ក្រុមអ្នកស្រាវជ្រាវបានចេញផ្សាយព័ត៌មានល្អ ៗ អំពីការព្យាបាលដែល អាចកើតមានចំពោះមេរោគកូវីដ១៩នៅថ្ងៃនេះ។ នោះគឺភស្តុតាង ដែលបង្ហាញថាថ្នាំ remdesivir អាចជួយអ្នកជំងឺកូវីដ១៩ឱ្យជាសះស្បើយលឿន។

រដ្ឋបាលចំណីអាហារនិងឪសថអាមេរិកហៅកាត់ថា FDA មិនទាន់អនុម័តថ្នាំណា មួយសម្រាប់ព្យាបាលជំងឺកូរ៉ូណាវ៉ាយនេះនៅឡើយទេ។ ប៉ុន្តែគេគ្រោងនឹង ប្រកាស អំពីការអនុញ្ញាតឱ្យប្រើជាបន្ទាន់ដើម្បីជួយសង្គ្រោះមនុស្ស។។ នេះយោងតាមកាសែតញូវយ៉កថែមស៍។

ដោយដកស្រង់សម្តីមន្រ្តីជាន់ខ្ពស់FDA កាសែតរាយការណ៍ថាការផ្តល់ ការអនុញ្ញាតនេះអាចនឹងកើតមានឆាប់ៗនៅថ្ងៃពុធ។

នៅក្នុងសេចក្តីថ្លែងការណ៍មួយទៅកាន់ទូរទស្សន៍ CNN រដ្ឋបាលចំណីអាហារ និងឪសថអាមេរិកបាននិយាយថាខ្លួនកំពុងពិភាក្សាជាមួយក្រុមហ៊ុន Gilead Sciencesដែលជាក្រុងមហ៊ុន ផលិតថ្នាំនេះដើម្បីអោយផលិតថ្នាំសម្រាប់អ្នកជំងឺ។

អ្នកនាំពាក្យរបស់ FDA បាននិយាយថាជាផ្នែកមួយនៃការប្តេជ្ញាចិត្តរបស់ FDA ក្នុងការពន្លឿនការអភិវឌ្ឍនិងលទ្ធភាពនៃការព្យាបាលដែលមានសក្តានុពលប្រឆាំងនឹងCOVID-១៩ ៕