អ្នកខ្លះនិយាយថា ការញ៉ាំកាហ្វេក្តៅមួយពែងអាចជួយឲ្យមានអារម្មណ៍ស្រស់ស្រាយសម្រាប់ចាប់ផ្តើមថ្ងៃថ្មី ខណៈពេលដែលខ្លះទៀតទាល់តែញ៉ាំទឹកក្រូចឆ្មាមួយមួយកែវទើបស្រស់ស្រាយ។ ឥឡូវនេះមានការសិក្សាថ្មីរកឃើញថា ការញ៉ាំរបស់ទាំងពីរមុខនេះចូលគ្នា អាចមានប្រយោជន៍ដល់ការរំលាយជាតិខ្លាញ់ ការពារសុខភាពស្បែក និងបំបាត់ការឈឺក្បាលថែមទៀតផង។ អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
សម្រាប់មនុស្សភាគច្រើន កាហ្វេសឹងតែជាអាហារប្រចាំថ្ងៃទៅហើយ។ កាហ្វេគឺជាភេសជ្ជៈដ៏ពេញនិយមមួយដែលផ្ទុកទៅដោយសារធាតុភ្ញោចឈ្មោះថាកាហ្វេអ៊ីន។ វាមាននាទីជួយពង្រឹងដល់មុខងារខួរក្បាលដូចជា ការចងចាំ ផ្ចង់អារម្មណ៍ និងថាមមពលក្នុងខ្លួន។ ជាមួយគ្នានេះដែរ ក្រូចឆ្មាគឺជាផ្លែឈើមួយប្រភេទមានរសជាតិជូរ។ វាត្រូវបានគេប្រើប្រាស់សម្រាប់បង្កើតជាឱសថអស់រយៈពេលយូរណាស់មកហើយ ព្រមទាំងមានជាតិសរសៃផងដែរ។ ទាំងកាហ្វេ និងក្រូចឆ្មាត្រូវបានគេដឹងថា មានអង់ទីអុកស៊ីដង់ខ្ពស់ ដែលអាចការពាររាងកាយពីឥទ្ធិពលគ្រោះថ្នាក់របស់រ៉ាឌីកាលសេរីបាន។ បើយើងនិយាយអំពីការផ្សំរបស់ទាំងពីរនេះចូលគ្នាគឺ ត្រូវយកទឹកក្រូចឆ្មាមួយផ្លែលាយជាមួយកាហ្វេ ២៤០មីលីលីត្រ។ ដូច្នេះកាហ្វេមួយពែងនេះមានវីតាមីន និងជាតិរ៉ែដូចជា វីតាមីន B12, B5 ម៉ង់ហ្គាណេស ប៉ូតាស្យូម ម៉ាញ៉េស្យូម និង Niacin។ កាហ្វេសម្បូរដោយអង់ទីអុកស៊ីដង់ខ្លាំង ហើយការសិក្សារកឃើញថា មនុស្សជាច្រើនទទួលបានអង់ទីអុកស៊ីដង់កាន់តែច្រើនពីកាហ្វេជាងផ្លែឈើ និងបន្លែទៅទៀត។ ចំណែកឯក្រូចឆ្មាវិញមានសារធាតុ Phytochemical និងជាប្រភពវីតាមីន C ដ៏ខ្លាំងទៀតផង។
អត្ថប្រយោជន៍របស់កាហ្វេ៖
- ការពារថ្លើមពីការមានសម្ពាធកាន់តែខ្លាំង
- ការញ៉ាំកាហ្វេរហូតដល់ ៧ពែងក្នុងមួយថ្ងៃនិងរាល់ថ្ងៃអាចបន្ថយការស្លាប់រហូតដល់ ១៦ភាគរយ
- ការញ៉ាំកាហ្វេទៀងទាត់អាចបន្ថយការប្រឈមនឹងជំងឺរ៉ាំរ៉ៃជាច្រើនដូចជា មហារីក ជំងឺបេះដូង ជំងឺ Parkinson និងជំងឺទឹកនោមផ្អែមប្រភេទទី២
- ជាតិកាហ្វេអ៊ីនបង្កើនសុខភាពផ្លូវកាយ និងចិត្ត
- បង្កើនថាមពលសាច់ដុំ និងផ្ចង់អារម្មណ៍
អត្ថប្រយោជន៍របស់ក្រូចឆ្មា
- ជាប្រភពដ៏អស្ចារ្យនៃវីតាមីន C និង Flavonoids ដែលជាអង់ទីអុកស៊ីដង់ដ៏ខ្លាំង និងបន្ថយការប្រឈមនឹងជំងឺមហារីកបានច្រើនប្រភេទដូចជា មហារីកក្រពះ លំពែង និងសុដន់
- ក្រូចឆ្មាមួយផ្លែផ្តល់វីតាមីន C ប្រហែល ៣១មីលីក្រាម ដែលស្មើនឹងតម្រូវការប្រចាំថ្ងៃប្រមាណ ៥១ភាគរយ។ (អាន:ថ្នាំងងុយគេង ពេលអ្នកគួរប្រើ)
- វីតាមីន C អាចបន្ថយការប្រឈមនឹងជំងឺបេះដូង ដាច់សរសៃឈាមខួរក្បាល ការពារប្រព័ន្ធភាពស៊ាំ និងការបង្ករោគ៕