្នុងពោះវៀន
  • ការបង្ករោគនៅត្រចៀក ផ្លូវដង្ហើម ឬផ្លូវទឹកនោម ទ្រូង ឬបំពង់ក
  • ស្រ្តេស

ដើម្បីជួយបំបាត់ការក្អួតរបស់ក្មេង ឪពុកម្តាយអាចប្រើវិធីខាងក្រោមនេះបាន

លាងមាត់កូន

ក្រោយពីកូនក្អួតរួច ចូរលាងមាត់របស់គេឲ្យស្អាតជាមួយទឹក ដោយសារតែកំអួតមានរសជាតិជូរ។ ក្មេងតូចៗដែលមិនអាចលាងមាត់គេបាន អ្នកអាចឲ្យគេញ៉ាំទឹកបន្ថែមក៏បានដែរ។ 

ឲ្យគេង

ក្មេងច្រើនតែផ្តាសាយ បែកញើស និងអស់កម្លាំងក្រោយពីក្អួតរួច។ ចូរជូតមុខរបស់គេដោយកន្សែងសើម ហើយដាក់ឲ្យគេគេង។ ក្មេងភាគច្រើនចង់គេងណាស់ក្រោយពីធ្វើបែបនេះរួច តែវាពិតជារឿងមិនអីទេ។ ចូរឧស្សាហ៍មើលគេជាញឹកញាប់ និងត្រៀមខ្លួនដើម្បីជួយគេបើសិនជាក្អួតម្តងទៀត។

ចៀសវាងផលិតផលធ្វើពីទឹកដោះគោ

ការបំបៅដោះកូនអាចបន្តទៀតបាន។ ប៉ុន្តែបើសិនជាការក្អួតនៅតែបន្ត ចូរទាក់ទងទៅគ្រូពេទ្យ។ បើសិនជាកូនធំៗក្អួត ចូរចៀសវាងការឲ្យគេញ៉ាំទឹកដោះគោ ផលិតផលធ្វើពីទឹកដោះគោ ឬអាហារមានជាតិខ្លាញ់រយៈពេលពីរថ្ងៃ ព្រោះអាហារទាំងនេះមិនអាចឲ្យក្រពះបឺតស្រូបបានល្អឡើយបើសិនជាក្រពះកំពបុងតែរលាកដោយសារតែក្អួតហើយ។ 

បង្គ្រប់ជាតិទឹកបន្តិចម្តងៗ

ពួកគេមិនគួរណាញ៉ាំទឹកច្រើនភ្លាមៗនោះទេក្រោយពីក្អួតរួច ដោយសារតែជាតិទឹកអាចបង្កការរលាកដល់ក្រពះ និងធ្វើឲ្យក្អួតឡើងវិញ។ (អាន:ថ្នាំងងុយគេង ពេលអ្នកគួរប្រើ)បើសិនជាពួកគេមិនអាចញ៉ាំទឹកបាន ចូរឲ្យគេសម្រាកពីរម៉ោងសិន ចាំចាប់ផ្តើមឲ្យញ៉ាំទឹកតិចៗម្តងទៀត ដូចជា ញ៉ាំទឹកមួយស្លាបព្រាកាហ្វេពេញជារៀងរាល់ពីរនាទីម្តង៕