ការរ៉ាំងរដូវគឺជាផ្នែកមួយនៃជីវិតរបស់មនុស្សស្រី។ អ្នកអាចនឹងឈានដល់ដំណាក់កាលរ៉ាំងរដូវនៅពេលអ្នកមិនបានមករដូវរយៈពេល ១២ខែ។ ការប្រែប្រួលចាប់ផ្តើមកើតឡើងលឿនជាងនេះក៏មានដែរ។ វាគឺជាពេលវេលាមួយដែលអ័រម៉ូនភេទ អេស្ត្រូជែន និងប្រូជេស្តេរ៉ូនមានការចុះទាបខ្លាំង។ ស្រ្តីដែលឈានចូលដំណាក់កាលនេះច្រើនតែស្ថិតក្នុងអាយុ ៤៥ ទៅ៥៥ឆ្នាំ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បម្រែបម្រួលអ័រម៉ូនអាចបង្កជាការប្រែប្រួលជាច្រើនរហូតដល់អាចកើនឡើង ឬថយចុះការហូរទឹករំអិលក្នុងទ្វារមាសផង។ ការហូរទឹករំអិលក្នុងទ្វាមាសស្រ្តីគឺជារឿងធម្មតាទេ។ វាអាចជួយដល់ការរំអិល និងផ្ទុកទៅដោយចំនួនអាស៊ីតដែលអាចប្រឆាំងនឹងការបង្ករោគបាន។ ម៉្យាងវិញទៀត ការហូរទឹករំអិលមិនធម្មតាអាចជាសញ្ញាមួយបញ្ជាក់ថា មានអ្វីខុសប្រក្រតីហើយ។
ទឹករំអិលហូរតាមទ្វារមាសមានការប្រែប្រួលពីស្រ្តីម្នាក់ទៅស្រ្តីម្នាក់ទៀត ហើយក៏មានលក្ខណៈខុសៗគ្នាទៅតាមពេលវេលាដែរ។ ជាទូទៅទឹករំអិលនេះច្រើនតែមានពណ៌ស ដូចក្រែម ឬថ្លា។ វាមិនខាប់ និងអាចមើលទៅដូចទឹក។ វាមិនមានក្លិន និងមិនបង្កជាការរលាកអ្វីឡើយ។ វាមានតិចតួចណាស់រហូដល់មិនអាចសម្គាល់ដឹងលុះត្រាតែមើលឃើញវាប្រឡាក់ជាប់នឹងខោទ្រនាប់។
តើការហូរទឹករំអិលតាមទ្វារមាសបែបណាទៅដែលខុសធម្មតា?
ពណ៌របស់ទឹករំអិលអាចជាលក្ខណៈមួយបញ្ជាក់ថាមានអ្វីខុសប្រក្រតីដូចជា៖
- ទឹករំអិលដែលសហើយខាប់ជាមួយនឹងការមានលក្ខណៈដូច Cheese៖ អាចជាសញ្ញានៃការបង្ករោគផ្សិត
- ទឹករំអិលពណ៌ប្រផេះ៖ អាចដោយសារតែមានការបង្ករោគដោយបាក់តេរី
- ទឹករំអិលពណ៌បៃតងលឿង៖ អាចជាអាការៈនៃការរលាកក្នុងទ្វារមាស ទ្វារមាសស្វិ ឬបង្កជំងឺដោយទ្រីកូមម៉ូណាស
- ទឹករំអិលពណ៌ផ្កាឈូក ឬត្នោត៖ វាជាទឹករំអិលអាចមានឈាម។ បើសិនជាអ្នកជួបប្រទះទឹករំអិលបែបនេះរយៈពេល ១២ខែដោយគ្មានមករដូវទេ វាមិនគួរណាជាឈាមឡើយ។ វាអាចជាសញ្ញាមួយដែលបញ្ជាក់ថា មានអ្វីខុសធម្មតាក្នុងស្បូនហើយ។ វាអាចជាអាការៈមួយនៃជំងឺមហារីក។
ខាងក្រោមនេះគឺជាអាការៈកាន់តែច្រើនមួយចំនួនទៀតដែលបញ្ជាក់ថា ទឹករំអិលនោះមិនមែនជារឿងធម្មតា៖
- វាមានក្លិនស្អុយ
- វាកំពុងតែបង្កជាការរលាកដល់ទ្វារមាស ឬបបេរទ្វារមាស
- ត្រូវការប្តូរការប្តូរខោទ្រនាប់កាន់តែច្រើន(អាន:ថ្នាំងងុយគេង ពេលអ្នកគួរប្រើ)
- អ្នកមានអាការៈផ្សេងៗទៀតចូលរួមដូចជា ទ្វារមាសទៅជាក្រហម ក្រហាយ ឬឈឺចាប់ខ្លាំងក្នុងពេលរួមភេទ៕