ការជួយខ្លួនឯងចំនួនពីរដងក្នុងមួយសប្តាហ៍ ឬពីរដងក្នុងមួយថ្ងៃ អាចជារឿងធម្មតាទេ។ ខណៈពេលដែលមានប្រយោជន៍ច្បាស់លាស់ចំពោះការជួយខ្លួនឯង (មិនអាចឆ្លងជំងឺកាមរោគ ឬធ្វើឲ្យស្រ្តីមានផ្ទៃពោះបាន) អ្នកនៅតែស្ថិតក្នុងចំណុចមួយដែលបញ្ជាក់ថា ការជួយខ្លួនឯងកំពុងតែមានលក្ខណៈច្រើនជ្រុលហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ខាងក្រោមនេះគឺជាអាការៈផ្លូវកាយ និងចិត្តខ្លះៗដែលបញ្ជាក់ថា អ្នកកំពុងតែប្រើវិធីជួយខ្លួនឯងច្រើនជ្រុលហើយ៖
ធ្វើឲ្យខ្លួនឯងឈឺ
បុរសខ្លះជួយខ្លួនឯងញឹកញាប់ពេករហូតដល់ធ្វើឲ្យមានការឈឺចាប់ផង។ ការមានរបួសបែបនេះអាចមានលក្ខណៈតិចតួច (ដាច់ដោចស្បែក) ឬអាចជាជំងឺធ្ងន់ធ្ងរមួយដូចជា Peyronie’s Disease ឬសម្លាកជាលិកាក្នុងដងលិង្គ ដោយសារតែត្រដុសខ្លាំងពេក។
មានបញ្ហានៅកន្លែងការងារ
អ្នកប្រហែលជាចង់គេងនៅផ្ទះនៅថ្ងៃសុក្រចៀសជាងការទៅជួបជុំមិត្តភក្តិ ឬអាចនឹងទៅប្រជុំយឺត ដោយសារតែរវល់ប្រើដៃដើម្បីជួយខ្លួនឯងហើយ។ ទាក់ទងនឹងរឿងនេះ បើសិនជាអ្នកយល់ថា ទម្លាប់នៃការជួយខ្លួនឯងកំពុងតែរំខានជីវិតរស់នៅក្នុងសង្គម ការងារ ឬចំណង់ផ្លូវភេទជាមួយដៃគូ ដូច្នេះវាគួរតែដល់ពេលត្រូវផ្លាស់ប្តូរហើយ។
ជីវិតផ្លូវភេទរងការប៉ះពាល់
បុរសខ្លះដែលជួយខ្លួនឯងច្រើនដោយសារតែប្រភេទនៃការភ្ញោចដូចជា ការមើលខ្លីបវីដេអូសិចដែលចូលចិត្តតែម្តង។ ប៉ុន្តែដល់ពេលរួមភេទពិតប្រាកដ ពួកគេបែរជាមិនអាចបង្កើតអារម្មណ៍ស្រើបស្រាលបែបនោះបានទៅវិញ។ បើសិនជាអ្នកមើលខ្លីបវីដេអូសិចដដែលៗ ឬប្រើប្រាស់ចលនាជួយខ្លួនឯងដដែលៗ នោះវាកំពុងតែបង្រៀនខួរក្បាលឲ្យធ្វើតែឯងហើយ។ បើសិនជាមានដៃគូររួមភេទពិត វាអាចនឹងបង្កជាបញ្ហាធ្ងន់ធ្ងរ រហូតដល់លិង្គមិនអាចងើបរួចផង។
អ្នកតែងតែគិតអំពីវា
អ្នកប្រហែលជាភ្ញាក់ពីគេងមកដឹងតែចង់ជួយខ្លួនឯងតែម្តង។ ពេលញ៉ាំអាហារថ្ងៃត្រង់ អ្វីដែលអ្នកគិតជាងគេនោះអាចជាខ្លីបវីដេអូសិចដែលអ្នកចូលចិត្តខ្លាំង។ អ្វីដែលជាទំនាក់ទំនងក្នុងផ្ទៃសឹងតែលែងមាន ដោយសារតែអ្នកចេះតែចង់អង្គុយក្នុងបន្ទប់ហើយបើកវីដេអូសិចមើល។ (អាន:ថ្នាំងងុយគេង ពេលអ្នកគួរប្រើ)បើសិនជារឿងនេះដូចអ្វីក្នុងជីវិតអ្នកមែន ហើយច្រើនតែធ្វើឲ្យអ្នកធ្វើអ្វីមិនបាននោះ វាគួរតែដល់ពេលដែលត្រូវទៅជួបពេទ្យហើយ៕