មន្ត្រីសុខាភិបាលសាធារណៈបានអំពាវនាវឱ្យប្រជាជននៅដាច់ឆ្ងាយពីគ្នារពីរម៉ែត្រដើម្បីបន្ថយការរីករាលដាលនៃ មេរោគកូវីដ១៩ដែលអាច ឆ្លងតាមរយៈតំនក់តូចៗចេញពីផ្លូវដង្ហើម។ ប៉ុន្តែអ្នកជំនាញ បានព្រមានថា ២ម៉ែត្រ ប្រហែលជាមិនគ្រប់គ្រាន់ទេ។

អ្នកជំនាញបានអំពាវនាវក្នុងទស្សនាវដ្តីវិទ្យាសាស្ត្រអោយមានការធ្វើតេស្តិ៍ជាទៀងទាត់ដើម្បីរកករណីដែលមិនមានរោគសញ្ញាហើយពួកគេបានជំរុញអោយមានកការពាក់ម៉ាសជាសកលដើម្បីគ្រប់គ្រងវីរុសដូចជានៅហុងកុងនិងតៃវ៉ាន់។

ពួកគេបាននិយាយថាការណែនាំរបស់អង្គការសុខភាពពិភពលោកប្រហែលជាមិនគ្រប់គ្រាន់ទេនៅក្នុងគ្រប់ស្ថានភាពទាំងអស់។ ឆៃវ៉ាង មកពីសាកលវិទ្យាល័យជាតិស៊ុនយ៉ាតសេននៅតៃវ៉ាន់និងគីមប៊ឺរប្រាធរ និងបណ្ឌិតរ៉ូបឺតហ្សូលី នៃសាកលវិទ្យាល័យកាលីហ្វ័រ ញ៉ាបាន សរសេរថា“ ភ័ស្តុតាងបង្ហាញថាវីរុសកូរ៉ូណាវ៉ាយថ្មី កំពុងរីករាល ដាលយ៉ាង ស្ងាត់ស្ងៀមនៅក្នុងអាអេរ៉ូសុលដោយមនុស្សឆ្លងខ្លាំង។

ដូច្នេះការណែនាំរបស់អង្គការសុខភាពពិភពលោកអំពីគម្លាត២ម៉ែត្រទំនងជាមិនគ្រប់គ្រាន់ទេ។នៅក្រោមលក្ខខណ្ឌក្នុងផ្ទះជាច្រើនដែល aerosol អាចរក្សា បានរាប់ម៉ោង ប្រមូលផ្តុំតាមពេលវេលានិង ហើរតាមលំហូរខ្យល់នៅចម្ងាយឆ្ងាយជាង ពីរម៉ែត្រ ៕