ការឈឺក្បាលមិនមែនជារឿងសប្បាយឡើយបើសិនជាវាកើតឡើងខ្ទក់ៗពេលភ្ញាក់ពីគេង ហើយមិនមានមូលហេតុត្រឹមត្រូវ។  ប៉ុន្តែហេតុផលមួយដែលធ្វើឲ្យអ្នកឈឺក្បាលដែរនោះគឺដោយសារតែគេងច្រើនជ្រុលពេក។ ដូច្នេះហេតុអ្វីបានជាការគេងច្រើនពេកអាចធ្វើឲ្យឈឺក្បាលដែរ?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

មិនមានពេលវេលាណាច្បាស់លាស់ឡើយដែលថាអ្នកត្រូវការគេងរយៈពេលយូរប៉ុណ្ណា។ ចំនួននៃការគេងនេះអាស្រ័យទៅតាមកត្តាជាច្រើនដូចជា៖

  • អាយុ
  • ភាពញឹកញាប់នៃការហាត់ប្រាណ
  • ភាពមានសុខភាពល្អដែលអ្នកមាន
  • ស្ថានភាពផ្លូវចិត្តដែលអ្នកកំពុងតែជួបពេញមួយថ្ងៃ។ 

បើសិនជាអ្នកស្រ្តេស ឬគេងឈឺ អ្នកប្រហដែលជាត្រូវការគេងច្រើនជាងធម្មតា។ ប៉ុន្តែអ្នកជំនាញនិយាយថា មនុស្សយើងគួរតែគេងពី ៧ ទៅ ៩ម៉ោងជារៀងរាល់យប់បើសិនអ្នកជាមនុស្សពេញវ័យអាយុចាប់ពី ១៨ ទៅ ៦០ឆ្នាំ។ 

ការគេងច្រើនពេកពិតជាធ្វើឲ្យឈឺក្បាលជាញឹកញាប់មែន ប៉ុន្តែខាងក្រោមនេះគឺជាហេតុផលនៅពីក្រោយការឈឺក្បាលនេះឯង៖

ការរំខានរបស់អ័រម៉ូន Serotonin 

ការស្រាវជ្រាវបានឲ្យដឹងថា ការគេងច្រើនជ្រុលមានឥទ្ធិពលទៅលើសារធាតុចម្លងសរសៃប្រសាទ Serotonin ក្នុងខួរក្បាល។ ដោយជាធម្មតាវាមាននាទីជួយរក្សាសង្វាក់នៃការគេង និងភ្ញាក់ និងផ្តល់អារម្មណ៍ស្រស់ស្រាយ។ ប៉ុន្តែនៅពេលអ្នកគេងច្រើនពេក អ្នកកំពុងតែរំខានដល់ដំណើការណ៍នៃការងាររបស់អ័រម៉ូន Serotonin នេះហើយ។ បើសិនជាអ្នកនៅតែគេងក្រោយពីអ័រម៉ូននេះបញ្ជូនទៅកន្លែងទទួលដើម្បីឲ្យភ្ញាក់ហើយ នោះរាងកាយនឹងមិនអាចសម្រាកបានពិតប្រាកឡើយ ហើយបង្កជាការឈឺក្បាលបាន។ 

មានបញ្ហានៃការគេង

អ្វីដែលអាចទៅរួចនោះគឺថា អ្នកប្រហែលជាមានបញ្ហានៃការគេងដូចជា គេងមិនលក់ ឬគេងបាត់ដង្ហើម ការគេងមិនលក់មានន័យថា ទោះបីជាអ្នកគិតថាខ្លួនឯងកំពុងតែគេងក៏ដោយ ក៏ខួរក្បាលប្រហែលជាមិនអាចស្ងប់ ហើយនៅតែធ្វើការដដែល។ នៅពេលអ្នកមិនបានគេងលក់ស្កប់ស្កល់ទៀត រាងកាយនឹងបង្កើតជាប្រូតេអ៊ីនមួយប្រភេទដែលភ្ញោចទៅប្រព័ន្ធសរសៃប្រសាទ និងធ្វើឲ្យឈឺក្បាលបែបប្រកាំងពេលភ្ញាក់ពីគេង។ ការគេងបាត់ដង្ហើមអាចបន្ថយចំនួនអុកស៊ីសែនទៅចិញ្ចឹមខួរក្បាលក្នុងពេលគេង។ រឿងនេះក៏អាចរំខានការគេង និងបន្ថយលំហូរឈាមទៅខួរក្បាល និងបង្កជាការឈឺក្បាលពេលភ្ញាក់ពីគេងដូចគ្នា។ 

ថប់អារម្មណ៍

វាមានទំនាក់ទំនងខ្លាំងក្លាមួយរវាងការថប់អារម្មណ៍ និងការឈឺក្បាលខុសធម្មតាដូចជា ប្រកាំងជាដើម។ ការសិក្សាបានបង្ហាញថា ការថប់អារម្មណ៍ និងជំងឺផ្លូវចិត្តផ្សេងៗទៀតដូចជា បាក់ទឹកចិត្តនឹងធ្វើឲ្យគេងមិនលក់ និងគេងច្រើនជ្រុលបាន។ (អាន:ថ្នាំងងុយគេង ពេលអ្នកគួរប្រើ)មនុស្សជាច្រើនដែលមានអាការៈប្រកាំងនៅថ្ងៃចុងសប្តាហ៍មិនត្រឹមតែបណ្តាលមកពីការគេងជ្រុលទេ តែក៏ដោយសារតែការចុះទាបរបសស្រ្តេសអ័រម៉ូនដែរ៕