បើសិនជាអ្នកមានជំងឺឡើសសម្ពាធឈាម ឬខូចសរសៃប្រសាទដោយសារតែជំងឺទឹកនោមផ្អែម ការញ៉ាំគ្រឿងស្រវឹងប្រហែលជាធ្វើឲ្យជំងឺនេះកាន់តែធ្ងន់ធ្ងរបាន។ អ្នកគួរតែពិនិត្យសុខភាពខ្លួនឯងជាមួយគ្រូពេទ្យដើម្បីកំណត់ថា ការញ៉ាំគ្រឿងស្រវឹងបែបណាទើបមានសុវត្ថិភាព។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
គ្រឿងស្រវឹងអាចធ្វើឲ្យជាតិស្ករក្នុងឈាមចុះទាបក្នុងរយៈពេលច្រើនម៉ោងក្រោយ។ រឿងនេះកើតឡើងជាពិសេសសម្រាប់អ្នកដែលចាក់អាំងស៊ុយលីន ឬលេបថ្នាំផ្សេងៗដែលអាចធ្វើឲ្យជាតិស្ករក្នុងឈាមចុះទាប។ យ៉ាងណាមិញ ស្រាខ្លាំងខ្លះមានលាយជាមួយនឹងទឹកស៊ូដា ឬទឹកផ្លែឈើដែលមានជាតិស្ករ ដែលជាអាចធ្វើឲ្យជាតិស្ករក្នុងឈាមឡើងខ្ពស់បាន។
ការសិក្សាមួយបានរកឃើញថា បុរសដែលញ៉ាំគ្រឿងស្រវឹងមានការប្រឈមកាន់តែខ្ពស់នឹងជំងឺទឹកនោមផ្អែមប្រភេទទី២។ ប៉ុន្តែលទ្ធផលសម្រាប់ស្រ្តីវ័យមានការប្រែប្រួលទៅតាមការញ៉ាំដែរ។ ការញ៉ាំកាន់តែច្រើនធ្វើឲ្យប្រឈមនឹងជំងឺទឹកនោមផ្អែម ឬត្រៀមជំងឺនេះ ខណៈពេលដែលការញ៉ាំគ្រឿងស្រវឹងកម្រិតមធ្យម មានជាប់ទាក់ទងនឹងការថយចុះការកើតជំងឺទឹកនោមផ្អែមវិញ។
ការសិក្សាខ្លះបានបង្ហាញនូវឥទ្ធិពលមានប្រយោជន៍មួយនៃស្រាក្រហមចំពោះជំងឺទឹកនោមផ្អែមទោះបីជាអំណះអំណាងសម្រាប់រឿងនេះមិនទាន់ជឿជាក់ក៏ដោយ។ បើសិនជាអ្នកកំពុងតែរៀបគម្រោងញ៉ាំគ្រឿងស្រវឹង ស្រាក្រហមប្រហែលជាជម្រើសដ៏ល្អមួយដោយសារតែវាមានអង់ទីអុកស៊ីដង់មួយចំនួនដែលអាចបញ្ចុះចំនួនកាបូអ៊ីដ្រាតបាន។ ស្រាដែលមានរសជាតិផ្អែមគឺមានជាតិស្ករកាន់តែផ្អែម។
ការញ៉ាំស្រាក្រហាមកម្រិតមធ្យមសម្រាប់ផ្នែកមួយនៃរបបអាហារផ្តល់សុខភាពគឺមិនអាចធ្វើឲ្យឡើងទម្ងន់ទេ ហើយក៏មិនបង្កើនឥទ្ធិពលរំលាយអាហារគ្រោះថ្នាក់លើអ្នកជំងឺទឹកនោមផ្អែមប្រភេទទី២ទេ។ តាមក្បួនណែនាំបានឲ្យដឹងថា បុរសមានជំងឺទឹកនោមផ្អែមគួរតែញ៉ាំគ្រឿងស្រវឹងកុំឲ្យច្រើនជាងពីរដងក្នុងមួយថ្ងៃ ខណៈពេលស្រ្តីកុំឲ្យច្រើនជាងម្តង។ ការញ៉ាំម្តងនេះអាចមាន៖
- ស្រា ០.១៥លីត្រ
- ស្រាខ្លាំង ០.០៤លីត្រ
- ឬស្រាបៀរមួយកំប៉ុង។ (អាន:ថ្នាំងងុយគេង ពេលអ្នកគួរប្រើ)
យ៉ាងណាមិញ ការស្រាវជ្រាវបន្ថែមត្រូវតែធ្វើទៀតដើម្បយល់ដឹងអំពីទំនាក់ទំនងធំៗរវាងការប្រឈមនឹងជំងឺទឹកនោមផ្អែម និងការញ៉ាំគ្រឿងស្រវឹង៕