មិនបាច់លេបថ្នាំ! បំបាត់អាការៈចង្អោរចង់ក្អួតឆាប់រហ័ស ដោយគ្រាន់តែធ្វើបែបនេះ

អាការៈចង្អោរចង់ក្អួតមិនពិបាកនឹងបំបាត់ឡើយ ប៉ុន្តែគួរធ្វើបែបណាទៅ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអ្វីដែលអ្នកគួរទទួលទានដើម្បីបំបាត់អាការៈចង្អោរចង់ក្អួតឆាប់រហ័ស ៖

១. ផ្លែប៉ោម

ជាប្រភពដ៏ប្រសើរនៃជាតិសសៃដែលជួយកម្ចាត់ជាតិពុលផ្សេងៗចេញពីក្នុរាងកាយបំបាត់អាការៈចង្អោរចង់ក្អួត។ អ្នកអាចទទួលទានទឹកផ្លែប៉ោមស្រស់ជំនួសផ្លែប៉ោមក៏បាន។

២. គ្រាប់ធញ្ញជាតិ

ជាប្រភពដ៏ល្អបំផុតមួយនៃប្រូតេអ៊ីនមានប្រយោជន៍សម្រាប់អ្នកដែលកំពុងជួបប្រទះអាការៈចង្អោរចង់ក្អួត។ ទោះជាយ៉ាងណាមិនគួរទទួលទានច្រើនពេកឡើយ។ អ្នកអាចទទួលទានបឺរសណ្ដែកដី ១ ស្លាបព្រាក៏ប្រសើរ។

៣. ផ្លែចេក

ជាពិសេសប្រសិនបើអ្នកក្អួតតែម្ដង! ចូរទទួលទានចេកបន្តិចដើម្បីបន្ធូរអាការៈនិងបំពេញជាតិទឹកគ្រប់គ្រាន់ក្នុងរាងកាយ។ ចេកជាប្រភពដ៏ល្អនៃប៉ូតាស្យូមជួយទប់ស្កាត់បញ្ហាខ្សោះជាតិទឹកក្នុងរាងកាយ។ ដូច្នេះផ្លែចេកភាគច្រើនត្រូវបានណែនាំឱ្យអ្នកមានបញ្ហាចង្អោរចង់ក្អួតនិងអ្នកដែលមានបញ្ហាពាក់ព័ន្ធក្រពះពោះវៀនទទួលទាន។

៤. ក្រូចឆ្មារ

ក្រៅពីទទួលទានទឹកក្រូចឆា្មរ ១ កែវ អ្នកក៏អាចបៀមចំណិតក្រូចឆ្មារក្នុងមាត់ដើម្បីបំបាត់អាការៈចង្អោរចង់ក្អួតបានផងដែរ។

៥. តែខ្ញី

ភាគច្រើននៃពួកយើងសុទ្ធតែដឹងហើយថាត្រឹម ១ ពែងនៃតែខ្ញីអាចជួយបំបាត់អាការៈចង្អោរចង់ក្អួតបានយ៉ាងឆាប់រហ័ស។ នេះក៏ព្រោះតែខ្ញី គឺជាអាហារមើមមួយប្រភេទដែលល្អណាស់សម្រាប់ដោះស្រាយបញ្ហាពាក់ព័ន្ធនឹងការរំលាយអាហារ។

៦. ទឹក

ការទទួលទានទឹកធម្មតាក៏មានប្រសិទ្ធភាពបំបាត់អាការៈចង្អោរចង់ក្អួតបានដែរ។ ក្រៅពីកម្ចាត់ជាតិពុល ការទទួលទានទឹកក៏ជួយទប់ស្កាត់បញ្ហាខ្សោះជាតិទឹកក្នុងរាងកាយដែលជាមូលហេតុមួយបង្កអាការៈចង្អោរចង់ក្អួត។ ទោះជាយ៉ាងណាកុំព្យាយាមបង្ខំទទួលទានទឹកច្រើនតែម្ដង ចូរក្រេបម្ដងបន្តិច៕