ឥឡូវនេះយើងកំពុងតែនៅក្នុងផ្ទះ និងមិនសូវចេញទៅខាងក្រៅផ្ទះឡើយបើសិនជាមិនចាំបាច់។ អ្នកខ្លះទៀត ក៏នៅដាច់ដោយឡែកពីគេផងដែរ ដែលជាហេតុធ្វើស្រ្តេសកាន់តែខ្លាំង។ ការទល់លាមកគឺជាការបន្ទោបង់មិនទៀងទាត់ ដោយសារតែការរំខានទម្លាប់ប្រចាំថ្ងៃ។ មានន័យថាលាមករឹងខ្លាំង ដែលត្រូវការប្រឹងក្នុងពេលបន្ទោបង់ម្តងៗ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ចលនាពោះវៀនគឺជាដំណើរការណ៍ដ៏ស្មុគស្មាញមួយដែលរងការប៉ះពាល់ដោយរបបអាហារ ហាត់ប្រាណ ស្រ្តេស និងជំងឺក្នុងខ្លួន។ ពោះវៀនធំរបស់យើងគឺមានសង្វាក់របស់វា។ ការដែលមិនមានសកម្មភាពរាងកាយគ្រប់គ្រាន់ វានឹងបន្ថយចលនារបស់ពោះវៀនធំ សម្រាប់បញ្ចេញលាមក ដូច្នេះវានឹងធ្វើឲ្យទល់លាមកបាន។ 

ខាងក្រោមនេះគឺជាការផ្លាស់ប្តូររបៀបរស់នៅមួយចំនួនដែលអ្នកអាចសម្របខ្លួនបានដើម្បីបំបាត់អាការៈទល់លាមក៖

ហាត់ប្រាណ

ការដែលមានសកម្មភាពផ្លូវកាយច្រើននឹងជួយឲ្យលាមកចេញមកកាន់តែស្រួល។ ចូរព្យាយាមដើរលឿនៗយ៉ាងហោចណាស់ ៥ថ្ងៃក្នុងមួយសប្តាហ៍។ ក្រៅពីនេះ អ្នកក៏អាចហាត់ប្រាណយ៉ាងហោចណាស់ ២នាទីផងដែរ។ 

ញ៉ាំអាហារមានជាតិសរសៃ

ការញ៉ាំជាតិសរសៃអាចជំរុញដល់ចលនារបស់ពោះវៀន។ ការញ៉ាំអាហារសម្បូរជាតិសរសៃនឹងបង្កើនចលនារបស់ពោះវៀនដើម្បីបន្ទោបង់កាន់តែទៀងទាត់។ របបអាហារកៃឆ្នៃច្រើន និងកង្វះជាតិសរសៃ អាចជាប្រភពនៃបញ្ហាបាន។ ការទទួលបានជាតិសរសៃឡើងវិញពីបន្លែ និងផ្លែឈើគឺជារឿងដែលល្អសម្រាប់ទប់ស្កាត់ការទល់លាមកបាន។ 

ញ៉ាំទឹកគ្រប់គ្រាន់

ចូរញ៉ាំទឹកយ៉ាងហោចណាស់ ៨កែវក្នុងមួយថ្ងៃ និងបង្គ្រប់ជាតិទឹកក្នុងខ្លួន។ ចូរប្រើប្រាស់កម្មវិធីរំលឹកក្នុងទូរស័ព្ទដើម្បីឲ្យអ្នកញ៉ាំទឹកយ៉ាងហោចណាស់ ២ ទៅ ៨លីត្រក្នុងមួយថ្ងៃ និងជារៀងរាល់ថ្ងៃបាន។ 

បន្ថយស្រ្តេស

ការអនុវត្តន៍ហាត់យូហ្គា និងតាំងសមាធិនឹងជួយបំបាត់ស្រ្តេស ដែលអាចជួយឲ្យពោះវៀនមានចលនាបាន។(អាន:ថ្នាំងងុយគេង ពេលអ្នកគួរប្រើ) ការធ្វើចលនារបស់ក្រពះពោះវៀនអាចថយចុះនៅពេលរាងកាយស្ថិតក្នុងស្ថានភាពស្រ្តេសពេក។ ស្រ្តេសក៏បន្ថយដំណើរការណ៍ប្រព័ន្ធរំលាយអាហារដែរ ដែលនាំឲ្យទល់លាមកបាន៕