ក្នុងពេលផ្ទុះជំងឺកូវីដ១៩នេះ ទឹកអាកុលលាងដៃ និងសាប៊ូលាបដៃសម្លាប់មេរោគ ទំនងជាពិបាកនឹងរកហើយ។ ខណៈបេលដែលវាគឺជារឿងធម្មតាសុទ្ធសាតក្នុងការបារម្ភអំពីវីរុសនេះ តែមានរឿងច្រើនណាស់ដែលអ្នកអាចធ្វើបានដើម្បីការពារខ្លួនឯង និងក្រុមគ្រួសារពីការបង្ករោគ ដោយចាប់ផ្តើមជាមួយនឹងការមានអនាម័យលើប្រអប់ដៃ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

តើវីរុសមានការរាលដាលយ៉ាងដូចម្តេចទៅ?

ដំបូងឡើយអ្វីដែលមកមុនគឺកើតមុន៖ វីរុសកូរ៉ូណាថ្មីត្រូវបានគេគិតថាជាចំណុចម្លងខ្លាំងមួយនៅពេលដែលអ្នកជំងឺមានការទំនាក់ទំនងស្និទ្ធស្នាលជាមួយមនុស្សម្នាក់ទៀត (នៅប្រវែងជិតជាង ២ម៉ែត្រពីគ្នា)។ វាអាចកើតឡើងនៅពេលអ្នកជំងឺក្អក ឬកណ្តាស និងដំណកដង្ហើមប៉ះក្នុងមាត់ ឬច្រមុះរបស់អ្នកនៅជិត ឬស្រូបចូលសួតដោយចៃដន្យ។ 

តើមេរោគកូរ៉ូណានេះអាចរស់នៅលើផ្ទៃនានាយូរប៉ុណ្ណា?

តាមការសិក្សាថ្មីដែលចុះផ្សាយក្នុងសារព័ត៌មាន Journal of Hospital Infection បានរកឃើញថា វីរុសកូរ៉ូណាថ្មីអាចរស់នៅលើផ្ទៃនានាដូចជា ដៃ កញ្ចក់ ឬផ្លាស្ទិចរហូតដល់ ៩ថ្ងៃ។ អ្នកស្រាវជ្រាវក៏បានរកឃើញថា យើងយកដៃប៉ះមុខខ្លួនឯងជាមធ្យម ២៣ដងក្នុងមួយម៉ោង ដូច្នេះហើយការលាងសម្អាតដៃពិតជាសំខាន់ណាស់សម្រាប់បង្ការជំងឺនេះកុំឲ្យឆ្លង។ 

មនុស្សយើងមានតែ ៥ភាគរយទេដែលលាងសម្អាតដៃបានយ៉ាងត្រឹមត្រូវ

ខណៈពេលដែលការលាងដៃគួរតែជារឿងដំបូងគេដែលត្រូវធ្វើ តែក៏គួរតែធ្វើវាឲ្យបានត្រឹមត្រូវដែរ។ តាមការសិក្សាមួយដែលធ្វើដោយសាកលវិទ្យាល័យ Michigan State University បានរកឃើញ មានតែ ៥ភាគរយប៉ុណ្ណោះនៃអ្នកលាងដៃប្រមាណ ៣៧៤៩នាក់ អាចសម្លាប់មេរោគបានយូរក្រោយពីប្រើប្រាស់បន្ទប់ទឹករួច។ អ្វីដែលកាន់តែធ្ងន់ធ្ងរនោះគឺថា ៣៣ភាគរយមិនប្រើសាប៊ូ និង ១០ភាគរយមិនខ្វល់រឿងលាងដៃទាំងស្រុងតែម្តង។ 

របៀបក្នុងការលាងសម្អាតដៃឲ្យបានស្អាតល្អ

យោងទៅតាម CDC បានឲ្យដឹងថា មានវិធី ៥យ៉ាងដែលអ្នកគួរតែធ្វើបានដើម្បីលាងសម្អាតដៃឲ្យបានត្រឹមត្រូវ៖

  • ចូរលាងដៃជាមួយនឹងទឹកស្អាត ឬទឹកចេញពីក្បាលរ៉ូមីណេ ហើយលាបសាប៊ូ
  • ចូរលាងដៃជាមួយសាប៊ូដោយត្រដុសប្រអប់ដៃទល់គ្នា។ បន្ទាប់មកត្រដុសខ្នងដៃទាំងសងខាង ចន្លោះម្រាមដៃ និងក្រោមក្រចក
  • ចូរធ្វើការត្រដុសលាងបែបនេះយ៉ាងហោចណាស់ ២០វិនាទី 
  • ចូរលាងសម្អាតដៃជាមួយទឹកស្អាតល្អវិញ ឬទឹកចេញពីក្បាលរ៉ូមីណេ
  • ចូរសម្ងួតដៃជាមួយនឹងកន្សែងស្អាត ឬម៉ាស៊ីនសម្ងួតដៃ។

របៀបប្រើទឹកអាកុលលាងដៃឲ្យមានប្រសិទ្ធភាព

ប្រសិទ្ធភាពនៃការប្រើទឹកអាកុលលាងដៃអាស្រ័យទៅតាមផលិតផលដែលអ្នកប្រើ ព្រមទាំងរបៀបដែលអ្នកប្រើប្រាស់វាដែរ។ ដើម្បីមានប្រសិទ្ធភាព វាត្រូវតែជាទឹកលាងដៃដែលមានជាតិអាកលុលយ៉ាងហោចណាស់ ៦០ភាគរយ។ អ្នកអាចដឹងតាមរយៈមើលការណែនាំរបស់វា។ (អាន:ថ្នាំងងុយគេង ពេលអ្នកគួរប្រើ)ដើម្បីប្រើប្រាស់វាលាងដៃយ៉ាងមានប្រសិទ្ធភាព ចូរអនុវត្តដូចខាងក្រោមនេះ៖

  • ចូរចាក់ជែលលាងដៃនេះនៅលើបាតដៃម្ខាង
  • ត្រដុសជែលនេះលើដៃទាំងសងខាងជាមួយគ្នា
  • កុំភ្លេចយកជែលនោះលាបៗនៅលើផ្ទៃទាំងអស់នៃប្រអប់ដៃ និងម្រាមដៃទាំងអស់រហូតដល់ដៃស្ងួត។ 
  • រឿងនេះគួរតែស៊ីពេលប្រហែល ២០វិនាទីដែរ៕