បើសិនជាសក់របស់អ្នកស្ងួត អ្នកប្រហែលជាដឹងថាតើការគ្រប់គ្រងសក់ឲ្យមានសំណើមដើម្បីចៀសវាងការខូចខាត និងបែកចុងគឺជារឿងសំខាន់ប៉ុណ្ណាហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មិនខ្វល់ថាអ្នកកំពុងតែកក់សក់ សម្ងួតសក់ លេងស្តាយសក់ ឬចេញពីងូតទឹក យកល្អគួរតែធ្វើទៅតាមវិធីខាងក្រោមនេះដើម្បីការពារសក់ និងថែរក្សាសក់ឲ្យមានសុខភាពល្អបានកាន់តែយូរ៖
ក្បួនសម្ងួតសក់ដែលត្រឹមត្រូវ
- ពូកសក់ឲ្យអស់សំណើម។ ការត្រដុសសក់ជាមួយកន្សែងពោះគោអាចធ្វើឲ្យសក់ខូចបាន
- ចូរបាញ់ស្ព្រាយ និងលាបក្រែមផ្តល់សំណើមដល់សក់មុនពេលផ្លុំសក់ឲ្យស្អត់ ឬអ៊ុតសក់។ ការធ្វើបែបនេះនឹងជួយការពារភាពក្តៅ និងថែរក្សាសរសៃសក់ពីការស្ងួតខ្លាំងបាន។ ដើម្បីទទួលបានការការពារខ្លាំងបំផុត ចូរបាញ់ស្ព្រាយចាប់ពីគល់ដល់ចុងសក់ បន្ទាប់មកប្រើច្រាសបោសៗលើសក់ ហើយពាក់មួកសម្រាប់ងូតទឹក
- ចូរប្រើច្រាសបោសសរសៃសក់ដែលមានរោមទន់ខណៈពេលកំពុងតែផ្លុំសម្ងួតសក់។
ការលេងស្តាយសក់សម្រាប់សក់ស្ងួត
- ចូរសម្អាតម៉ាស៊ីនផ្លុំសក់ជានិច្ច ឬទិញម៉ាស៊ីនថ្មី។ កាលណាម៉ាស៊ីននេះមានសក់ចូលច្រើនពេក នោះខ្យល់មិនអាចបាញ់មកល្អទេ ហើយដាក់សម្ពាធកាន់តែខ្លាំង។ មានន័យថា អ្នកអាចនឹងប្រើកម្តៅក្តៅពេក។
- ចូរប្រើប្រាស់ផលិតផលណាដែលមានជាតិប្រេងចិញ្ចឹមដូចជាផ្លែប័រ ឬអូលីវចៀសជាងផលិតផលមានជាតិគីមីច្រើនដែលអាចនាំឲ្យសរសៃសក់ស្ងួតខ្លាំង។
- ការអប់សក់គួរតែធ្វើនៅផ្ទះចំនួនពីរដងក្នុងមួយសប្តាហ៍ និងនៅសាឡនម្តងក្នុងមួយខែ
- ចូរកាត់សក់តម្រឹមជាទៀងទាត់ដើម្បីថែរក្សាសក់ឲ្យមានសុខភាពល្អ អាចគ្រប់គ្រងបានដើម្បីកុំឲ្យប្រើក្រែមអប់សក់ច្រើនជ្រុល។ (អាន:ថ្នាំងងុយគេង ពេលអ្នកគួរប្រើ)
- ក្រោយពីងូតទឹករួច ចូរលាបក្រែមផ្តល់សំណើមពីគល់ដល់ចុងសក់ បន្ទាប់មកចំណាយពេល ១០នាទីក្នុងបន្ទប់ស្ទីម។ ការស្ទីមនឹងបើករន្ធរបស់ឬសក់ ដើម្បីឲ្យក្រែមអប់សក់ចូលទៅក្នុងសរសៃសក់បាន។ ក្រោយពីស្ទីមរួច ចូរលាងសម្អាតសក់ជាមួយទឹកត្រជាក់៕