បើសិនជាអ្នកធ្លាប់មានអាការៈក្រហាដើមទ្រូង ដោយសារតែជំងឺច្រាលអាស៊ីតក្រពះមកបំពង់ក អ្នកនឹងដឹងថាតើវាមានការឈឺចាប់ខ្លាំង និងមិនមានផាសុកភាពប៉ុណ្ណោះ។ ជាមួយគ្នានេះដែរ បញ្ហាក្រពះពោះវៀនដូចជា ក្រហាយដើមទ្រូងនេះច្រើនតែកើតឡើងម្តងទៀត ជាពិសេសបើសិនជាមិនបានដឹងអំពីមធ្យោបាយគ្រប់គ្រង និងព្យាបាលរោគសញ្ញា។អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការដែលមានទម្លាប់ចូលចិត្តញ៉ាំអាហារជាមូលហេតុជំងឺនេះ វានឹងធ្វើឲ្យមានអាការៈរហូត។ ខណៈពេលដែលអាហារមួយចំនួនជាដើមហេតុនៃការក្រហាយដើមទ្រូងដែលមនុស្សជាច្រើនដឹងហើយនោះដូចជា ខ្ទឹមបារាំង និងអាហារផ្សេងៗទៀត តែខាងក្រោមនេះខ្ញុំសូមណែនាំអំពីអាហារផ្សេងៗទៀតដែលមិនសូវមានអ្នកដឹង តែជាដើមហេតុនាំឲ្យក្រហាយទ្រូងជាញឹកញាប់ដែរ៖

ទឹកដោះគោ

ទឹកដោះគោត្រូវបានមនុស្សជាច្រើនយល់ខុសថា អាចសម្រួលដល់ការក្រហាយដើមទ្រូងបាន តែវាមិនត្រឹមត្រូវទេ។ តាមការសិក្សាថ្មីមួយបានឲ្យដឹងថា ៣៨ភាគរយនៃការសិក្សាបានឲ្យដឹងថា អាការៈក្រហាយដើមទ្រូងកើតឡើងក្រោយពេលញ៉ាំទឹកដោះគោស្រស់។ ប៉ុន្តែគេមិនបានទាញសេចក្តីសន្និដ្ឋានថា ទឹកដោះគោធ្វើឲ្យប្រឈមនឹងរឿងនេះកាន់តែខ្លាំងទេ គ្រាន់តែដឹងថាវាមានជាតិខ្លាញ់ខ្ពស់។ 

ទឹកមានជាតិហ្គាស

បើសិនជាទឹកមានជាតិហ្គាសគ្មានជាតិស្ករ និងកាហ្វេអ៊ីន ដូច្នេះនឹងក្លាយទៅជាជម្រើសដ៏ល្អមែនទេ? មិនអ៊ីចឹងទេ។ ប៉ុន្តែវានឹងក្លាយទៅជាសុបិន្តអាក្រក់វិញដោយសារតែវានឹងជំរុញដល់ការក្រហាយដើមទ្រូងកាន់តែខ្លាំង។ ទឹកមានជាតិហ្គាសប្រហែលជាធ្វើឲ្យសាច់ដុំកក្រពះធូរកាន់តែខ្លាំងទៀត។ តាមការសិក្សាថ្មីបានបង្ហាញថា អញនកដែលញ៉ាំទឹកមានជាតិហ្គាសប្រឈមនឹងការកើតអាការៈក្រហាយដើមទ្រូងរហូតដល់ ៦៩ភាគរយ។ 

គ្រឿងស្រវឹង

រឿងនេះមិនបាច់និយាយច្រើនក៏ដឹងថា គ្រឿងស្រវឹងគឺជាដើមចមនាំឲ្យកើតអាការៈក្រហាយដើមទ្រូងញឹកញាប់មួយ។ យកល្អគួរតែតមការញ៉ាំភេសជ្ជៈគ្មានជាតិស្រវឹងជាងបន្ថយមកញ៉ាំតិចវិញ។ បើសិនជាអ្នកចូលចិត្តញ៉ាំស្រាមួយកែវ អ្នកអាចជ្រើសរើសភេសជ្ជៈណាផ្សេងវិញ។ 

ផ្លែប័រ

រសជាតិក្រែមដ៏ឆ្ងាញ់របស់ផ្លែឈើមួយនេះបានធ្វើឲ្យមនុស្សយើងជាប់ចិត្តខ្លាំងរហូតដល់ញៀនបាន ប៉ុន្តែចូរប្រុងប្រយ័ត្នបន្តិច។ ខណៈពេលដែលវាគឺជាជម្រើសដ៏ផ្តល់សុខភាពបំផុត ការញ៉ាំអាហារមានជាតិខ្លាញ់ប្រភេទ Monounsaturated និង Polyunsaturated Fat ខ្ពស់ អាចបន្ថយសកម្មភាពរំលាយអាហារ ដែលនាំឲ្យវានៅក្នុងក្រពះកាន់តែយូរ។ រឿងនេះនឹងដាក់សម្ពាធដល់ក្រពះ ហើយអាចច្រាលអាស៊ីតរបស់វាឡើងទៅលើកក្រពះបានទៀត។ 

តែ និងកាហ្វេ

មែនហើយវាគឺជាការពិតមួយថា ភេសជ្ជៈដ៏ពេញនិយមមួយនេះអាចជាប្រភពនៃការមិនមានផាសុកភាពក្នុងពោះ ដោយសារតែវាផ្ទុកទៅដោយជាតិកាហ្វេអ៊ីនដូចកាហ្វេដែរ ដែលធ្វើឲ្យសាច់ដុំកក្រពះធូរ។ ប៉ុន្តែអ្នកអាចមានជំ្រើសណាផ្សេងទៀតដើម្បីបង្គ្រប់ជាតិទឹកក្នុងខ្លួន។ តែខ្ញីប្រហែលជាអាចជួយគ្រប់គ្រងរោគសញ្ញានៃការក្រហាយទ្រូងបាន។ (អាន:ថ្នាំងងុយគេង ពេលអ្នកគួរប្រើ)

កាលណាយើងកាត់បន្ថយអាហារដែលជាមូលហេតុនាំឲ្យកើតអាការៈក្រហាយដើមទ្រូងបាន ការផ្លាស់ប្តូររបៀបរស់នៅតិចតួចមួយចំនួនទៀតក៏កាន់តែជួយឲ្យអាការៈរបស់បញ្ហានេះកាន់តែឆាប់ជាទៀតដែរដូចជា៖

  • បន្ថយការញ៉ាំអាហារច្រើនៗក្នុងមួយពេលៗ
  • កុំញ៉ាំអាហារមុនគេងរយៈពេលបីម៉ោង៕