ការមករដូវពិតជារឿងមួយរំខានណាស់។ វាអាចជារឿងរញ៉េរញ៉ៃ និងឈឺចាប់ខ្លាំង។ វាគឺជារឿងកើតឡើងជាញឹកញាប់ដែលនាំឲ្យមានអារម្មណ៍ឈឺនៅចង្កេះជាញឹកញាប់។ ប៉ុន្តែការឈឺចាប់ពេលមករដូវខ្លះគឺមិនអាចស៊ូទ្រាំបានទេ រហូតដល់រំខានដល់ការងារប្រចាំថ្ងៃដែរ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ស្រ្តីស្ទើរតែ ២០ភាគរយគឺមានបញ្ហាឈឺចាប់ពេលមករដូវធ្ងន់ធ្ងរ។
នៅពេលអ្នកមករដូវ សាច់ដុំរបស់ស្បូននឹងកន្ត្រាក់ លាៗ ដើម្បីជម្រុះកម្រាលក្នុងស្បូនចេញមកខាងក្រៅ។ នេះជាហេតុផលមួយដែលអ្នកមានការឈឺចាប់ក្នុងពោះ។ អ្នកខ្លះទៀតអាចមានអាការៈចង្អោ ក្អួត ឈឺក្បាល ឬរាករូសថែមទៀត។ អ្វីដែលគួរឲ្យភ្ញាក់ផ្អើលនោះគឺថា ការហាត់ប្រាណខ្លះអាចមានប្រសិទ្ធភាពយ៉ាងអស្ចារ្យក្នុងការបន្ថយអាការៈពេលមករដូវដូចជា៖
ការដើរលឿនៗ
ការដើរលឿនៗជុំវិញសួនអាចជារឿងមានប្រយោជន៍។ ក្រៅពីបន្ថយការឈឺចាប់ពេលមករដូវ វាអាចជួយពង្រឹងដល់អារម្មណ៍ រំលាយកាឡូរី និងបង្កើនសុខភាព។ ទោះបីជាដើរត្រឹម ១៥នាទីក្នុងមួយថ្ងៃក៏មានប្រយោជន៍ដែរ។
រត់យឺតៗ
ស្រ្តី និងក្មេងស្រីភាគច្រើនតែងមិនធ្វើលំហាត់ប្រាណរបស់ខ្លួនក្នុងពេលមករដូវឡើយ។ ប៉ុន្តែអ្នកជំនាញជាច្រើននិយាយថា ការហាត់ប្រាណ ជាពិសេសការរត់ក្នុងពេលមករដូវគឺជារឿងល្អមែនសម្រាប់អ្នក។ ការរត់ក្នុងពេលមករដូវអាចជួយធ្វើឲ្យមានអារម្មណ៍ល្អបាន ដោយសារតែរាងកាយបញ្ចេញអ័រម៉ូន Endorphins ព្រមទាំងបំបាត់ការឈឺចាប់បែបរមួល និងឈឺខ្នងដែលជាប់ទាក់ទងនឹងការមករដូវ។ ដូច្នេះបើសិនជាការឈឺចាប់មិនសម្លាប់អ្នកទេ ចូរក្រោកឡើង ហើយរត់យឺតៗទៅ។
ហាត់យូហ្គា
ការអនុវត្តវិធីហាត់យូហ្គាអាចជួយពង្រឹងដល់របត់ឈាមរត់ បង្ការកំនកឈាម និងបន្ថយការឈឺចាប់បាន។ លំហាត់ប្រាណយូហ្គាដែលមានប្រសិទ្ធភាពបំផុតក្នុងការបំបាត់អាការៈឈឺចាប់ពេលមករដូវនោះគឺ Child Pose។ វាគឺជាវិធីជួយឲ្យធូរស្រាលដល់ការឈឺចាប់។ ចូរអង្គុយពែនភ្នែនហើយដាក់ដៃលាតសន្ធឹងនៅខាងមុខ។
ហែលទឹក
បើសិនជាអ្នកមិនបានចូលរួមការហែលទឹកក្នុងពេលមករដូវទេ អ្នកពិតជាខាត់បង់ប្រយោជន៍ច្រើនណាស់។ ការសិក្សាបានបង្ហាញថា ការហែលទឹកអាចជួយបន្ថយការឈឺចាប់ពេលមករដូវបាន។ ការហាត់ប្រាណប្រភេទ Aerobic ដូចជា ហែលទឹក នឹងជំរុញឲ្យរាងកាយបញ្ចេញអ័រម៉ូន Endorphins ដែលដើរតួនាទីប្រឆាំងនឹងការឈឺចាប់ និងបន្ថយការឈឺបែបរមួលៗក្នុងពេលមករដូវ។ វាក៏ជួយបន្ធូរទាំងរាងកាយ និងចិត្តដែរ។ ទោះបីជាយ៉ាងណាក៏ដោយ ចូរចៀសវាងការហែលទឹកនៅថ្ងៃដែលមករដូវច្រើនៗ។
ពុតពែនខ្លួន
អ្នកប្រហែលជាមិនចង់បង្ខំខ្លួនឯងឲ្យទៅហាត់ប្រាណក្នុងពេលមករដូវទេ។ តែអ្នកអាចធ្វើការពុតពែនខ្លួនខ្លះនៅផ្ទះបានបានដើម្បីបំបាត់ការឈឺចាប់ពេលមករដូវ។ (អាន:ថ្នាំងងុយគេង ពេលអ្នកគួរប្រើ)លំហាត់ប្រាណដោយការពុតពែនខ្លួនថ្នមៗអាចជួយបន្ធូរសាច់ដុំដែលធវាប្រហែលជាបន្ថយការតឹងក្នុងពេលនេះ និងមានអារម្មណ៍ធូរស្រាលដែរ៕