អ័រម៉ូនតេស្តូស្តេរ៉ូនត្រូវបានគេចាត់ទុកថាជា អ័រម៉ូនភេទប្រុស ដែលវាត្រូវបានផលិតចេញពីពងស្វាសមនុស្សប្រុសតែម្តង។ ថ្វីបើក្រពេញអូវ៉ែរបស់ស្រ្តីក៏អាចផលិតអ័រម៉ូនតេស្តូស្តេរ៉ូនដែរនោះ តែអ័រម៉ូននេះត្រូវបានផលិតច្រើនជាងគេក្នុងខ្លួនបុរសទៅវិញទេ ហើយវាដើរតួនាទីច្រើនសម្រាប់បញ្ជាក់លក្ខណៈភេទរបស់មនុស្សប្រុសដូចជា សម្លេងបែកខ្លាំង និងដុះរោមច្រើន ព្រមទាំងជំរុញដល់ចំណង់ផ្លូវភេទ បង្កើតសាច់ដុំ និងរក្សាថាមពលក្នុងខ្លួនផង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
កម្រិតអ័រម៉ូនតេស្តូស្តេរ៉ូដែលឡើងខ្ពស់បំផុត ច្រើនតែកើតឡើងលើបុរសវ័យប្រហែល ២០ឆ្នាំ ហើយវានឹងចុះទាបវិញបន្តិចម្តងៗនៅពេលអាយុកាន់តែច្រើន។ រឿងនេះអាចនិយាយបានថា អ័រម៉ូននេះនឹងចុះទាបមួយឆ្នាំមួយភាគសម្រាប់បុរសវ័យកណ្តាល (៣០ ទៅ៥០ឆ្នាំ) និងបុរសវ័យចំនាស់។ ខណៈពេលដែលការថយចុះនេះអាចមិនសម្គាល់ដឹង តែការប្រែប្រួលផ្សេងៗអាចចាប់ផ្តើមក្នុងវ័យកណ្តាលនេះ ឬញឹកញាប់បំផុតនៅវ័យចាប់ពី ៦០ឆ្នាំឡើង។ កាលណាអ័រម៉ូននេះចុះទាប ក៏ជាសញ្ញាបញ្ជាក់ថា បុរសកំពុងតែខ្សោយខាងផ្លូវភេទដែរ។ អាការៈដែលអាចបញ្ជាក់ថា អ័រម៉ូនភេទចុះទាបបែបនេះអាចមានដូចជា៖
- កម្លាំងចុះខ្សោយ
- ភាពខ្លាំងថយចុះ
- ថយចុះភាពឆេវឆាវខាងផ្លូវចិត្ត។
អាការៈផ្សេងៗទៀតនៃការចុះទាបរបស់អ័រម៉ូនតេស្តូស្តេរ៉ូន ឬភេទលើបុរសមានដូចជា៖
- ឈឺចាប់ច្រើនក្នុងឆ្អឹង និងសន្លាក់ជាងធម្មតា
- ចំណង់ផ្លូវភេទមិនឡើង និងមិនអាចរក្សាភាពរឹងរបស់លិង្គបាន
- ឡើងទម្ងន់
- ពុកឆ្អឹង
ជាទូទៅ កម្រិតធម្មតានៃអ័រម៉ូនភេទបុរសមានចាប់ពី ២៧០ ទៅ១០៧០ ng/dL និងជាមធ្យមគួរតែ ៦៧៩ng/dL។ កាលណាអ័រម៉ូននេះឡើងខ្ពស់ជាង ឬចុះទាបជាងធម្មាត សុទ្ធតែត្រូវបានចាត់ទុកថា អតុល្យភាពទាំងអស់។ (អាន:ថ្នាំងងុយគេង ពេលអ្នកគួរប្រើ)អ្នកស្រាវជ្រាវខ្លះបានណែនាំថា បុរសមានសុខភាពល្អបំផុតគួរតែមានកម្រិតអ័រម៉ូនតេស្តូស្តេរ៉ូនចន្លោះ ៤០០ ទៅ៦០០ng/dL៕