បើសិនជាអ្នកមិនបានដឹងច្រើនអំពីជាតិអ៊ីយ៉ូតទេ អ្នកគួរតែដឹងហើយ ដោយសារតែវាមានសារៈសំខាន់សម្រាប់ជីវិតរស់នៅ។ ជាតិអ៊ីយ៉ូតគឺជាជាតិរ៉ែដ៏សំខាន់មួយដែលមាននាទីក្នុងការបង្កើតអ័រម៉ូនទីរ៉ូអ៊ីតសម្រាប់សម្រួលដល់ការលូតលាស់ ធំធាត់ និងការរំលាយអាហារ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដោយសារតែរាងកាយមិនអាចផលិតជីវជាតិនេះបានដោយខ្លួនឯង ដូច្នេះវាពិតជាជីវជាតិដ៏សំខាន់ដែលត្រូវទទួលទានតាមអាហារ។ មនុស្សធំត្រូវការជាតិអ៊ីយ៉ូត ១៥០ម៉ៃក្រូក្រាមក្នុងមួយថ្ងៃ ស្រ្តីមានផ្ទៃពោះ ២២០ម៉ៃក្រូក្រាមក្នុងមួយថ្ងៃ និងស្រ្តីបំបៅដោះកូនត្រូវការ ២៩០ម៉ៃក្រូក្រាមក្នុងមួយថ្ងៃ។ យ៉ាងណាមិញ អាការៈដែលបញ្ជាក់ថា ក្នុងខ្លួនកំពុងតែកង្វះជាតិអ៊ីយ៉ូតនោះមានដូចជា៖

មានអារម្មណ៍អស់កម្លាំង ឬបាក់ទឹកចិត្ត

ជាតិអ៊ីយ៉ូតគឺជាម៉ៃក្រូជីវជាតិដ៏សំខាន់ ដែលត្រូវបានរកឃើញក្នុងជាលិកាគ្រប់កន្លែងនៃរាងកាយ។ មុខងារតែមួយរបស់អ៊ីយ៉ូតដែលគេដឹងនោះគឺ វាអាចជួយដល់ការផលិតអ័រម៉ូនទីរ៉ូអ៊ីត។ ករណីកង្វះអ័រម៉ូនមួយនេះ វាអាចធ្វើឲ្យមានអាការៈអស់កម្លាំង ទល់លាមក ឡើងទម្ងន់ និងអាការៈស្ងៀមស្ងាត់ផ្សេងៗទៀត។ 

ស្បែកស្ងួត សក់ស្តើង ឬមានអារម្មណ៍ថាចាញ់ត្រជាក់

អាការៈកង្វះអ័រម៉ូនទីរ៉ូអ៊ីតរួមមាន ស្បែកស្ងួត ចាញ់ត្រជាក់ ជ្រុះសក់ និងខ្សោយសាច់ដុំ។ ស្រ្តីមានការប្រឈមនឹងបញ្ហាកង្វះអ័រម៉ូនទីរ៉ូអ៊ីតច្រើនជាងបុរសរហូតដល់ ៨ដងឯណោះ ជាពិសេសក្រោយពេលរ៉ាំងរដូវតែម្តង។ 

ធ្វើការងារប្រចាំថ្ងៃមិនបានល្អ

សម្រាប់មនុស្សពេញវ័យ ការកង្វះជាតិអ៊ីយ៉ូតកម្រិតតិចតួចទៅមធ្យមអាចបង្កជាការខ្សោយខាងផ្លូវចិត្ត និងផលិតភាពការងារ។ នៅសហរដ្ឋអាមេរិក ស្រ្តីមានផ្ទៃពោះ និងស្រ្តីបំបៅដោះកូនងាយនឹងមិនទទួលបានជាតិអ៊ីយ៉ូតគ្រប់គ្រាន់ទេ ដោយសារតែពួកគេមិនញ៉ាំអាហារសម្បូរជាតិអ៊ីយ៉ូត។ 

មានដុំនៅក ឬពកក

ជំងឺពកកគឺជាការរីកធំរបស់ក្រពេញទីរ៉ូអ៊ីត ហើយក៏ជាអាការៈច្បាស់មួយនៃការកង្វះជាតិអ៊ីយ៉ូតដែរ។ ជំងឺពកកអាចកើតឡើងនៅកផ្នែកខាងមុខ ហើយក៏ជាអាការៈដំបូងបំផុតនៃការកង្វះជាតិអ៊ីយ៉ូតទៀត។ យ៉ាងណាមិញ ការទទួលទានអំបិលដែលមានជាតិអ៊ីយ៉ូតពិតជាអាចបង្ការបញ្ហាកង្វះជាតិអ៊ីយ៉ូតបាន។ 

មានអារម្មណ៍ស្លាក់ពេលគេង

ការរីកធំរបស់ជំងឺពកកកអាចធ្វើឲ្យអ្នកពិបាកដកដង្ហើម និងលេបអាហារ។ នៅពេលគេង អ្នកប្រហែលជាមានអារម្មណ៍ចង់ស្លាក់ថែមទៀតផង។ 

កំពុងតែមានបញ្ហាច្រើនក្នុងពេលមានផ្ទៃពោះ

ក្នុងពេលមានផ្ទៃពោះ រាងកាយត្រូវការអ័រម៉ូនទីរ៉ូអ៊ីត ដូច្នេះត្រូវការអ័រម៉ូនទីរ៉ូអ៊ីតគ្រប់គ្រាន់ដែរ។ អ័រម៉ូនទីរ៉ូអ៊ីតជាអ្នកផលិត Myelin ដែលជាស្រោមការពារកោសិកាសរសៃប្រសាទ។ (អាន:ថ្នាំងងុយគេង ពេលអ្នកគួរប្រើ)ស្រ្តីមានផ្ទៃពោះដែលកង្វះជាតិអ៊ីយ៉ូតធ្ងន់ធ្ងរ ប្រឈមខ្លាំងនឹងការរលូតកូន និងកូនស្លាប់ក្នុងផ្ទៃ៕