ដោយសារតែជំងឺកូវីដ១៩ ប្រទេសជាច្រើនបានអនុវត្តឲ្យប្រជាជនរបស់ខ្លួននៅតែក្នុងផ្ទះ និងចៀសវាងការចេញទៅខាងក្រៅបើសិនជាមិនចាំបាច់ ខណៈពេលដែលអ្នកចូលចិត្តញ៉ាំគ្រឿងស្រវឹងភាគច្រើនកំពុងតែមានគម្រោងជាច្រើនក្នុងការញ៉ាំគ្រឿងស្រវឹងដែលខ្លួនចូលចិត្តដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ប៉ុន្តែតាមការសិក្សាថ្មីបានឲ្យដឹងថា ការញ៉ាំគ្រឿងស្រវឹងច្រើនពេកមិនផ្តល់សុខភាពសម្រាប់ប្រព័ន្ធភាពស៊ាំទេក្នុងពេលផ្ទុះជំងឺកូវីដ១៩នេះឡើយ។ មនុស្សដែលចូលចិត្តញ៉ាំគ្រឿងស្រវឹងដោយសារតែរសជាតិរបស់វា។ មែនហើយ គ្រឿងស្រវឹងគឺមានឥទ្ធិពលស្រដៀងគ្នាមួយចំពោះប្រព័ន្ធភាពស៊ាំ ដែលជាហេតុនាំឲ្យវាធ្វើការយឺត។ យ៉ាងណាមិញឥទ្ធិពលរបស់គ្រឿងស្រវឹងក៏អាស្រ័យទៅតាមចំនួនដែលយើងញ៉ាំដែរ ប៉ុន្តែការញ៉ាំម្តងក្នុងមួយថ្ងៃ ញ៉ាំតិចៗ នោះវាមានឥទ្ធិពលក៏តិចតួចតាមហ្នឹងដែរ។ ម៉្យាងវិញទៀត ការញ៉ាំច្រើនៗ អាចធ្វើឲ្យប្រព័ន្ធភាពស៊ាំទាំងមូលចុះខ្សោយខ្លាំងបាន។ 

អ្នកស្រាវជ្រាវក៏បានកត់សម្គាល់ឃើញថា ការថយចុះចំនួនកោសិកាគ្រាប់ឈាម ដែលមាននាទីសំខាន់សម្រាប់ប្រព័ន្ធភាពស៊ាំ  ជាមួយនឹងការកើនឡើងប្រូតេអ៊ីនទៀតនោះ អាចបន្ថយប្រសិទ្ធភាពរបស់ប្រព័ន្ធភាពស៊ាំបាន។ ការញ៉ាំគ្រឿងស្រវឹងច្រើនៗអាចធ្វើឲ្យរាងកាយកាន់តែពិបាកយកឈ្នះជំងឺទៅទៀត។ (អាន:ថ្នាំងងុយគេង ពេលអ្នកគួរប្រើ)

ការញ៉ាំគ្រឿងស្រវឹងច្រើនៗអាចបង្កើនឱកាសកាន់តែខ្លាំងក្នុងការកើតជំងឺរលាកសួត ដែលឥឡូវនេះឃើញថាជាជំងឺញឹកញាប់មួយលើអ្នកមានរោគសញ្ញាធ្ងន់ធ្ងរដោយសារតែជំងឺកូវីដ១៩នេះឯង៕