អ្នកប្រហែលជាដឹងហើយថា ស្រ្តីម្នាក់ដែលរស់នៅជាមួយជំងឺរលាកសន្លាក់ RA វាអាចនឹងធ្វើទុក្ខច្រើនជាងបីដងឯណោះក្នុងមួយថ្ងៃ ហើយក៏ច្រើនជាងកើតឡើងលើបុរសដែរ។ ប៉ុន្តែស្រ្តីនៅតែអាចធ្វើការងារក្នុងផ្ទះបានច្រើនជាងស្រ្តីដដែលដូចជា បោកសម្លៀកបំពាក់ បោសជូតផ្ទះ អ៊ុតខោអាវ ឬឈរលាងចានជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺរលាកសន្លាក់ RA កើតឡើងដោយសារតែប្រព័ន្ធភាពស៊ាំធ្វើការខុសប្រក្រតី ប៉ុន្តែយើងមិនបានដឹងអំពីមូលហេតុរបស់វាច្បាស់លាស់នៅឡើយទេ។ ដូច្នេះហើយខាងក្រោមនេះគឺជាអាការៈដែលស្រ្តីគ្រប់រូបគួរតែស្វែងយល់បន្ថែម៖
ឈឺចាប់ គាំងសន្លាក់ និងហើមក្នុង និងជុំវិញសន្លាក់
អាការជំងឺរលាកសន្លាក់ RA អាស្រ័យទៅតាមជំងឺនេះមានការវិវត្តន៍យូរឬនៅដែរ។ អាការៈភាគច្រើនរបស់ជំងឺនេះគឺ ឈឺចាប់ គាំងសន្លាក់ និងមានអារម្មណ៍ហើមក្នុង និងជុំវិញសន្លាក់។ ជាធម្មតាអាការៈទាំងនេះនឹងធ្ងន់ធ្ងរនៅពេលព្រឹកក្រោយពីភ្ញាក់ពីគេងរួច តែវានឹងធូរស្រាលវិញនៅពេលធ្វើចលនា។ អ្វីដែលសំខាន់គឺវាកើតឡើងលើសន្លាក់ទាំងសងខាង ឧទាហរណ៍ ប្រអប់ដៃ ឬប្រអប់ជើង។ ប៉ុន្តែសម្រាប់មនុស្សភាគច្រើន សន្លាក់ដំបូងដែលកើតជំងឺនេះសន្លាក់ RA គឺសន្លាក់ក្នុងម្រាមដៃ និងកដៃតែម្តង។
អាការៈកើតឡើងលើសន្លាក់ទាំងសងខាង
បើសិនជាអ្នកសម្គាល់ឃើញថា មានការឈឺចាប់ ឬមិនមានផាសុកភាពដូចៗគ្នានៅសន្លាក់ទាំងសងខាង នោះវាអាចជាសញ្ញាមួយនៃជំងឺរលាកសន្លាក់ RA ហើយ។ ប៉ុន្តែកម្រិតនៃការឈឺចាប់វិញប្រហែលជាមិនមានលក្ខណៈដូចគ្នាទាំងស្រុងឡើយ។ បើសិនជាឈឺនៅសន្លាក់ស្មាទាំងខាង នោះការឈឺចាប់នៅខាងឆ្វេងអាចខ្លាំងក្លាជាងក៏មានដែរ។
មានអាការៈដូចជំងឺផ្តាសាយ
ជំងឺរលាកសន្លាក់ RA អាចបង្កជាអាការៈដូចជំងឺផ្តាសាយ ដែលរឿងនេះបណ្តាលមកពីការកើនឡើងការរលាកក្នុងរាងកាយ។ អាការៈទាំងនោះមានដូចជា ឈឺខ្លួន អស់កម្លាំង និងក្តៅខ្លួនស្ទិញៗ។ ពិតណាស់វាក៏អាចជាជំងឺផ្តាសាយមែនទែនដែរ ប៉ុន្តែបើសិនជាអ្នកមានអាការៈទាំងនេះជាមួយនឹងការឈឺសន្លាក់ ហើម ឬគាំងសន្លាក់ វាគួរតែជាពេលវេលាដែលអ្នកត្រូវទៅជួបពេទ្យហើយ។
សន្លាក់ឡើងក្រហម និងក្តៅ
ក្រៅពីឈឺ ឬគាំងសន្លាក់ សន្លាក់របស់អ្នកជំងឺ RA ក៏អាចទៅជាឡើងក្រហម និងមានអារម្មណ៍ថាក្តៅឧណ្ហៗពេលប៉ះដែរ។ ការក្រហមនេះកើតចេញពីសរសៃឈាមតូចៗរីកធំដោយសារតែការរលាកស្រោមរបស់សន្លាក់។ ចំណែកឯការឡើងកម្តៅឧណ្ហៗវិញ ក៏ជារឿងសំខាន់ដែលត្រូវយកចិត្តទុកដាក់ដែរ។
សន្លាក់ខូចទ្រង់ទ្រាយ
អាការៈគួរឲ្យចាប់អារម្មណ៍មួយទៀតរបស់ជំងឺរលាកសន្លាក់ RA គឺសន្លាក់ខូចទ្រង់ទ្រាយ។ ភាពខូចទ្រង់ទ្រាយនៃច្រើនតែរកឃើញនៅសន្លាក់ម្រាមដៃតែម្រង ឬអាចហៅថា ជាម្រាមដៃធ្មប់។ ភាពខូចទ្រង់ទ្រាយនេះក៏កើតឡើងលើកៃដៃ និងម្រាមជើងផងដែរ។
ពិបាកដកដង្ហើម
ជឿឬអត់ថា ជំងឺរលាកសន្លាក់ RA ក៏អាចនៅពីក្រោយជំងឺសួតជាច្រើនដែលនាំឲ្យពិបាកដកដង្ហើមដែរ។ ឧទាហរណ៍ អ្នកមានជំងឺរលាកស្រោមសួត ហើយមានអាការឈឺដូចគេចាក់ក្នុងទ្រូង ប៉ុន្តែវាមិនមានតែប៉ុណ្ណឹងទេ ដោយពេលខ្លះសួតបង្ហាញអាការៈមុនពេលឈឺសន្លាក់ទៅទៀត ហើយក៏អាចបង្កើតជាបញ្ហាដល់សួត ឬដុំក្នុងសួត ឬការស្ទះតូចៗក្នុងសួតដែរ។ (អាន:ថ្នាំងងុយគេង ពេលអ្នកគួរប្រើ)ដូច្នេះបើសិនជាអ្នកមានបញ្ហាដកដង្ហើមមិនដឹងមូលហេតុ ចូរទាក់ទងទៅគ្រូពេទ្យបន្ថែមឲ្យបានលឿន៕