ការផ្ទុះរបស់ជំងឺកូវីដ១៩ បានធ្វើឲ្យមនុស្សជាច្រើនចាប់ផ្តើមរស់នៅក្នុងផ្ទះច្រើនជាងចេញទៅខាងក្រៅ ហើយអ្នកខ្លះក៏ធ្វើការនៅផ្ទះវិញដែរ។ យ៉ាងណាមិញ ការញ៉ាំកាហ្វេក៏ត្រូវបានកើនឡើងដោយសារតែការងារក្នុងផ្ទះអាចធ្វើជាមួយនឹងការញ៉ាំកាហ្វេដែលឆុងដោយខ្លួនឯងផ្ទាល់ដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)កាហ្វេត្រូវបានគេចាត់ទុកថាជា ភេសជ្ជៈផ្តល់សុខភាពមួយថ្វីបើវាអាស្រ័យទៅតាមរបៀបដែលអ្នកបង្កើតវា និងញ៉ាំក៏ដោយ។ ទោះបីជាយ៉ាងណាក៏ដោយ ការញ៉ាំកាហ្វេច្រើនពេកក៏មិនត្រូវបានណែនាំឲ្យធ្វើដែរដោយសារតែវាអាចបង្កជាការគេងមិនលក់។ ការហ្វេខ្មៅច្រើនតែល្អបំផុតសម្រាប់មុនហាត់ប្រាណដើម្បីជួយឲ្យមានកម្លាំង។ ដូច្នេះខណៈពេលដែលអ្នកកំពុងតែព្យាយាមឲ្យប្រាកដថា អ្នកមិនឡើងទម្ងន់ក្នុងពេលផ្ទុះជំងឺកូវីដ១៩នេះ យកល្អគួរតែញ៉ាំកាហ្វេតាមរបៀបខាងក្រោមនេះដើម្បីអាចសម្រកទម្ងន់បាន។

កាហ្វេខ្មៅអាចជួយដល់ការសម្រកទម្ងន់

កាហ្វេខ្មៅត្រូវបានគេដឹងថា ជាសមាសធាតុផ្សំសម្រាប់ការសម្រកទម្ងន់។ វាមិនមានកាឡូរី ខ្លាញ់ ឬកូឡេស្តេរ៉ុលអ្វីទាំងអស់។ វាផ្ទុកទៅដោយអង់ទីអុកស៊ីដង់ ជាតិកាហ្វេអ៊ីន ជួយបង្កើនការរំលាយអាហារ ហើយកាហ្វេខ្មៅក៏អាចជួយអ្នកហាត់ប្រាណកាន់តែខ្លាំងជាងមុនដែរ ដោយសារតែវាជួយឲ្យមានកម្លាំង។ កាហ្វេខ្មៅក៏អាចជួយសម្រកជាតិទឹកក្នុងខ្លួនបានដែរ។ 

យ៉ាងណាមិញ អ្នកត្រូវតែចាំថា រាល់អត្ថប្រយោជន៍ទាំងអស់នេះអាចមានបានលុះត្រាអ្នកញ៉ាំជាមួយទឹក គ្មានការបន្ថែមអ្វីផ្សេងដូចជា ស្ករ ក្រែម ទឹកដោះគោ។ល។ បើសិនជាអ្នកបន្ថែមរបស់ទាំងនេះទៅក្នុងកាហ្វេ វានឹងកើនចំនួនកាឡូរីដល់កាហ្វេនេះ ដែលវានឹងមិនអាចសម្រេចបំណងអ្នកបានឡើយ។ 

តើអ្នកគួរតែញ៉ាំកាហ្វេច្រើនប៉ុណ្ណាទើបសម្រកទម្ងន់បាន?

ខណៈពេលដែលការស្រាវជ្រាវខ្លះបង្ហាញថា កាហ្វេអ៊ីនគឺជាសារធាតុល្អសម្រាប់រាងកាយ ទោះបីជាអ្នកញ៉ាំកាហ្វេខ្មៅក៏ដោយ អ្នកត្រូវតែព្យាយាមធ្វើយ៉ាងណាកុំញ៉ាំច្រើនជាងពីពីរពែងក្នុងមួយថ្ងៃ ទោះបីជាគ្មានកាឡូរី និងខ្លាញ់ក៏ដោយ។ 

ខណៈពេលដែលវាអាចមានប្រយោជន៍រយៈពេលខ្លីដូចជា ជួយបន្ថយចំណង់អាហារ មានកម្លាំងកាន់តែច្រើនសម្រាប់ការហាត់ប្រាណ បង្កើនការរំលាយអាហារ តែការញ៉ាំច្រើនជាងពីរពែងក្នុងមួយថ្ងៃមិនមែនជាផ្នែកមួយនៃរបបអាហារផ្តល់សុខភាពឡើយ។ រឿងផ្សេងមួយទៀតដែលត្រូវចងចាំនោះគឺថា គ្រាន់តែញ៉ាំកាហ្វេនឹងមិនអាចជួយសម្រកទម្ងន់បានឡើយ។ (អាន:ថ្នាំងងុយគេង ពេលអ្នកគួរប្រើ)កាហ្វេប្រហែលជាដើរតួនាទីជារបស់ជំនួយទៅវិញទេ តែការញ៉ាំអាហារមានតុល្យភាព អាហារផ្តល់សុខភាព ហាត់ប្រាណទៀងទាត់ និងគ្រប់គ្រងការញ៉ាំអាហារបានត្រឹមត្រូវគឺជារឿងសំខាន់បំផុតសម្រាប់ការសម្រកទម្ងន់៕