តើអ្នកចង់រក្សាសម្រស់កាន់តែនៅក្មេង និងសាច់ឈាមភ្លឺថ្លាបានយូរដែរទេ? បើសិនជាអ៊ីចឹងមែន យកល្អគួរតែស្វែងយល់សិនថា ហេតុអ្វីបានជាស្បែករបស់យើងប្រែពណ៌ទៅជាខ្មៅសិន។ មានភាពខុសគ្នាច្រើនណាស់រវាងការប្រែពណ៌ស្បែក និងការចាស់ទៅតាមអាយុរបស់ស្បែក និងកត្តាជាច្រើនទៀតដែលកំណត់ទៅលើរបៀបដែលស្បែកយើងមានការប្រែប្រួល។ ការប្រែពណ៌របស់ស្បែកពីសទៅខ្មៅច្រើនតែកើតឡើងខ្លាំងលើប្រជាជនអាស៊ីយើងតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែហេតុផលដែលនាំឲ្យស្បែកប្រែពណ៌បែបនេះអាចដោយសារតែ មានការរលាក អ័រម៉ូន និងការខូចខាតដោយសារពន្លឺព្រះអាទិត្យ ហើយខ្លះទៀតក៏ទាក់ទងនឹងស្រ្តេសផងដែរ។ ខាងក្រោមនេះគឺជាវិធីខ្លះៗក្នុងការបំបាត់ស្នាមខ្មៅលើស្បែក៖

ខាត់ស្បែក

ការដែលប្រើវិធីជម្រុះកោសិកាងាប់ៗចោលលើស្បែកជាទៀងទាត់ អាចនឹងទទួលបានស្បែកកាន់តែភ្លឺថ្លា និងស្រស់ស្រាយជាងមុនជាមិនខាន។ វាក៏ជួយបង្កើនរបត់ឈាមរត់ដើម្បីពង្រឹងដល់សភាពរបស់ស្បែក និងមុខងារស្បែកកាន់តែប្រសើរជាងមុន។ ចូរប្រើប្រាស់ផលិតផលណាដែលមានអាស៊ីតផ្លែឈើដូចជា Glycolic, Alpha, Hydroxy, Lactic និង Salicylic Acid ឬ អង់ហ្ស៊ីមផ្លែឈើ ទើបល្អចំពោះស្បែក។ 

ការពារការខូចខាតពីពន្លឺព្រះអាទិត្យ

តាមពិតទៅ ស្បែកដែលខូចខាត និងងាយចាស់ ច្រើនតែកើតមានជាញឹកញាប់ដោយសារតែការប៉ះពាល់ពន្លឺព្រះអាទិត្យដោយមិនបានការពារ។ កាំរស្មីយូវីអាចទម្លុះកញ្ចក់ ហើយបង្កបញ្ហាលើស្បែកបាន។ ដូច្នេះចូរប្រើប្រាស់ឡេការពារពន្លឺព្រះអាទិត្យដែលមាន SPF យ៉ាងហោចណាស់ ៣០ ទើបអាចការពារបានទាំងកាំរស្មីយូវី A និង B។ 

ផ្តល់ជីវជាតិដល់ស្បែក

ស្បែកដែលស្ងួតគឺងាយនឹងប្រែទៅជាខ្មៅណាស់ ដូច្នេះការផ្តល់ជីវជាតិដល់ស្បែកគឺជារឿងដែលត្រូវធ្វើបើសិនជាអ្នកចង់បានស្បែកសស្អាតឡើងវិញ។ (អាន:ថ្នាំងងុយគេង ពេលអ្នកគួរប្រើ)ផលិតផលដែលមានសារធាតុ Hyaluronic Acid អាចជួយថែរក្សាស្បែកឲ្យមានសំណើមបានតាមរយៈសមត្ថភាពទាញជាតិទឹករបស់វា។ អ្នកអាចប្រើផលិតផលបែបនេះលាបលើស្បែកបាន៕