បើអ្នកមិនចង់ឱ្យប្តីអ្នកធុញនឹងអ្នក សូមអ្នកកុំបង្ខំឱ្យប្តីអ្នកធ្វើរឿងខាងក្រោមឱ្យសោះ បើពុំដូច្នោះទេ ប្តីអ្នកនឹងអាចចាកចេញពីអ្នកទៅរកនារីដទៃនៅថ្ងៃណាមួយជាមិនខាន។តើមានរឿងអ្វីខ្លះដែលមិនគួរបង្ខំ?(អាន:ថ្នាំងងុយគេង ពេលអ្នកគួរប្រើ)
- អ្នកមិនត្រូវសួរយោបល់ស្វាមីអ្នកទេនៅពេលដែលអ្នកចង់ទិញខោអាវ ឬចង់រើសខោអាវដើម្បីពាក់ទៅចូលរួមកម្មវិធីណាមួយ ព្រោះប្តីអ្នកគ្មានពេលវេលាមកចំណាយលើរឿងឥតប្រយោជន៍ទាំងនេះ ហើយម្យ៉ាងទៀតគេជាមនុស្សប្រុស បើអ្នកសួរពីរឿងតុបតែងរបស់ស្រីៗច្រើន គេនឹងធុញ។
- អ្នកមិនត្រូវបង្ខំឱ្យគេនិយាយពាក្យថា គេស្រលាញ់អ្នកគ្រប់ពេលឡើយ ព្រោះបើនិយាយច្រើន វាក្លាយជាឥតន័យ ហើយអ្នកក៏មិនដឹងថាគេនិយាយចេញពីចិត្តស្មោះឬអត់ ហើយវាថែមទាំងអាចធ្វើឱ្យប្តីធុញទ្រាន់នឹងអ្នកជាខ្លាំង។
- អ្នកមិនត្រូវបង្ខំឱ្យប្តីអ្នកចូលរួមពិធីជួបជុំរបស់អ្នកជាមួយនឹងមិត្តភក្តីអ្នកទេ ព្រោះប្តីអ្នកមិនសូវមានសម្តីសម្រាប់និយាយលេងឡើយ ដោយសារតែមិត្តអ្នកសុទ្ធតែជាស្រីៗ ដូចនេះនៅពេលដែលគេចូលរួមជាមួយអ្នក គេនឹងធុញជាមិនខាន។
- អ្នកមិនត្រូវបង្ខំឱ្យស្វាមីអ្នកទៅលេងផ្ទះឳពុកម្តាយអ្នកទេបើគេមិនចូលចិត្ត ព្រោះបើគេទៅដោយមិនសុខចិត្ត វាអាចបំផ្លាញមនោសញ្ចេតនាអ្នកទាំងពីរបាន អ្នកនឹងអាចឈ្លោះគ្នាដោយសាររឿងតូចតាចទាំងនេះ។
- អ្នកមិនត្រូវបង្ខំឱ្យគេដើរផ្សារជាមួយអ្នកឡើយ ព្រោះមានមនុស្សប្រុសភាគច្រើនមិនចូលចិត្តទេ ព្រោះគេយល់ថាវាជារឿងរបស់មនុស្សស្រី បើមនុស្សប្រុសដើរផ្សារ វាដូចជារឿងចំលែកខ្លាំងណាស់ ដូចនេះបើគេមិននិយាយថាគេចង់ទៅ អ្នកមិនត្រូវហៅគេទៅទេ៕(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)