យោងទៅតាមការសិក្សាថ្មីចេញពីប្រទេសចិនផ្ទាល់បានឲ្យដឹងថា ភាពលេចធ្លោរបស់ជំងឺកូវីដ១៩ ត្រូវបានគេរកឃើញក្នុងទឹកកាមរបស់បុរសមានជំងឺនេះធ្ងន់ធ្ងរមួយចំនួន ដែលជាហេតុនាំឲ្យជំងឺមានលទ្ធភាពចម្លងតាមការរួមភេទដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

អ្នកស្រាវជ្រាវបានរកឃើញអំណះអំណាងថា ក្នុងចំណោមអ្នកជំងឺកូវីដ១៩ចំនួន ៣៨នាក់ដែលកំពុងតែស្នាក់នៅក្នុងមន្ទីរពេទ្យ Shangqiu Municipal Hospital ក្នុងប្រទេសចិន មាន៦នាក់ដែលគេរកឃើញមានវត្តមានវីរុសបង្កជំងឺកូវីដ១៩ក្នុងទឹកកាមរបស់ពួកគេ។ បុរសទាំង ៦នាក់នោះមាន ៤នាក់ដែលនៅតែមានជំងឺនិងពីរនាក់ទៀតកំពុងតែជាសះស្បើយហើយ។ 

ការសិក្សានេះត្រូវបានធ្វើឡើងដោយវេជ្ជបណ្ឌិត Weiguo Zhao មកពីមន្ទីរពេទ្យ People’s Liberation Army General Hospital ក្នុងទីក្រុងប៉េកាំង ហើយក៏បានចុះផ្សាយការរកឃើញនេះនៅក្នុងសារព័ត៌មាន JAMA Network Open កាលពីថ្ងៃទី ៧ ខែឧសភាពផងដែរ។ 

យ៉ាងណាមិញវេជ្ជបណ្ឌិត Ryan Berglund អ្នកជំនាញខាងជំងឺទឹកម៉ូត្រសាស្រ្តនៅឯ Cleveland Clinic’s Glickman Urological and Kidney Institute និយាយថា វាមិនមានអ្វីភ្ញាក់ផ្អើលឡើយដែលថា វីរុសនេះត្រូវបានរកឃើញក្នុងទឹកកាម ចាប់តាំងពីវាក៏ត្រូវបានគេរកឃើញក្នុងលាមក និងទឹកសរីរៈផ្សេងៗទៀតដែរ។ វីរុសដែលបង្កជំងឺឆ្លងច្រើនតែរកឃើញជាញឹកញាប់ក្នុងទឹកកាម ជាពិសេសវីរុសហ្ស៊ីកាជាឧទាហរណ៍ស្រាប់ ហើយអ្នកស្រាវជ្រាវជនជាតិចិនជាច្រើនបានសម្គាល់ឃើញថា មានវីរុស ២៧ប្រភេទខុសៗគ្នាដែលត្រូវបានគេរកឃើញក្នុងទឹកកាមមនុស្ស។ (អាន:ថ្នាំងងុយគេង ពេលអ្នកគួរប្រើ)

ហេតុដូច្នេះហើយ វេជ្ជបណ្ឌិត Berglund និងអ្នកជំនាញខាងជំងឺឆ្លងផ្សេងៗទៀតបានដាក់បម្រាមថា រឿងនេះមិនអាចជាផ្នែកមួយបញ្ជាក់ថា ជំងឺកូវីដ១៩អាចចម្លងតាមរយៈការរួមភេទឡើយ ហើយរឿងនេះក៏ត្រូវការការស្រាវជ្រាវកាន់តែច្រើនបន្ថែមទៀតទើបអាចទាញសេចក្តីសន្និដ្ឋានបាន៕