ការលេបថ្នាំបំបាត់ការឈឺចាប់នៅរាល់ពេលឈឺក្បាល គឺមិនមែនជាគំនិតល្អសោះឡើយ! ក្រៅពីជះឥទ្ធិពលអវិជ្ជមានផ្សេងៗហើយនោះ ថ្នាំបំបាត់ការឈឺចាប់ក៏បង្កើនហានិភ័យនៃបញ្ហាសុខភាពគួរអោយព្រួយបារម្ភជាច្រើនផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អាការៈឈឺក្បាលប្រកាំងមិនចាំបាច់ទាល់តែលេបថ្នាំពេទ្យទើបបាត់ឡើយ ក៏ព្រោះតែបញ្ហានេះអាចត្រូវបានដោះស្រាយយ៉ាងងាយជាមួយរូបមន្តបែបធម្មជាតិមួយចំនួន។ ថាតើមានវិធីបែបធម្មជាតិទាំងនោះមានអ្វីខ្លះទៅ? ខាងក្រោមវេបសាយសុខភាព 
Health.com.kh នឹងបង្ហាញឱ្យដឹងពីតែមួយចំនួនដែលមានប្រសិទ្ធភាពបំបាត់អាការៈឈឺក្បាលប្រកាំង ៖

១. តែខ្ញី

ខ្ញីមានផ្ទុកលក្ខណៈសម្បត្តិប្រឆាំងការរលាកក្នុងសសៃឈាមនៃក្បាលដែលអាចជួយបំបាត់ការឈឺក្បាលគួរឱ្យកត់សម្គាល់។ លើសពីនេះទៅទៀត ខ្ញីក៏ជួយសម្រួលការរំលាយអាហារបំបាត់អាការៈចង់ក្អួតដែលច្រើនកើតឡើងអមមកជាមួយបញ្ហាឈឺក្បាលប្រកាំងផងដែរ។

២. តែជីអង្កាម

ប្រសិនបើអ្នកមិនចេះ ឬចូលចិត្តទទួលទានតែខ្ញីទេនោះ ចូរជ្រើសតែជីអង្កាមជំនួសក៏បានដោយវាមានប្រសិទ្ធភាពដូចគ្នា។

៣. តែផ្កា Chamomile

ត្រឹម ១ ពែងនៃតែផ្កា Chamomile អាចជួយបំបាត់អាការៈឈឺក្បាលប្រកាំងបានយ៉ាងឆាប់រហ័ស។ តែផ្កា Chamomile ជាជម្រើសនៃប្រសើរពិសេសបើអាការៈឈឺក្បាលរបស់អ្នកបណ្ដាលមកពីស្ត្រេសពេក គេងមិនគ្រប់ ឬបញ្ហាថប់បារម្ភ។

៤​. តែផ្កាឡាវ៉េនដឺ

ក៏ដូចតែផ្កា Chamomile ដែរ តែផ្កាឡាវ៉េនដឺ គឺល្អណាស់សម្រាប់បន្ថយកម្រិតនៃភាពតានតឹងក្នុងអារម្មណ៍ ជួយឱ្យគេងលក់ស្រួល និងទប់ទល់បញ្ហាថប់បារម្ភ។ ដូច្នេះរាល់ពេលអ្នកឈឺក្បាលប្រកាំង អ្នកអាចសាកល្បងឆុងតែផ្កាឡាវ៉េនដឺមួយពែងទទួលទាន។

៥. តែបៃតង

ពិបាកនឹងរកតែមួយចំនួនខាងលើមែនទេ? កុំបារម្ភ! ត្រឹមតែបៃតងក៏មានប្រសិទ្ធភាពខ្ពស់ក្នុងការបំបាត់អាការៈឈឺក្បាលប្រកាំងផងដែរ៕