ការញ៉ាំអាហារផ្តល់សុខភាព ដូចជា បន្លែ និងផ្លែឈើច្រើនគឺជាមធ្យោបាយដ៏ល្អបំផុតក្នុងការការពារកុំឲ្យមានជំងឺហើយមានរាងសមសួនទៀត។ បន្លែគឺជាប្រភពដ៏ឆ្លាតវៃនៃជីវជាតិជាច្រើនដែលរាងកាយត្រូវការ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាអ្នកកំពុងតែមានគម្រោងយកកូន យកល្អគួរតែព្យាយាមញ៉ាំបន្លែឲ្យបានច្រើន ដោយសារតែការសិក្សាថ្មីបានបង្ហាញថា ការញ៉ាំបន្លែច្រើនប្រហែលជាជួយបន្ថយការប្រឈមនឹងការសម្រាលកូនមិនគ្រប់ខែ។
គម្រោងរបបអាហារត្រៀមពេលមានផ្ទៃពោះ
ការមានគម្រោងញ៉ាំអាហារមានតុល្យភាពល្អមិនត្រឹមតែអាចបង្កើនលទ្ធភាពមានកូនទេ តែក៏ឲ្យស្រ្តីមានផ្ទៃពោះប្រកបដោយសុខភាពល្អបានដែរ។ បើសិនជាអ្នកកំពុងតែព្យាយាមមានផ្ទៃពោះ អ្នកត្រូវតែញ៉ាំអាហារសម្បូរទៅដោយអាស៊ីតហ្វូលិក កាលស្យូម អ៊ីយ៉ូត អាស៊ីតខ្លាញ់ ។ល។ ជីវជាតិទាំងនេះសំខាន់ណាស់សម្រាប់ការមានផ្ទៃពោះប្រកបដោយសុខភាពល្អ។ ខាងក្រោមនេះគឺជាអាហារមួយចំនួនដែលអ្នកគួរតែញ៉ាំហើយ៖
អាហារសម្បូរអាស៊ីតហ្វូលិក
ស្រ្តីដែលកំពុងតែព្យាយាមមានផ្ទៃពោះ ត្រូវបានគេណែនាំឲ្យញ៉ាំអាស៊ីតហ្វូលិកចំនួន ៤០០ម៉ៃក្រូក្រាមយ៉ាងហោចណាស់មួយខែមុនពេលព្យាយាមយកកូន។ ជីវជាតិទាំងនេះសំខាន់ណាស់សម្រាប់បង្កើតកោសិកាមានសុខភាពល្អ និងជួយបង្ការការខូចសរសៃប្រសាទពេលសម្រាលដូចជា ពកឆ្អឹងខ្នង និងមិនមានលលាដ៍ក្បាលជាដើម។ អាហារសម្បូរជីវជាតិនេះមានដូចជា បន្លែ ក្រូច និងស្ត្របឺរី និងសណ្តែកដី។
អាហារសម្បូរជាតិកាលស្យូម
ប្រព័ន្ធប្រដាប់បន្តពូជត្រូវការជាតិកាលស្យូមដើម្បីធ្វើការកាន់តែរលូន។ អ្នកជំនាញនិយាយថា វាប្រហែលជាអាចជួយដល់ការមានផ្ទៃពោះកាន់តែលឿនផង។ បើសិនជាអ្នកមិនទទួលបានជាតិកាលស្យូមគ្រប់គ្រាន់ក្នុងពេលមានផ្ទៃពោះទេ រាងកាយនឹងទាញកាលស្យូមចេញពីឆ្អឹង ដើម្បីផ្តល់ឲ្យកូនកំពុងតែលូតលាស់នោះ។ រឿងនេះប្រហែលជាបង្កើនការប្រឈមនឹងជំងឺពុកឆ្អឹងនៅថ្ងៃអនាគត់ផង។ អ្នកត្រូវការជាតិកាលស្យូមប្រហែល ១០០០មីលីក្រាមជារៀងរាល់ថ្ងៃដើម្បីមានផ្ទៃពោះប្រកបដោយសុខភាពល្អ។ អាហារសម្បូរជាតិកាលស្យូមមានដូចជា ទឹកដោះគោ យ៉ាអួ និងប្រូខូលី។
ញ៉ាំជាតិដែកពីអាហារ
ការកង្វះជាតិដែកប្រហែលជាធ្វើឲ្យពិបាកមានផ្ទៃពោះ ដោយសារតែជីវជាតិមួយនេះជួយផ្គត់ផ្គង់អុកស៊ីសែនក្នុងរាងកាយ។ ជាតិដែកក៏សំខាន់ណាស់ក្នុងពេលមានផ្ទៃពោះដែរ ដោយសារតែការមានវាមិនគ្រប់គ្រាន់អាចបង្កើនការប្រឈមនឹងកូនកើតមិនគ្រប់ទម្ងន់ ឬកើតមិនគ្រប់ខែបាន។ ស្រ្តីដែលកំពុងតែព្យាយាមមានផ្ទៃពោះ ឬមានផ្ទៃពោះហើយត្រូវការញ៉ាំជាតិដែកប្រហែល ១៨មីលីក្រាមក្នុងមួយថ្ងៃ។ អាហារសម្បូរជាតិដែកមានដូចជា ស្ពៃស្ពីណាច ឬត្រកួន។ (អាន:ថ្នាំងងុយគេង ពេលអ្នកគួរប្រើ)
ប្រភពនៃអាស៊ីតខ្លាញ់
អាស៊ីតខ្លាញ់អូមេហ្គាបីមាននាទីជួយសម្រួលដល់អ័រម៉ូនជំរុញដល់ការជ្រុះអូវ៉ុល និងបង្កើនលំហូរឈាមទៅសរីរាង្គបន្តពូជ។ ជីវជាតិមួយនេះច្រើនតែមានក្នុងអាហារសមុទ្រ សាច់គោ និងគ្រាប់ធញ្ញជាតិ។ ត្រីដូចជា សាលម៉ុន សាឌីន សុទ្ធតែជាប្រភពល្អៗនៃអាស៊ីតខ្លាញ់អូមេហ្គាបីហើយ៕