តើអ្នកពិបាកនឹងស៊ូទ្រាំជាមួយនឹងការក្អកណាស់មែនទេ? ការក្អកជាធម្មតានឹងស្រួលបួលវិញដោយខ្លួនឯងក្នុងរយៈពេល ៣ ទៅ ៤សប្តាហ៍ ប៉ុន្តែមានថ្នាំមួយចំនួនអាចជួយបំបាត់អាការៈនេះបានដែរ។ ការក្អកមានពីរប្រភេទ គឺក្អកស្ងួត និងក្អកមានស្លេស្ម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការក្អកច្រើនតែជាប់ទាក់ទងនឹងអាការៈជំងឺផ្តាសាយ។ វាអាចកើតឡើងយូរបំផុតរយៈពពេលមួយសប្តាហ៍ក្រោយពេលមានការបង្ករោគក្នុងទ្រូង។
ការក្អកគឺជារីផ្លិចមួយដែលទាញការរលាកពីក្នុងផ្លូវដង្ហើមនៃសួត និងបំពង់ករចេញមកខាងក្រៅ។ វាគឺជារបៀបដែលរាងកាយបញ្ចេញចោលការរលាក និងខណៈពេលដែលការក្អកជាប់អាចជារឿងសាំចិត្ត និងមិនមានផាសុកភាព ដែលវាច្រើនតែមិនទាក់ទងនឹងអ្វីដែលធ្ងន់ធ្ងរច្រើនឡើយ។
បើសិនជាអ្នកនៅតែមិនមានអារម្មណ៍ល្អទៀត អ្នកអាចសាកល្បងវិធីព្យាបាលដោយខ្លួនឯងខាងក្រោមនេះដើម្បីបំបាត់រោគសញ្ញានៃការក្អកជាប់រហូតបាន៖
- ញ៉ាំទឹកច្រើន៖ ទឹកក្តៅដែលលាយជាមួយទឹកឃ្មុំ និងក្រូចឆ្មាអាចសម្រួលដល់ការក្អកបាន។
- ស្ទីម៖ ចូរចាក់ទឹកដាំពុះ ក្នុងចានគោមធំមួយ ហើយព្យាយាមស្រូបផ្សែងចេញពីទឹកក្តៅនោះដើម្បីបន្ធូរ និងពង្រាវស្លេស្មក្នុងផ្លូវដង្ហើម
- ជញ្ជក់ស្ករបៀមបំបាត់ការក្អក៖ ស្ករបៀមបំបាត់ការក្អកអាចមានប្រសិទ្ធភាពជួយផ្តល់សំណើមដល់បំពង់កដែលស្ងួត និងបន្ថយការក្អកបាន
- ញ៉ាំថ្នាំបំប៉ន៖ ថ្នាំបំប៉នមានដូចជា ស័ង្គសី វីតាមីន C និង Echinacea ប្រហែលជាជួយពង្រឹងដល់ប្រព័ន្ធភាពស៊ាំបាន។ (អាន:ថ្នាំងងុយគេង ពេលអ្នកគួរប្រើ)
- ខ្ពុរទឹកអំបិលក្តៅឧណ្ហៗ៖ ទឹកអំបិលគួរតែអាចសម្អាតវីរុស និងបាក់តេរីក្នុងផ្នែកខាងក្រោយនៃបំពង់កបាន៕