ចូរអនុវត្តមូលដ្ឋានថែរក្សាស្បែកដែលល្អ
បើសិនជាអ្នកពិតជាចង់ថែរក្សាស្បែកឲ្យមើលទៅក្មេងជាប់ ចូរចាប់ផ្តើមជាមួយនឹងគន្លឹះសំខាន់ៗខាងមុខ៖
- ចូរចៀសវាងការប៉ះពាល់នឹងពន្លឺព្រះអាទិត្យ
- ចូរលាបក្រែមការពារកម្តៅព្រះអាទិត្យ
- ចូរស្លៀកពាក់ខោអាវដៃវែងជើងវែង(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- កុំជក់បារី
- ប្រើប្រាស់ក្រែមផ្តល់សំណើមដល់ស្បែក។
គេងផ្ងា
នៅពេលអ្នកគេងក្នុងជំហររាល់ដងនៅពេលយប់ វាអាចនាំឲ្យមានស្នាមផ្នត់ៗដោយសារគេង ដែលវាគឺជាផ្នត់ជ្រួញនៅលើស្រទាប់ស្បែកខាងក្រៅគេ ហើយក៏មិនបាត់វិញដែរនៅពេលអ្នកភ្ញាក់ពីគេង។ ការគេងចំហៀងអាចធ្វើឲ្យកើតស្នាមជ្រីវជ្រួញនៅលើថ្ពាល់ និងចង្កា ខណៈពេលដែលការគេងផ្កាប់មុខអាចធ្វើឲ្យផ្តល់មុខយ៉ាងខ្លាំងទៀត។ ដូច្នេះការគេងផ្ងាគឺជារឿងល្អបំផុត។
ញ៉ាំត្រីសាលម៉ុងឲ្យបានច្រើន
ត្រីសាលម៉ុងគឺជាប្រភពប្រូតេអ៊ីនដ៏អស្ចារ្យមួយ ដែលជួយបង្កើតស្បែកកាន់តែអស្ចារ្យ។ វាក៏ផ្ទុកទៅដោយអាស៊ីតខ្លាញ់អូមេហ្គាបីយ៉ាងច្រើនផងដែរ។ អ្នកជំនាញនិយាយថា អាស៊ីតខ្លាញ់សំខាន់នេះផ្តល់ជីវជាតិដល់ស្បែក និងថែរក្សាស្បែកឲ្យនៅក្មេងជាងវ័យ និងអាចបន្ថយភាបជ្រីវជ្រួញថែមទៀត។
កុំជ្រួញចិញ្ចើមដូចអានអក្សរក្នុងទំហំតូច
រាល់ការធ្វើទឹកមុខខ្លាំងពេក ជាពិសេសការជ្រួញចិញ្ចើម ឬចងចិញ្ចើមអាចបង្កជាចង្អូរច្រើននៅលើស្បែក ហើយចុងក្រោយអាចក្លាយទៅជាភាពជ្រីវជ្រួញ។ ដូច្នេះចូរបើភ្នែកធំៗធម្មតា ហើយបើសិនជាមើលអក្សរមិនឃើញ ចូរមើលឲ្យជិត ឬប្រើវ៉ែនតាជំនួសទៅ ព្រោះរឿងនេះអាចជួយការពារស្បែកជុំវិញភ្នែកពីការខូចខាតដោយសារពន្លឺព្រះអាទិត្យ និងថែរក្សាភ្នែកផង។
កុំលាងមុខច្រើនជ្រុលពេក
ចូរយកបើកទឹកហូរលើដៃហើយខ្បង់វាមកលើមុខធម្មតា ហើយការប្រើប្រេងធម្មជាតិបន្ថែមទៀតកាន់តែជួយការពារស្បែកជ្រីវជ្រួញដែរ។ បើសិនជាអ្នកលាងសម្អាតមុខញឹកញាប់ពេក មានន័យថាអ្នកកំពុងតែលាងសម្អាតផ្នែកការពាររបស់ស្បែកហើយ។ ចូរប្រើប្រាស់សាប៊ូជាមួយនឹងក្រែមផ្តល់សំណើម ឬជែល ឬក្រែមលាងសម្អាតជំនួវិញ។
លាបវីតាមីន C
ការសិក្សាខ្លះបានរកឃើញថា ក្រែមមានជាតិវីតាមីន C អាចជួយបង្កើនចំនួនកូឡាជែនរបស់ស្បែកបាន។ វីតាមីន C ក៏ជួយការពារការខូចខាតរបស់ស្បែកដោយសារតែកាំរស្មីយូវី A និង B ព្រមទាំងជួយបន្ថយការឡើងក្រហម ស្នាមអ៊ុចៗ និងពង្រឹងដល់សុខភាពស្បែកទៀត។ អ្នកគួរតែប្រើប្រាស់ផលិតផលថែរក្សាស្បែកដែលមានវីតាមីន C ត្រឹមត្រូវ។ L-ascorbic Acid ប្រហែលជាមធ្យោបាយបំបាត់ស្នាមជ្រីវជ្រួញយ៉ាងល្អបំផុត។
សណ្តែកសៀង
សណ្តែកសៀងប្រហែលជាពង្រឹងដល់រូបរាងខាងក្រៅរបស់ស្បែក និងការពារស្បែកដែរ។ ការសិក្សាបានបង្ហាញថា ការលាបសណ្តែកសៀងលើស្បែក ឬញ៉ាំជាថ្នាំបំប៉ន ប្រហែលជាជួយការពារ ឬជួយឲ្យការខូចខាតដោយសារព្រះអាទិត្យកាន់តែលឿន។(អាន:ថ្នាំងងុយគេង ពេលអ្នកគួរប្រើ) វាក៏ជួយដល់រចនាសម្ព័ន្ធស្បែក និងភាពណែនតឹងរបស់ស្បែកថែមទៀតផង៕