ការផ្ទុះជំងឺកូវីដ១៩បាននាំឲ្យប្រទេសរបស់យើងស្ថិតក្នុងស្ថានភាពមួយ មិនអាចទៅណាបានច្រើនក្រៅពីនៅក្នុងផ្ទះ។ ការនៅក្នុងផ្ទះច្រើនបែបនេះអាចបានធ្វើឲ្យមនុស្សជាច្រើនកំពុងតែបារម្ភអំពីការឡើងទម្ងន់ ការញ៉ាំជ្រុល បន្ថយការហាត់ប្រាណ និងបញ្ហាសុខភាពផ្សេងៗទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយទើបខ្ញុំសូមណែនាំគន្លឹះញ៉ាំអាហារដើម្បីកុំឲ្យញ៉ាំច្រើនជ្រុលដូចខាងក្រោមនេះ៖
ញ៉ាំទឹកមុនពេលអង្គុយញ៉ាំអាហារ
ប្រហែល ១០ ទៅ ១៥នាទីមុនពេលអង្គុយលើតុញ៉ាំអាហារ ចូរញ៉ាំទឹកឲ្យបានមួយកែវសិន។ ការញ៉ាំទឹកអាចធ្វើឲ្យអ្នកឆាប់ឆ្អែត ហើយក៏ជួយសម្រួលដល់ការរំលាយអាហារផងដែរ ដែលនឹងជួយដល់ការសម្រកទម្ងន់ និងរក្សារាងផង។ ការញ៉ាំទឹកមុនពេលបាយអាចជួយចំណង់អាហារ និងកុំឲ្យញ៉ាំច្រើនជ្រុល។
ជ្រើសអាហារដែលមានជាតិសរសៃខ្ពស់ តែកាឡូរីទាប
អាហារដែលសម្បូរជាតិសរសៃដូចជា គ្រាប់ធញ្ញជាតិ បន្លែ និងផ្លែឈើ នឹងជួយឲ្យអ្នកឆាប់ឆ្អែត ខណៈពេលត្រូវប្រាកដថា អ្នកញ៉ាំអាហារសម្បូរជីវជាតិដែរ។
បញ្ចូលប្រូតេអ៊ីនទៅក្នុងរបបអាហារឲ្យបានច្រើន
មិនខុសគ្នានឹងជាតិសរសៃទេ ប្រូតេអ៊ីនអាចជួយឲ្យអ្នកឆាប់ឆ្អែត។ ប្រូតេអ៊ីនក៏ដើរតួនាទីដ៏សំខាន់មួយក្នុងការបង្កើតសាច់ដុំ និងគួរតែជាផ្នែកមួយនៃរបបអាហារដែរបើសិនជាអ្នកហាត់ប្រាណជាទៀងទាត់។ អាហារសម្បូរជាតិប្រូតេអ៊ីនអាចជួយឲ្យអ្នកញ៉ាំបានកាន់តែតិច។
ប្រើចានតូចៗញ៉ាំបាយ
ការគ្រប់គ្រងចំនួនអាហារគឺជាគន្លឹះដ៏សំខាន់ក្នុងការសម្រកទម្ងន់។ អ្នកអាចញ៉ាំអាហារកាន់តែតិចតាមរយៈការប្រើចានបាយកាន់តែតូច។ ចូរប្រើប្រាស់ចានតូចៗដើម្បីដាក់អាហារដែលមិនផ្តល់សុខភាពខណៈពេលដែលផ្លែឈើ និងបន្លែគួរតែដាក់ចានធំៗវិញ។ (អាន:ថ្នាំងងុយគេង ពេលអ្នកគួរប្រើ)ជាមួយគ្នានេះដែរ ចូរប្រើកែវតូចៗដើម្បីញ៉ាំភេសជ្ជៈមានជាតិផ្អែម ខណៈពេលដែលតែបៃតងគួរតែប្រើកែវមានដៃធំៗ៕