តើអ្នកកំពុងតែខ្លាចការញ៉ាំអាហារឆ្ងាញ់ៗដោយសារតែខ្លាចការក្រហាយក្នុងទ្រូងហើយមែនទេ? ប៉ុន្តែរឿងនេះមិនមែនមានតែអ្នកទេដែលកើតបញ្ហានេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការក្រហាយដើមទ្រូងមានន័យថា ជាការច្រាលអាស៊ីតក្រពះមកបំពង់ក ដែលជាហេតុនាំឲ្យមានអារម្មណ៍ក្រហាយៗក្រោយឆ្អឹងជំនី និងមានរយៈពេលពីរបីនាទី ឬច្រើនម៉ោង។ អាការៈផ្សេងៗទៀតមានដូចជា ឈឺទ្រូងនៅពេលអោន និងមានរសជាតិជូរក្នុងមាត់ ពិបាកលេបអាហារ និងស្ទិតៗក្នុងទ្រូង។ យ៉ាងណាមិញ ខាងក្រោមនេះគឺជាមូលហេតុដែលនាំឲ្យអ្នកមានអាការៈក្រហាយៗក្នុងទ្រូង៖
ញ៉ាំអាហារច្រើនពេក
ការដែលមានទម្លាប់ញ៉ាំអាហារច្រើនៗពេកអាចនាំឲ្យក្រពះពិបាកធ្វើការ ហើយក៏អាចនាំឲ្យទឹកអាស៊ីតក្រពះច្រាលឡើងទៅខាងលើ និងបង្កជាការរលាកបាន ដែលជាហេតុនាំឲ្យមានអារម្មណ៍ក្រហាយៗក្នុងទ្រូង។ ការញ៉ាំអាហារយឺតៗ និងតិចៗអាចជួយដោះស្រាយរឿងនេះបាន។
ក្រញ៉ាំអាហារពេក
នៅពេលអ្នកគេង អាស៊ីតអាចនឹងច្រាលឡើងដល់បំពង់ក ហើយក៏អាចបង្កជាការក្រហាយដើមទ្រូងបានដែរ។ ចម្លើយនោះគឺថា ចូរចៀសវាងការញ៉ាំអាហារមុនគេរយៈពេល ៣ម៉ោង ព្រោះអាចធ្វើឲ្យអាហារច្រាលមកបំពង់កបានពេលកំពុងតែគេង។ យកល្អគួរតែអង្គុយឲ្យបានយូរសិនក្រោយពីញ៉ាំអាហាររួច។
អ្នកកំពុងតែញ៉ាំអាហារ និងផឹកទឹកដែលមិនត្រឹមត្រូវ
គ្រឿងផ្សំក្នុងអាហារដែលនាំឲ្យក្រហាយដើមទ្រូងមានដូចជា កាហ្វេ គ្រឿងស្រវឹង សូកូឡា អាហារមានជាតិខ្លាញ់ ឬហិរ។ ប៉ុន្តែចូរកត់ត្រាអាហារដែលអ្នកញ៉ាំ និងពេលវេលាដែលនាំឲ្យមានអាការៈនេះផង ដូច្នេះអ្នកនឹងអាចដឹងថាអ្វីដែលនាំឲ្យមានបញ្ហា និងចៀសវាងការធ្វើទុក្ខនៅថ្ងៃក្រោយទៀត។
សម្លៀកបំពាក់តឹងពេក
សម្លៀកបំពាក់ដែលតឹងៗពេកអាចដាក់សម្ពាធទៅលើពោះ ដែលអាចបង្ខំឲ្យអាស៊ីតក្រពះច្រាលទៅខាងលើ និងបង្កជាការក្រហាយដើមទ្រូងបាន។ (អាន:ថ្នាំងងុយគេង ពេលអ្នកគួរប្រើ)បើសិនជាអ្នកមានបញ្ហាក្រហាយដើមទ្រូងដោយសារតែរឿងនេះមែន ចូរព្យាយាមបន្ធូរសម្លៀកបំពាក់ៗដែលនៅជុំវិញចង្កេះ៕