យើងដឹងហើយថា អាហារដែលយើងញ៉ាំរាល់ថ្ងៃនេះទំនងជាមិនមានជីវជាតិគ្រប់គ្រាន់ឡើយ ជាពិសេសក្នុងអំឡុងពេលផ្ទុះជំងឺកូវីដ១៩តែម្តង។ ហេតុដូច្នេះហើយបានជាមនុស្សយើងភាគច្រើនងាក់មកញ៉ាំអាហារណាដែលស្រួលទទួលទាន ឬមិនចង់ធ្វើអ្វីច្រើនដូចជា បឺហ្គឺ ឬភីហ្សា។ អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ តាមការស្រាវជ្រាវថ្មីបានឲ្យដឹងថា អាហារទាំងនេះផ្ទុកទៅដោយជីវជាតិដែលបង្កហានិភ័យដល់សុខភាពបាន។ ជាក់ស្តែង យោងទៅតាមអ្នកវិទ្យាសាស្រ្តមកពីសាកលវិទ្យាល័យ Ohio State Univeristy បានឲ្យដឹងថា គ្រាន់តែអាហារមួយពេលដែលមានជាតិខ្លាញ់ Saturated Fat អាចរំខានដល់សមត្ថភាពក្នុងការផ្ចង់អារម្មណ៍របស់យើងទៅហើយ។
ខ្លាញ់ Saturated Fats គឺជាខ្លាញ់មួយប្រភេទដែលត្រូវបានគេរកឃើញក្នុងផលិតផលអាហារសត្វ និងទឹកដោះគោ។ តាមការណែនាំរបស់អង់គ្លេសបានឲ្យដឹងថា ស្រ្តី និងបុរសអាយុចាប់ពី ១៩ ទៅ ៦៤ឆ្នាំមិនគួរណាញ៉ាំខ្លាញ់នេះច្រើនជាង ២០ ទៅ ៣០ក្រាមក្នុងមួយថ្ងៃឡើយ។ អាហារសម្បូរខ្លាញ់ Saturated មានដូចជា៖
- នំខេក
- សាច់ជ្រូក សាច់គោ និងសាច់ចៀមជាប់ខ្លាញ់
- សាច់ក្រក សាច់ជ្រូកបីជាន់
- សាច់មាន់ជាប់ស្បែក
- ការ៉េម សូកូឡា
- ប្រេងដូង
ជាអកុលស្យ អាហារទាំងនេះមិនគ្រាន់តែជាអាហារដែលរំខានដល់សមត្ថភាពផ្ចង់អារម្មណ៍ទេ តែអាហារដែលផ្តល់ការរំលាយលឿនដូចជា ក៏អាចធ្វើឲ្យពិបាកដល់ការផ្ចង់អារម្មណ៍ដែរដូចជា សូកូឡា នំផ្អែម។ វាមិនត្រឹមតែពិបាកផ្ចង់អារម្មណ៍ទេ តែក៏ធ្វើឲ្យខ្សោយកម្លាំង ឬមានអារម្មណ៍ឡេះឡាសដែរ។(អាន:ថ្នាំងងុយគេង ពេលអ្នកគួរប្រើ)
ទោះបីជាយ៉ាងណាក៏ដោយ យោងទៅតាមការវិភាគមួយពីសាកលវិទ្យាល័យ California បានឲ្យដឹងថា អាស៊ីតខ្លាញ់អូមេហ្គាបីដែលត្រូវបានគេរកឃើញក្នុងត្រីសាលម៉ុង និងគ្រាប់ផ្លែឈើអាចផ្តល់ប្រយោជន៍ដល់ខួរក្បាលរួមទាំងពង្រឹងដល់ការរៀនសូត្រ និងការចងចាំ។ ត្រីសាលម៉ុង ត្រូវបានគេទទួលស្គាល់ថាជាអាហារប៉ូវខួរក្បាលតែម្តង៕