ប្រសិនជាអ្នកចង់ក្លាយជាបុគ្គលិកដែលចៅហ្វាយនាយពេញចិត្ត អ្នកអាចអនុវត្តតាមវិធីសាស្ត្រខាងក្រោមបាន។ តើមានអ្វីខ្លះទៅ?(អាន:ថ្នាំងងុយគេង ពេលអ្នកគួរប្រើ)
- អ្នកគួរតែបំពេញការងារឲ្យបានល្អ ដោយមិនគួរធ្វើឲ្យរួចតែពីដៃនោះទេ ទើបអាចទាក់ទាញចំណាប់អារម្មណ៍របស់ចៅហ្វាយនាយអ្នកបាន។
- អ្នកគួរតែខំប្រឹងឲ្យអស់ពីសមត្ថភាព ដោយមិនគួរអង្គុយលេងច្រើនជាងបញ្ចេញសកម្មភាពដើម្បីជួយក្រុមហ៊ុនឡើយ។
- អ្នកគួរតែយកជំនាញរបស់អ្នកដើម្បីបំពេញការងារ ហើយផ្តោតអារម្មណ៍ទាំងមូលទៅលើការងារទាំងនោះ ទើបអ្នកអាចទទួលបានលទ្ធផលល្អ។
- អ្នកគួរតែរក្សាទំនាក់ទំនងល្អជាមួយមិត្តរួមការងារ ទើបការងារអ្នកអាចដើរទៅមុខ ថែមទាំងអាចទទួលបានជោគជ័យទៀតផង។
- អ្នកគួរតែជំរុញខ្លួនឯងដើម្បីបំពេញការងារទាំងនោះ។ មានតែការធ្វើបែបនេះទេ ទើបអាចធ្វើឲ្យអ្នកមានចិត្តធ្វើការ។
- អ្នកគួរតែធ្វើជាសមាជិកក្រុមដែលអាចសហការគ្នាបានយ៉ាងល្អ ទើបការងារអ្នកមិនស្ទះ ហើយទទួលបានផលខ្ពស់។
- បើអ្នកចង់ក្លាយជាបុគ្គលិកឆ្នើមម្នាក់ អ្នកគួរតែស្គាល់ចៅហ្វាយនាយអ្នកឲ្យបានច្បាស់ ទើបអ្នកដឹងថាគេចង់បានលទ្ធផលការងារបែបណា។
- អ្នកគួរតែរៀនជំនាញថ្មីពីការងាររបស់អ្នក ទើបអ្នកអាចលើកតម្កើនខ្លួនទៅមុខបាន។
- អ្នកគួរតែចៀសឲ្យឆ្ងាយពីការនិយាយដើមគ្នាក្នុងកន្លែងការងារ ទើបមិនធ្វើឲ្យប៉ះពាល់ដល់អ្នក។
- នៅពេលដែលមានគម្រោងការថ្មី អ្នកគួរតែស្ម័គ្រចិត្តធ្វើ ទើបអាចធ្វើឲ្យអ្នកអាចក្លាយជាបុគ្គលិកឆ្នើមបាន៕(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)