ខាងក្រោមនេះ យើងខ្ញុំនឹងបង្ហាញអ្នកពីទារកដែលអាចពរចេញក្រៅអាំងថ្ងៃបាន និងចំនួនម៉ោង។ តើមានអ្វីខ្លះទៅ?
ជាធម្មតា កូនដែលទើបតែកើតចេញមក ស្បែកនៅមិនទាន់រឹងមាំនៅឡើយ ដោយមិនស័ក្តិសមយកចេញទៅអាំងថ្ងៃភ្លាមឡើយ ព្រោះអាចធ្វើឲ្យប៉ះពាល់ដល់ស្បែករបស់កូន។ នៅពេលដែលកូនកើតបាន២អាទិត្យ អ្នកអាចយកកូនអាំងថ្ងៃបាន ប៉ុន្តែគួរតែរកកន្លែងដែលមានពន្លឺថ្ងៃក្នុងផ្ទះ មិនគួរយកចេញទៅក្រៅឡើយ។ លុះពេលដែលកូនបាន៣ទៅ៤អាទិត្យ អ្នកអាចយកកូនចេញក្រៅអាំងថ្ងៃបានហើយ។ ប៉ុន្តែអ្នកគួរតែប្រយ័ត្ននូវចំណុចមួយចំនួន ដោយអ្នកមិនគួរយកកូនចេញទៅអាំងថ្ងៃចន្លោះម៉ោង១០ព្រឹក ដល់ម៉ោង៤ល្ងាចនោះទេ ព្រោះពន្លឺព្រះអាទិត្យក្នុងចន្លោះម៉ោងនេះគឺខ្លាំងណាស់ ដោយអាចធ្វើឲ្យស្បែកកូនខ្លោចបាន។ ដូចនេះ អ្នកម្តាយអាចយកកូនចេញទៅអាំងថ្ងៃមុនម៉ោង៩ព្រឹក និងចន្លោះម៉ោង៥ល្ងាចបាន។ ជាពិសេស អ្នកមិនគួរដាក់ឲ្យភ្នែកកូនត្រូវពន្លឺថ្ងៃទេ ហើយមិនគួរឲ្យលើស១០នាទីឡើយ៕