តើអ្នកត្រូវការញ៉ាំកាហ្វេមួយពែងដើម្បីឲ្យស្រស់ស្រាយក្នុងអារម្មណ៍នៅពេលព្រឹកឡើងដែរទេ? បើសិនជាអ៊ីចឹងមែន មានដំណឹងល្អមួយសម្រាប់អ្នក។ ការញ៉ាំកាហ្វេរាល់ថ្ងៃមិនត្រឹមតែធ្វើឲ្យមានកម្លាំងទេ តែវាក៏ជួយរាងកាយប្រឆាំងនឹងជំងឺជាច្រើនផងដែរដូចជា ការធាត់ជ្រុល និងជំងឺទឹកនោមផ្អែមជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នេះបើយោងទៅតាមការស្រាវជ្រាវដែលចុះផ្សាយក្នុងសារព័ត៌មាន Scientific Report។
យោងទៅតាមអ្នកវិទ្យាសាស្រ្តបានឲ្យដឹងថា កាហ្វេមានឥទ្ធិពលដោយផ្ទាល់ទៅលើជាលិកាខ្លាញ់ពណ៌ត្នោត។ ជាលិកាបែបនេះនឹងរំលាយជាតិខ្លាញ់ និងជួយដល់ការផលិតកម្តៅរបស់រាងកាយ។ អ្វីដែលគួរកត់សម្គាល់នោះគឺថា អ្នកដែលមានBMI ទាបៗ គឺមានចំនួនជាតិខ្លាញ់នេះច្រើន។ វាក៏អាចពង្រឹងដល់ការគ្រប់គ្រងជាតិស្ករក្នុងឈាម និងខ្លាញ់ក្នុងឈាមបានដែរ។ ប៉ុន្តែមិនមែនមានន័យថា អ្នកត្រូវការញ៉ាំកាហ្វេច្រើនតាមតែចិត្តចង់នោះទេ។ យោងទៅតាមការសិក្សាមួយដែលចុះផ្សាយក្នុងសារព័ត៌មាន PLOS Biology បានឲ្យដឹងថា ការញ៉ាំកាហ្វេ ៤ទៅ៥ពែងក្នុងមួយថ្ងៃគឺជារឿងធម្មតាទេ។
កាហ្វេអាចបញ្ចុះកម្រិតសារធាតុ Alanine Aminotransferase ដែលជាអង់ហ្ស៊ីមានក្នុងថ្លើមបាន។ កម្រិតដ៏ខ្ពស់របស់អង់ហ្ស៊ីមនេះក្នុងឈាមអាចបណ្តាលឲ្យមានការរលាក និងខូចខាតដល់ថ្លើមបាន។ វាក៏បន្ថយការប្រឈមនឹងជំងឺ Primary Sclerosing Cholangitis (PSC) ដែលវាជាជំងឺប្រព័ន្ធភាពស៊ាំធ្វើការខុសប្រក្រតីដ៏កម្រមួយប្រភេទរបស់បំពង់ទឹកប្រមាត់ក្នុងថ្លើម។ (អាន:ថ្នាំងងុយគេង ពេលអ្នកគួរប្រើ)ការសិក្សាមួយផ្សេងទៀតបានឲ្យដឹងថា ការញ៉ាំកាហ្វេពីរពែងឡើងទៅក្នុងមួយថ្ងៃ អាចបន្ថយការប្រឈមនឹងការស្លាប់ដោយសារតែជំងឺក្រិនថ្លើមច្រើនរហូតដល់ ៦៦ភាគរយ៕