កម្រិតនៃជាតិអាស៊ីតអ៊ុយរិកឡើងខ្ពស់បង្កឲ្យកើតមានបញ្ហានៃជំងឺរលាកសន្លាក់ឆ្អឹងមួយហៅថា ជំងឺរលាកសន្លាក់ហ្គោដ (gout) ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដើម្បីទប់ស្កាត់បញ្ហានៃជំងឺនេះ ការជ្រើសរើស ឬរក្សាបាននូវរបបអាហារត្រឹមត្រូវ និងការទទួលទានថ្នាំតាមវេជ្ជបញ្ជា គឺសំខាន់ណាស់។ ថាតើអាហារបែបណាទៅអាចជួយកាត់បន្ថយកម្រិតនៃជាតិអាស៊ីតអ៊ុយបានយ៉ាងមានប្រសិទ្ធិភាព? ខាងក្រោមវេបសាយសុខភាព Health.com.kh នឹងបង្ហាញអោយដឹងពីប្រភេទនៃផ្លែឈើដែលអ្នកមានបញ្ហាឡើងជាតិអាស៊ីតអ៊ុយរិកគួរទទួលទានជាប្រចាំ ៖

១. ផ្លែឈើប្រភេទ Citrus

រួមមានផ្លែក្រូច ក្រូចឆ្មារ និងទំពាំងបាយជូរសុទ្ធតែជាប្រភពដ៏ល្អបំផុតនៃវីតាមីន C ជួយកម្ចាត់ជាតិអាស៊ីតអ៊ុយរិកដែលលើសបានយ៉ាងប្រសើរ។

២. ផ្លែចេក

ផ្លែឈើនេះមានឥទ្ធិពលណាស់ក្នុងការបញ្ចុះកម្រិតនៃជាតិអាស៊ីតអ៊ុយរិក។ ការទទួលទានចេកក៏ជួយបំបាត់ការរលាកនិងហើមនៃសន្លាក់ដែលបណ្ដាលមកពីជំងឺរលាកសន្លាក់គួរឱ្យកត់សម្គាល់។

៣. ស្ត្របឺរី

មានផ្ទុកសម្បូរទៅដោយវីតាមីន C ដែលជាជម្រើសនៃផ្លែឈើដ៏ល្អបំផុតមួយជួយក្នុងការកាត់បន្ថយកម្រិតនៃជាតិអាស៊ីតអ៊ុយរិក។ នោះក៏ព្រោះតែស្ត្របឺរីមានប្រសិទ្ធិភាពបន្សាបនូវរាល់ជាតិអាស៊ីត និងសមាសធាតុគីមីគ្រោះថ្នាក់ក្នុងរាងកាយ។

៤. ផ្លែប៉ោម

មានផ្ទុកអាស៊ីត malic ដែលបន្សាបអាស៊ីតអ៊ុយរិកនិងផ្ដល់ភាពធូរស្បើយដល់អ្នកដែលទទួលរងផលប៉ះពាល់ដោយសារការឡើងខ្ពស់នៃអាស៊ីតអ៊ុយរិកនេះ។ ចូរព្យាយាមទទួលទានផ្លែប៉ោមមួយថ្ងៃមួយផ្លែជាប្រចាំក្រោយអាហារ។

៥. ផ្លែឈើរី

មានផ្ទុកលក្ខណៈសម្បត្តិប្រឆាំងការរលាកហៅថា anthocyanin ដែលជួយបញ្ចុះកម្រិតនៃជាតិអាស៊ីតអ៊ុយរិកបានយ៉ាងប្រសើរ។ ចូរព្យាយាមទទួលទានផ្លែឈើនេះឱ្យបាន ២០០ ក្រាមក្នុងមួយថ្ងៃ។

៦. ផ្លែប្លូបឺរី

មានលក្ខណៈសម្បត្តិប្រឆាំងការរលាក ព្រមទាំងសារធាតុ anthocyanins និងវីតាមីន C ដែលមានឥទ្ធិពលណាស់ក្នុងការបញ្ចុះកម្រិតអាស៊ីតអ៊ុយរិក៕