អ្នកម្តាយគឺជាអ្នកមានគុណផ្តល់កំណើត អ្នកម្តាយជាព្រះរស់របស់កូនប្រុសស្រី អ្នកម្តាយនឿយហត់ណាស់ លំបាកខ្លាំងណាស់ចាប់តាំងពីពពោះរហូតដល់សម្រាល និងទម្រាំចិញ្ចឹមកូនៗធំគ្រប់គ្នា។
ទោះជាយ៉ាងណា មានកូនច្រើនណាស់ដែលមិនសូវឃើញគុណនៃការលះបង់ និងការបូជា កម្លាំង កាយចិត្តរបស់គាត់ចំពោះពួកគេ។ ហើយទាល់តែឃើញរូបភាពទាំងនេះទើបដឹងច្បាស់ថា អ្នកម្តាយរវល់ខ្លាំងប៉ុណ្ណា នឿយហត់ខ្លាំងប៉ុណ្ណា និងស្ទើរតែគ្មានពេលផ្ទាល់ខ្លួន។
ដោយសារចង់រំលេចគុណដ៏ធំធេងនេះ អ្នកថតរូបម្នាក់បានថតផ្តិតយកសកម្មភាពម្តាយដែល រវល់មើលថែកូនផង និងធ្វើការងារផ្ទះផងពោលគឺរវល់សូម្បីតែចូលបន្ទប់ទឹកក៏កូនៗ នៅតែតាមរំខានឥតល្ហែ។
ថ្វីបើហត់នឿយខ្លាំងដូច្នេះក្តី ក៏អ្នកម្តាយមិនត្អូញត្អែរ មិនធុញទ្រាន់នឹងកូនឡើយ ទឹកចិត្ត របស់អ្នកម្តាយពិតជាផូរផង់ដូចផ្កាក្រអូប៕
ប្រភព៖ rasmeinews.com