បើសិនអ្នកមានជំងឺទឹកនោមផ្អែមហើយត្រូវការចាក់អាំងស៊ុយលីនដើម្បីគ្រប់គ្រងជំងឺ នោះអ្នកក៏ប្រហែលជាប្រឈមនឹងការចុះជាតិស្ករក្នុងឈាមណាស់។ ការចុះជាតិស្ករក្នុងឈាមភាគច្រើនទាក់ទងនឹងជំងឺទឹកនោមផ្អែម ប៉ុន្តែកត្តាផ្សេងៗដូចជា របបអាហារ ការហាត់ប្រាណ និងការលេបថ្នាំក៏ដើរតួនាទីនាំឲ្យចុះជាតិស្ករក្នុងឈាមដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អាការៈចុះជាតិស្ករក្នុងឈាម ជាញឹកញាប់មានដូចជា វិលមុខ ឈឺក្បាល វង្វេងវង្វាន់ បែកញើស ខ្សោយ និងញ័រសាច់។ ពេលខ្លះការចុះជាតិស្ករក្នុងឈាមខ្លាំងពេកអាចបណ្តាលឲ្យប្រកាច់ ឬសន្លប់ផង។ 

ដើម្បីឲ្យជាតិស្ករក្នុងឈាមត្រឡប់មកធម្មតាវិញ ចូរញ៉ាំជាតិកាបូអ៊ីដ្រាតដែលងាយស្រួលរំលាយ ១៥ក្រាមដូចជា៖

  • ទឹកក្រូចច្របាច់កន្លះពែង
  • ទឹកឃ្មុំមួយស្លាបព្រាបាយ
  • នំស្រួយ ៤ ទៅ៥ដុំ
  • ស្ករគ្រាប់រឹងៗ ឬស្ករជាតិគ្លុយកូស ៣ ទៅ ៤គ្រាប់
  • ស្ករសមួយស្លាបព្រាបាយ
  • ផ្លែឈើក្រៀម ឬស្រស់

រយៈពេល ២០នាទីក្រោយញ៉ាំរួច ចូរពិនិត្យជាតិស្ករក្នុងឈាមម្តងទៀត។ បើសិនជាជាតិស្ករនៅតែមិនឡើងខ្ពស់ទេ ត្រូវញ៉ាំ កាបូអ៊ីដ្រាត ១៥ក្រាមទៀត។ បើសិនជាមិនទាន់ញ៉ាំអីទេ ចូរញ៉ាំអាហារសម្រន់ខ្លះដើម្បីឲ្យជាតិស្ករត្រឡប់មកធម្មតាវិញ។ 

ដើម្បីបង្ការការចុះជាតិស្ករក្នុងឈាមទៀត យកល្អគួរតែមានការប្រុងប្រយ័ត្នដូចខាងក្រោមនេះ៖

  • ចូរញ៉ាំអាហារបីពែលជារៀងរាល់ថ្ងៃ និងទៀងទាត់ពេលវេលា
  • ចូរញ៉ាំអាហារសម្រន់នៅចន្លោះម៉ោងបាយនីមួយៗ
  • ចូររៀបគម្រោងញ៉ាំអាហារកុំឲ្យញ៉ាំឆ្ងាយពីគ្នា ៤ ទៅ ៥ម៉ោងអី
  • ចូរព្យាយាមហាត់ប្រាណ៣០នាទីទៅមួយម៉ោងជារៀងរាល់ថ្ងៃ។ អ្នកអាចប្រើវិធីដើរ រត់ ឬហាត់ប្រាណក្នុងក្លិប
  • ចូរពិនិត្យជាតិស្ករក្នុងឈាមជាទៀងទាត់
  • ចូរធ្វើការណាត់ជួបជាមួយគ្រូពេទ្យម្តងក្នុងមួយខែ
  • ចូរញ៉ាំគ្រឿងស្រវឹងក្នុងកម្រិតមធ្យម៕(អាន:ថ្នាំងងុយគេង ពេលអ្នកគួរប្រើ)