ផ្លែអាលម៉ុនគឺជាអាហារដ៏មានជីវជាតិបំផុតមួយដែលអ្នកអាចញ៉ាំដើម្បីសុខភាពបាន។ វាសម្បូរទៅដោយវីតាមីន ជាតិរ៉ែ ប្រូទេអ៊ីន ជាតិសរសៃ និងខ្លាញ់ផ្តល់សុខភាព។ ឥទ្ធិពលនៃគ្រាប់ផ្លែឈើដ៏មានប្រជាប្រិយភាពបំផុតមួយនេះ ត្រូវបានគេរកឃើញថា អាចផ្តល់ប្រយោជន៍សំខាន់ៗដល់សុខភាព ជាពិសេសទម្ងន់ សុខភាពបេះដូងសរសៃឈាម ជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ សម្រាប់ម្តាយគ្រប់រូបដែលកំពុងតែមមានភាពមមារញឹកសម្រាប់តួនាទីរបស់ខ្លួនក្នុងគ្រួសារ អាចនឹងពីបាកទទួលបានសុខភាពល្អណាស់ ដូច្នេះហើយខាងក្រោមនេះ ខ្ញុំសូមណែនាំអត្ថប្រយោជន៍មួយចំនួននៃការញ៉ាំផ្លែអាលម៉ុនមួយក្តាប់ដៃជារៀងរាល់ថ្ងៃ៖

ល្អសម្រាប់កូឡេស្តេរ៉ុល

ផ្លែអាលម៉ុនសម្បូរទៅដោយជាតិខ្លាញ់ផ្តល់សុខភាព ខ្លាញ់ប្រភេត Unsaturated Fat ដែលអាចពង្រឹងដល់កូឡេស្តេរ៉ុលក្នុងឈាមបើសិនជាញ៉ាំក្នុងកម្រិតមធ្យម។ ការស្រាវជ្រាវបានណែនាំថា ការញ៉ាំផ្លែអាលម៉ុនមួយក្តាប់ដៃជារៀងរាល់ថ្ងៃអាចបណ្តាលឲ្យមានការថយចុះកូឡេស្តេរ៉ុលអាក្រក់តិចតួច។ តែកាលណាកូឡេស្តេរ៉ុលឡើងខ្ពស់គឺជារឿងដែលប្រឈមនឹងជំងឺបេះដូងវិញ។ 

ប្រហែលជួយបន្ថយសម្ពាធឈាម

ផ្លែអាលម៉ុនអាចជួយដល់ការគ្រប់គ្រងសម្ពាធឈាមឡើងខ្ពស់ ដោយសារតែវត្តមានរបស់ម៉ាញ៉េស្យូម។ កាលណាជីវជាតិមួយនេះក្នុងឈាមមានតិច គឺជាប់ទាក់ទងនឹងការលើសសម្ពាធឈាម ដែលនាំឲ្យគាំងបេះដូង ដាច់សរសៃឈាមខួរក្បាល និងខ្សោយតម្រងនោមបាន។ 

ប្រហែលជាពង្រឹងដល់ជាតិស្ករក្នុងឈាម

គ្រាប់ផ្លែឈើប្រភេទផ្លែអាលម៉ុនមួយនេះសម្បូរទៅដោយជាតិខ្លាញ់មានប្រយោជន៍ ប្រូតេអ៊ីន និងជាតិសរសៃ ប៉ុន្តែកាបូអ៊ីដ្រាតទាប ដែលធ្វើឲ្យវាក្លាយទៅជាអាហារដ៏ល្អមួយសម្រាប់អ្នកជំងឺទឹកនោមផ្អែម។ ក្រៅពីនេះ វត្តមានម៉ាញ៉េស្យូមដ៏ច្រើនរបស់ផ្លែអាលម៉ុនក៏អាចជួយដល់ការគ្រប់គ្រងជំងឺទឹកនោមផ្អែមប្រភេទទី២ និងចង្កោមរោគសញ្ញានៃការរំលាយអាហារផ្សេងៗទៀត។ 

ជួយដល់ការសម្រកទម្ងន់

ផ្លែអាលម៉ុនត្រូវបានចាត់ទុកថាជាអាហារដ៏អស្ចារ្យមួយសម្រាប់សម្រកទម្ងន់។ វាមានជាតិកាបូអ៊ីដ្រាតទាប តែសម្បូរទៅដោយខ្លាញ់មានប្រយោជន៍ ប្រូតេអ៊ីន និងជាតិសរសៃ ដែលសុទ្ធសឹងតែជាប់ទាក់ទងនឹងការស្រកទម្ងន់ទាំងអស់។ ផ្លែអាលម៉ុនក៏មានជីវជាតិជាច្រើនសម្រាប់ជំរុញដល់ភាពឆ្អែត និងបង្កើនការរំលាយអាហារកាន់តែយូរ។ ការញ៉ាំផ្លែអាលម៉ុនក៏ជាផ្នែកមួយចូលរួមដល់តុល្យភាពរបបអាហារដែរ។ 

ផ្ទុកទៅដោយអង់ទីអុកស៊ីដង់

ផ្លែអាលម៉ុនផ្ទុកទៅដោយជីវជាតិ និងអង់ទីអុកស៊ីដង់ដែលអាចជួយទប់ស្កាត់សម្ពាធអុកស៊ីតកម្ម ដែលនាំឲ្យរលាក ចាស់តាមអាយុ  និងជំងឺមហារីកបាន។ (អាន:ថ្នាំងងុយគេង ពេលអ្នកគួរប្រើ)ដើម្បីទទួលបានជីវជាតិច្រើនពីផ្លែអាលម៉ុន ចូរញ៉ាំវាដោយកុំបកសម្បក ព្រោះកន្លែងនេះហើយជាកន្លែងផ្តល់អង់ទីអុកស៊ីដង់យ៉ាងខ្លាំង៕