ការកើតមានជំងឺផ្តាសាយមិនមែនជារឿងប្លែកទេ។ រដូវជំងឺផ្តាសាយអាចបណ្តាលឲ្យក្តៅខ្លួន ឈឺបំពង់ក គ្រុន ឈឺសាច់ដុំ និងអាចធ្វើឲ្យអ្នកត្រូវការគេងជាប់រហូតដែរ។ ទោះបីជាផ្តាសាយតិចតួចក៏គ្រប់គ្រាន់ធ្វើឲ្យអ្នកមិនស្រួលខ្លួនយ៉ាងហោចណាស់មួយសប្តាហ៍ដែរ។ ប៉ុន្តែវាមិនអាចកើតឡើងលើមនុស្សគ្រប់គ្នាទាំងអស់ឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អ្នកខ្លះទៀតឆាប់ជាពីជំងឺនេះ ខ្លះទៀតមានផលវិបាកធ្ងន់ធ្ងររយៈពេលយូរជាងគេងទៀតក៏មានដែរ។ ការជាសះស្បើយអាស្រ័យទៅតាមប្រព័ន្ធភាពស៊ាំ និងស្ថានភាពសុខភាពដែរ។ ប៉ុន្តែមានមនុស្ស ៤ប្រភេទដែលប្រឈមខ្ពស់ជាងគេងនឹងផលវិបាកធ្ងន់ធ្ងររបស់ជំងឺផ្តាសាយ។
អ្នកមានជំងឺប្រចាំកាយឬជំងឺរ៉ាំរ៉ៃក្នុងខ្លួន
អ្នកដែលកំពុងតែដោះស្រាយបញ្ហាផ្លូវដង្ហើមដូចជា ជំងឺហឺត រលាកសួត រលាកទងសួត ឬបញ្ហាសួតមានការប្រឈមកាន់តែខ្ពស់នឹងការកើតផលវិបាកធ្ងន់ធ្ងរនៃជំងឺផ្តាសាយ។ ក្រៅពីនេះ អ្នកដែលមានបញ្ហាបេះដូង តម្រងនោម ថ្លើម ជំងឺសរសៃប្រសាទ និងជំងឺនៃការរំលាយអាហារក៏ស្ថិតក្នុងស្ថានភាពគ្រោះថ្នាក់ដែរ។ ជំងឺដែលធ្វើឲ្យប្រព័ន្ធភាពស៊ាំចុះខ្សោយដូចជា ជំងឺអេដស៍ និងមហារីកគ្រាប់ឈាមស ឬការលេបថ្នាំរយៈពេលយូរក៏អាចប្រឈមកាន់តែខ្លាំងដែរ។
មនុស្សចាស់អាយុចាប់ពី ៦៥ឆ្នាំឡើងទៅ
នៅពេលអាយុកាន់តែច្រើន កម្រិតនៃប្រព័ន្ធភាពស៊ាំរបស់មនុស្សយើងនឹងថយចុះ។ វាក៏ពិបាកនឹងទប់ស្កាត់មេរោគគ្រោះថ្នាក់ដែរ ដូច្នេះអ្នកនឹងប្រឈមកាន់តែខ្លាំងនឹងរោគសញ្ញាធ្ងន់ធ្ងរនៃជំងឺផ្តាសាយ។ មនុស្សចាស់ក៏ត្រូវបានគេណែនាំឲ្យចាក់វ៉ាក់សាំងបង្ការជំងឺផ្តាសាយជាទៀងទាត់ដែរ។
ក្មេងអាយុក្រោម ២ឆ្នាំ
ក្មេងអាយុក្រោមងាយនឹងមានផលវិបាកធ្ងន់ធ្ងរជាងក្មេងធំៗ។ នេះដោយសារតែប្រព័ន្ធភាពស៊ាំរបស់ពួកគេកំពុងតែលូតលាស់នៅឡើយ ហើយរាងកាយមិនអាចការពារខ្លួនឯងពីមេរោគពីខាងក្រៅបានទេ។ សម្រាប់ទារកទើបនឹងកើតអាយុតិចជាង ៦ខែច្រើនតែត្រូវការសម្រាកក្នុងមន្ទីរពេទ្យដោយសារតែជំងឺភ្តាសាយ ហើយរឿងនេះក៏អាចគ្រោះថ្នាក់ដល់អាយុជីវិតខ្លះដែរ។
ស្រ្តីមានផ្ទៃពោះ
ការមានផ្ទៃពោះមិនមែនជារឿងងាយស្រួលឡើយ។ ទោះបីជាអ្នកមានសុខភាពល្អពេញលេញក៏ដោយ ក៏អ្នកងាយនឹងឆ្លងរោគដោយសារតែជំងឺទាក់ទងនឹងការទំនាក់ទំនងគ្នាដែរ។(អាន:ថ្នាំងងុយគេង ពេលអ្នកគួរប្រើ) ស្រ្តីដែលសម្រាលកូនក៏ងាយនឹងប្រឈមមុខរហូតដល់ ២សប្តាហ៍អីដែរក្រោយសម្រាលកូនរួចហើយ៕
