ភាគច្រើននៃពួកយើងសុទ្ធតែស្គាល់និងធ្លាប់ទទួលទានផ្កាគូឆាយ ប៉ុន្តែប្រហែលជាមិនធ្លាប់ចាប់អារម្មណ៍ដឹងអំពីអត្ថប្រយោជន៍ដ៏ប្រសើរនៃការទទួលទានបន្លែនេះចំពោះសុខភាពឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីឥទ្ធិពលវិជ្ជមានល្អៗនៃស្លឹកគូឆាយចំពោះសុខភាពទប់ស្កាត់ជំងឺ ៖

១. កាត់បន្ថយហានិភ័យនៃជំងឺមហារីក

ផ្កាគូឆាយជាប្រភពដ៏ប្រសើរបំផុតមួយនៃសារធាតុប្រឆាំងអុកស៊ីតកម្ម lutein និង zeaxanthin ព្រមទាំងសម្បូរទៅដោយជាតិសសៃជួយកាត់បន្ថយហានិភ័យនៃជំងឺមហារីកសួត មហារីកមាត់ មហារីកពោះវៀនធំ។ លើសពីទៅទៀតផ្កាគូឆាយក៏មានផ្ទុកសារធាតុ allicin ទប់ស្កាត់ជំងឺមហារីកសុដន់ផងដែរ។

២. កម្ចាត់ជាតិពុលផ្សេងៗចេញពីរាងកាយ

ការទទួលទានផ្កាគូឆាយមិនត្រឹមតែជួយសម្អាតពោះវៀននិងបំពង់រំលាយអាហារប៉ុណ្ណោះទេ ប៉ុន្តែគឺរាងកាយទាំងមូលតែម្ដង។ នេះក៏ព្រោះតែវាមានលក្ខណៈសម្បត្តិបញ្ចុះទឹកនោម ដូច្នេះហើយទើបការទទួលទានវាជួយបង្កើនការបញ្ចេញជាតិពុលផ្សេងៗចេញពីរាងកាយតាមរយៈទឹកនោម។

៣. បង្កើនសុខភាពភ្នែក

គូឆាយក៏ជាប្រភពដ៏ប្រសើរនៃសារធាតុ lutein និង zeaxanthin ដែលជួយបង្កើនសុខភាពភ្នែកពីការបំផ្លាញដោយរ៉ាឌីកាល់សេរី។ ការទទួលទានស្លឹកគូឆាយជួយឱ្យមើលឃើញបានកាន់តែច្បាស់និងជៀសផុតពីជំងឺភ្នែកផ្សេងៗគួរឱ្យកត់សម្គាល់។

៤. ទប់ស្កាត់ជំងឺពុកឆ្អឹង

គូឆាយមានផ្ទុកសម្បូរទៅដោយវីតាមីន k ដែលរាងកាយត្រូវការចាំបាច់សម្រាប់រក្សាសុខភាពឆ្អឹងរឹងមាំ។ តួនាទីនៃវីតាមីន k ក្នុងការទប់ស្កាត់ជំងឺពុកឆ្អឹង គឺជួយរក្សាជាតិកាល់ស្យូមក្នុងឆ្អឹងជាជាងបញ្ចេញវាទៅក្នុងចរន្តឈាម។

៥. ពង្រឹងសុខភាពបេះដូង

នេះក៏ព្រោះតែផ្កាគូឆាយមានផ្ទុកសមាសធាតុ allicin ដែលជួយកាត់បន្ថយកម្រិតនៃកូឡេស្តេរ៉ូលមិនល្អ ក៏ដូចជាទប់ស្កាត់បញ្ហាសម្ពាធឈាមឡើងខ្ពស់។ ហើយដូចដែលធ្លាប់បានដឹងរួចមកហើយថា បញ្ហានៃកម្រិតកូឡេស្តេរ៉ូល និងសម្ពាធឈាមជាមូលហេតុចម្បងបង្កផលប៉ះពាល់ដល់សុខភាពបេះដូង។

៦. កាត់បន្ថយហានិភ័យនៃជំងឺពុកឆ្អឹង

ផ្កាគូឆាយមានផ្ទុកវីតាមីន K ដែលសំខាន់សម្រាប់សុខភាពឆ្អឹង។ វីតាមីននេះជួយបង្កើនការផលិតប្រូតេអ៊ីន osteocalcin ដែលចាំបាច់សម្រាប់ការរក្សាដង់ស៊ីនតេឆ្អឹង៕