ការឈឺចង្កេះលើមនុស្សស្រីមានមូលហេតុច្រើនណាស់។ មូលហេតុខ្លះទាក់ទងនឹងជំងឺរបស់ស្រ្តី ខណៈពេលខ្លះទៀតអាចកើតឡើងលើមនុស្សគ្រប់គ្នាដែរ។ ខាងក្រោមនេះគឺជាហេតុផលខ្លះៗដែលនាំឲ្យស្្រតីងាយនឹងមានការឈឺចង្កេះជាងគេ៖(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ចង្កោមរោគសញ្ញាត្រៀមមករដូវ (PMS)
រឿងនេះកើតឡើងមុនពេលមករដូវ។ វាមានអាការធំៗជាច្រើន ហើយអ្នកទំនងជាមិនមានអាការៈទាំងអស់នេះឡើយ។ អាការៈទាំងនោះមានដូចជា៖
រោគសញ្ញាផ្លូវកាយ៖
- ឈឺចង្កេះ
- ឈឺក្បាល
- អស់កម្លាំង
- ហើមពោះ
អាការៈផ្លូវចិត្ត៖
- អារម្មណ៍មិនល្អ
- ចេះតែឃ្លានអាហារ
- ថប់អារម្មណ៍
- ពិបាកផ្ចង់អារម្មណ៍។
ជាធម្មតាអាការៈទាំងនេះច្រើនតែកើតឡើងពីរបីថ្ងៃមុនពេលមករដូវ ហើយវាអាចនឹងចប់វិញក្នុងរយៈពេលមួយថ្ងៃ ឬពីរថ្ងៃក្រោយមករដូវបានចាប់ផ្តើម។
Premenstrual Dysmorphic Disorder (PMDD)
PMDD គឺជាទម្រងកាន់តែធ្ងន់ធ្ងរនៃ PMS ដែលអាការៈរបស់វាមានការរំខានដល់ជីវិតរស់នៅប្រចាំថ្ងៃខ្លាំងតែម្តង។ អ្នកមានបញ្ហ PMDD ខ្លះអាចនឹងពិបាកធ្វើការតែម្តង។ ប៉ុន្តែមិនសូវមានស្រ្តីច្រើនទេដែលមានបញ្ហា PMDD។ អាការៈរបស់វាច្រើនតែចាប់ផ្តើមនៅមួយសប្តាហ៍មុនពេលមករដូវ និងចប់វិញក្រោយពេលមករដូវបានពីរបីថ្ងៃ។ អ្នកប្រហែលជាប្រឈមនឹង PMDD កាន់តែខ្លាំងបើសិនជាអ្នកមានប្រវត្តិគ្រួសារកើតបញ្ហាបាក់ទឹកចិត្ត និងបញ្ហាអារម្មណ៍ផ្សេងៗទៀត។
ជំងឺ Endometriosis
វាគឺជាជំងឺមមួយប្រភេទដែលជាលិកាដែលធ្លាប់មានក្នុងស្បូន បែរជាកើតក្រៅពីស្បូនទៅវិញ។ ជំងឺនេះដែរ ជាលិការបស់វាច្រើនតែលូតលាស់នៅក្នុងក្រពេញអូវ៉ែ ដៃស្បូន និងជាលិកាផ្សេងៗទៀតក្នុងអាងត្រគាក។ វាប្រហែលជាកើតឡើងនៅជុំវិញផ្លូវបង្ហួរនោម និងពោះវៀនផង។ ការឈឺចាប់ច្រើនតែជាអាការៈញឹកញាប់បំផុតរបស់ជំងឺ Endometriosis នេះ។ អាការៈផ្សេងៗទៀតមានដូចជា៖
- ឈឺចាប់ពេលមករដូវ
- ឈឺចាប់ក្នុងពេល ឬក្រោយពេលរួមភេទ
- ឈឺចង្កេះ និងអាងត្រគាក
- ឈឺចាប់ពេលបន្ទោបង់ ឬនោមនៅពេលមករដូវ។
Dysmenorrhea
ការមករដូវដែលឈឺចាប់ខ្លាំងត្រូវបានគេហៅម៉្យាងទៀតថា Dysmenorrhea។ ថ្វីបើវាច្រើនតែអាចគ្រប់គ្រងបាន តែវាអាចជារឿងធ្ងន់ធ្ងរបំផុតសម្រាប់មនុស្សមួយចំនួន។ អ្នកប្រហែលជាប្រឈមកាន់តែខ្លាំងនឹងបញ្ហានេះបើសិនជាអ្នក៖
- អាយុក្រោម ២០ឆ្នាំ
- ជក់បារី
- ហូរឈាមធ្ងន់ធ្ងរក្នុងពេលមករដូវ
- មានប្រវត្តិគ្រួសារឈឺចាប់ខ្លាំងក្នុងពេលមករដូវ
- មានជំងឺក្នុងខ្លួនដូចជា៖
- Endometriosis
- ដុំសាច់ក្នុងស្បូន
- ជំងឺរលាកក្នុងអាងត្រគាក
មានផ្ទៃពោះ
ការឈឺខ្នងគឺជារឿងញឹកញាប់មួយសម្រាប់ស្រ្តីមានផ្ទៃពោះ។ វាកើតឡើងនៅពេលមានជំនាញផែនដីនៅក្នុងពេល ហើយអ័រម៉ូនជាច្រើនក៏ធ្វើឲ្យសរសៃចងក្នុងការរៀបចំសម្រាលកូននោះធូរផងដែរ។ (អាន:ថ្នាំងងុយគេង ពេលអ្នកគួរប្រើ)សម្រាប់ស្រ្តីភាគច្រើន ការឈឺខ្នងកើតឡើងនៅចន្លោះខែទី ៥ និងទី៧ ប៉ុន្តែវាក៏អាចចាប់ផ្តើមលឿនជាងនេះដែរ។ អ្នកទំនងជាឈឺខ្នងក្នុងពេលមានផ្ទៃពោះដែឬបើសិនជាអ្នកធ្លាប់មានបញ្ហាឈឺចង្កេះដែរ៕