ជំងឺកូវីដ១៩ កំពុងតែរាតត្បាតយ៉ាងខ្លាំងនៅទូទាំងពិភពលោក។ ថ្វីបើមនុស្សជាច្រើនកំពុងតែអនុវត្តវិធីការពារ ហើយរដ្ឋាភិបាលកំពុងតែរឹតបន្តឹងការការពារដែរនោះ ប៉ុន្តែវានៅតែមិនទាន់មានវ៉ាក់សាំងក្នុងការបង្ការជំងឺនេះនៅឡើយទេ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យើងដឹងហើយថាមនុស្សចាស់ និងអ្នកមានជំងឺក្នុងខ្លួនស្រាប់មានការប្រឈមនឹងការស្លាប់ដោយសារតែជំងឺនេះច្រើនជាងគេ។ ប៉ុន្តែគេមិននិយាយអំពីទារកទើបនឹងកើតនៅឡើយទេ។ ដូច្នេះក្នុងនាមជាម្តាយត្រូវតែមានការប្រុងប្រយ័ត្នបន្ថែម និងការពារកូនរបស់ខ្លួនពីការបង្ករោគនេះដែរ តាមរយៈក្បួនច្បាប់អនាម័យខាងក្រោមនេះ៖
អនាម័យគឺជារឿងសំខាន់
អនាម័យគឺជារឿងសំខាន់នៅពេលនិយាយដល់សុខភាពរបស់ទារក។ វាអាចបន្ថយឱកាសនៃការធ្លាក់ខ្លួនឈឺដោយសារតែមេរោគ និងវីរុសដែលគេប៉ះពាល់រាល់ថ្ងៃបាន។ ដូច្នេះហើយ បើសិនជាអ្នកចង់ធានាពីសុវត្ថិភាពរបស់កូន អ្នកត្រូវតែរក្សាអនាម័យខ្លួនប្រាណឲ្យបានល្អខ្លួនឯងផង។
លាងសម្អាតដៃជាញឹកញាប់
ដៃអ្នកប្រហែលជាជាប់មេរោគ និងបាក់តេរីដែលអាចង្កជាជំងឺច្រើនប្រភេទ។ វាក៏ប្រហែលជាមានវីរុសបង្កជំងឺ កូវីដ១៩ផងដែរ។ ដូច្នេះ អ្នកត្រូវតែលាងសម្អាតដៃជាមួយសាប៊ូ និងទឹកយ៉ាងហោចណាស់ ២០វិនាទី។ ចូរប្រាកដថា អ្នកលាងសម្អាតខ្នងដៃ ក្រោមក្រចក និងចន្លោះម្រាមដៃទាំងអស់ផង។
ចូរលាងសម្អាតដៃរបស់ទារកដែរ
កូនអ្នកប្រហែលជាកំពុងតែវាលើកម្រាល ឬប៉ះពាល់របស់ដែលមិនស្អាត។ ទារកភាគច្រើនក៏មានទម្លាប់បៀម ឬជញ្ជក់ម្រាមដៃ និងម្រាមជើងគេដែរ។ ដូច្នេះអ្នកត្រូវតែលាងសម្អាតដៃ និងជើងគេជាញឹកញាប់ និងគ្រប់ពេល។
ជូតសម្អាតផ្ទះឲ្យស្អាតល្អ
វាពិតជារឿងពិបាកណាស់ក្នុងការគ្រប់គ្រងទារក និងកូនចេះដើរតេសតាស។ (អាន:ថ្នាំងងុយគេង ពេលអ្នកគួរប្រើ)ពួកគេអាចរត់ ឬវាគ្រប់កន្លែងដែលពួកគេឃើញ។ ដូច្នេះវាពិតជាសំខាន់ដែលអ្នកត្រូវជូតសម្អាតផ្ទះឲ្យបានស្អាតល្អ។ ចូរប្រើប្រាស់ទឹកសម្លាប់មេរោគ និងជូតវាឲ្យបានស្អាតយ៉ាងហោចណាស់ ៣ដងក្នុងមួយថ្ងៃ៕