ដោយសារតែប្រទេសយើងកំពុងតែអនុវត្តការនៅផ្ទះច្រើនជាងចេញទៅក្រៅ ដូច្នេះគ្រួសារភាគច្រើនដែលឲ្យកូនរៀននៅផ្ទះច្រើនតែឲ្យពួកគេរៀនតាម Online លេងក្នុងផ្ទះ និងឲ្យកូនលេងហ្គេម អានសៀវភៅ និងមើលទូរទស្សន៍ក្នុងផ្ទះជាងឲ្យទៅលេងខាងក្រៅ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះវាពិតជារឿងសំខាន់ណាស់ដែលឪពុកម្តាយត្រូវដឹងអំពីសុខភាពភ្នែកកូន ការលូតលាស់សុខភាពភ្នែក និងរបៀបដែលរឿងនេះអាចរងការប៉ះពាល់នៅពេលពួកគេចំណាយពេលនៅផ្ទះច្រើន។
ភាពមើលឃើញច្បាស់ល្អគឺជាគន្លឹះដ៏សំខាន់សម្រាប់ការលូតលាស់របស់កូនទាំងក្នុងសាលារៀន និងការទំនាក់ទំនងក្នុងសង្គមរបស់ពួកគេ។ យ៉ាងណាមិញ ក្មេងគ្រប់គ្នាគួរតែធ្វើតេស្តសុខភាពភ្នែកសិនមុនពេលអាយុបាន ៥ឆ្នាំ។ ពេលខ្លះឪពុកម្តាយគួរតែរំពឹងថានៅសាលាពួកគេរៀនមានការពិនិត្យសុខភាពភ្នែកដែរ ប៉ុន្តែភាគច្រើនមិនដែលមានទេ។ ដូច្នេះដើម្បីប្រាកដថា ភ្នែកកូនលូតលាស់ល្អ អ្នកគួរតែឲ្យពេទ្យធ្វើតេស្តសិនមុនគេចាប់ផ្តើមចូលរៀន។
តើការមើលទូរស័ព្ទច្រើនពេកប៉ះពាល់ភ្នែកកូនដែរទេ? នេះជាសំណួរដែលឪពុកម្តាយភាគច្រើនតែងតែចង់ដឹង និងសួរជាញឹកញាប់។ ការមើលទូរស័ព្ទច្រើនសុទ្ធតែជារឿងដែលពិបាកចៀសផុតណាស់ក្នុងយុគ្គសម័យដ៏ទំនើបមួយនេះ ជាពិសេសក្នុងពេលកំពុងតែគេមិនឲ្យដើរចេញពីផ្ទះបែបនេះទៀត។ ដូច្នេះអ្វីដែលអាចធ្វើបាន គឺត្រូវលើកទឹកចិត្តពួកគេឲ្យសម្រាកពីការមើលនេះជាទៀងទាត់ផង។ ការដែលក្មេងមើលទូរស័ព្ទជក់រហូតដល់ភ្លេចព្រិចភ្នែក អាចនាំឲ្យភ្នែកស្ងួត និងគ្មានផាសុកភាពបាន ដូច្នេះចូរមានទម្លាប់មួយសម្រាប់ពួកគេគឺ 20:20;20 មានន័យថា ជារៀងរាល់ការមើលទូរស័ព្ទ ២០នាទី ត្រូវសម្រាក ២០នាទី ដោយសម្លឹងមើលអ្វីដែលឆ្ងាយចម្ងាយ ២០ហ្វីត (៦.១ម៉ែត្រ)។ រឿងនេះនឹងជួយឲ្យសាច់ដុំភ្នែករបស់កូនធូរ និងឲ្យការព្រិចភ្នែករបស់គេត្រឡប់មកធម្មតាវិញ ហើយចៀសវាងបញ្ហាបានច្រើនផង។ រឿងមួយទៀតដែលត្រូវចងចាំដែរនោះគឺថា ត្រូវដាក់ទូរស័ព្ទឲ្យឆ្ងាយពីភ្នែក ៤៥សង់ទីម៉ែត្រ និងដាក់កញ្ចក់ទូរស័ព្ទនៅក្រោមភ្នែក។(អាន:ថ្នាំងងុយគេង ពេលអ្នកគួរប្រើ)
អាការៈដែលអាចគិតថាភ្នែកកូនមានបញ្ហាមានដូចជា៖
- ញីភ្នែកជាប់
- បិទភ្នែក ឬយកដៃបិទភ្នែគម្ខាងជាប់ខណៈពេលកំពុងតែអានអក្សរ ឬមើលទូរទស្សន៍
- ឈរជិតទូរទស្សន៍ ឬក្តារខៀនពេក
- សម្គាល់ឃើញភ្នែកម្ខាងងាក់មករងច្រមុះ
- ខ្លាចពន្លឺ
- ឈឺក្បាលជាប្រចាំ
- ញីភ្នែកជាប់ ឬភ្នែកឡើងក្រហម ឬក្រហាយ
- ពិបាកអានអក្សរ ឬមើលជិតៗ
- មានស្រមោលក្នុងកូនក្រមុំភ្នែកដែលមិនព្រមបាត់ទៅវិញ៕