ឧស្សាហ៍អាឡែហ្ស៊ី ហើយមិនចូលចិត្តលេបថ្នាំ អាចសាកល្បងញ៉ាំអាហារទាំងនេះបាន

បើសិនជាអ្នកចេះតែមានអាការៈអាឡែហ្ស៊ីដូចជា ហៀរសម្បោ ស្អារក និងកណ្តាសជាប់ជាដើម ខណៈពេលដែលការប្រើប្រាស់ថ្នាំជាធម្មតាជាជម្រើសដំបូងដើម្បីដោះស្រាយអាការៈនេះ ប៉ុន្តែមានវិធីធម្មជាតិមួយចំនួនក៏អាចជួយបន្ថយអាការៈដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះគឺជាអាហារខ្លះៗដែលអាចជួយសម្រួលអាការៈអាឡែហ្ស៊ីបានយ៉ាងល្អ៖

ផ្អាកការញ៉ាំកាហ្វេសិន

បើសិនជាអ្នកកំពុងតែហៀរសម្បោ ហើយញ៉ាំកាហ្វេទៀត នោះជាតិកាហ្វេអ៊ីនរបស់វាអាចជំរុញដល់ការបញ្ចេញសារធាតុបង្កអាឡែហ្ស៊ីដែលនាំឲ្យមានអាការៈអាឡែហ្ស៊ីកាន់តែខ្លាំងបាន។ ការញ៉ាំជាតិកាហ្វេអ៊ីនច្រើនអាចធ្វើឲ្យស្ទះដល់ថ្លើមហើយអាឡែហ្ស៊ីកាន់តែធ្ងន់ធ្ងរថែមទៀត។ 

បន្ថយការញ៉ាំផលិតផលធ្វើពីទឹកដោះគោ

មនុស្សជាច្រើនងាយនឹងមានប្រតិកម្មអាឡែហ្ស៊ីដោយសារតែញ៉ាំផលិតផលធ្វើពីទឹកដោះគោ ដូច្នេះយកល្អគួរតែជ្រើសរើសផលិតផលក្រៅពីនេះវិញ។ ជម្រើសដ៏ល្អនោះគឺទឹកសណ្តែកសៀងគួរតែជជម្រើសដែលគួរតែសាកល្បងជំនួស។ 

ញ៉ាំខ្ញីឲ្យបានច្រើន

ការញ៉ាំខ្ញីស្រស់ៗកាន់តែច្រើននឹងដើរតួនាទីបំបាត់ការតឹងច្រមុះបែបធម្មជាតិបាន ដោយសារតែវាជួយសម្រួលដល់ការរលាកដែលនាំឲ្យអាឡែហ្ស៊ីបាន។ 

បង្កើនការញ៉ាំវីតាមីន C

តាមរយៈការបញ្ចូលផ្លែឈើ និងបន្លែទៅក្នុងរបបអាហារ អ្នកក៏អាចពឹងផ្អែកទៅលើការទទួលបានវីតាមីន C ដែរ ព្រោះអាហារសម្បូរវីតាមីន C អាចជួយទ្រទ្រង់ដល់ផ្លូវដង្ហើម និងបន្ថយការបញ្ចេញសារធាតុបង្កអាឡែហ្ស៊ីក្នុងឈាមបាន។ 

ញ៉ាំអាហារប្រឆាំងនឹងការរលាក

ដោយសារតែអាឡែហ្ស៊ីទាក់ទងនឹងការរលាក ចូរព្យាយាមញ៉ាំអាហារមានពណ៌ច្រមុះដែលអាចបន្ថយការរលាកក្នុងរាងកាយបានតាមបែបធម្មជាតិ។ (អាន:ថ្នាំងងុយគេង ពេលអ្នកគួរប្រើ)អាហារទាំងនោះគួរតែជា៖

• ផ្លែបឺរីដូចជា បឺរីពណ៌ខៀវ និងខ្មៅ
• ទំពាំងបាយជូរពណ៌ស្វាយ
• បន្លែប្រភេទមឺមដូចជា ការ៉ុត ដំឡូងជ្វា ល្ពៅជាដើម
• ស្វាយ ល្ហុង ម្នាស់
• ផ្លែប័រ
• ត្រី៕