ខ្ញីគឺជាគ្រឿងផ្សំធ្វើម្ហូបដ៏ពេញនិយមមួយសម្រាប់ប្រជាជនខ្មែរយើង។ ប៉ុន្តែវាក៏អាចប្រើជាវិធីព្យាបបាលបញ្ហាសុខភាពជាច្រើនផងដែរដូចជា ចង្អោ ឈឺពោះ និងបញ្ហាផ្លូវដង្ហើមដូចជា ផ្តាសាយ ផងដែរ។ តាមការស្រាវជ្រាវបានឲ្យដឹងថា ខ្ញីអាចពង្រឹងដល់សុខភាពប្រព័ន្ធភាពស៊ាំដោយសារតែវត្តមានអង់ទីអុកស៊ីដង់ និងសារធាតុប្រឆាំងការរលាក។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ខ្ញីសម្បូរទៅដោយសារធាតុ Gingerol ដែលជាសារធាតុជីវសកម្មដ៏សំខាន់ក្នុងខ្ញី ហើយក៏ត្រូវបានគេប្រើជាថ្នាំព្យាបាលផងដែរ។ សារធាតុ Gingerol មានសមត្ថភាពប្រឆាំងការរលាក និងអង់ទីអុកស៊ីដង់ដែលអាចពង្រឹងដល់សុខភាពមនុស្សយើងបានច្រើនយ៉ាងដូចជា៖
- ជួយបំបាត់បញ្ហាផ្តាសាយ
- ជួយបំពាត់ការចង្អោគ្រប់ប្រភេទ ជាពិសេសការចាញ់កូន
- ជួយព្យាបាលបញ្ហាក្រពះមិនកិន
- ជួយពង្រឹងដល់ប្រព័ន្ធភាពស៊ាំ
- ជួយបញ្ចុះកូឡេស្តេរ៉ុល
- ជួយបញ្ចុះជាតិស្ករក្នុងឈាម
- ជួយដល់ការរលាកសន្លាក់ក្នុងឆ្អឹង
- ជួយបង្ការជំងឺមហារីក
ដូច្នេះដើម្បីធ្វើជាតែខ្ញីនៅផ្ទះអ្នកអាចប្រើវិធីដូចខាងក្រោមនេះ៖
- ចូរហាន់ខ្ញីស្រស់ឲ្យម៉ត់ ហើយដាក់វាចូលទៅក្នុងទឹកពុះរយៈពេល ១០នាទី(អាន:ថ្នាំងងុយគេង ពេលអ្នកគួរប្រើ)
- ចូរបន្ថែមទឹកក្រូចឆ្មាស្រស់មួយចំណិតដើម្បីធ្វើឲ្យតែកាន់តែផ្តល់ភាពស្រស់ស្រាយ
- ចូរបន្ថែមទឹកឃ្មុំបន្តិចបើសិនជាអ្នកចង់បានរសជាតិផ្អែម៕