Join with Health.com.kh on Telegram

វាគឺជារឿងញឹកញាប់ណាស់ហើយសម្រាប់មនុស្សមួយចំនួនដែលមានអារម្មណ៍មិនល្អ ឬស្រ្តេសពេញមួយថ្ងៃតាមរយៈការញ៉ាំគ្រឿងស្រវឹង។ វាអាចជាការញ៉ាំស្រាមួយកែវ ឬស្របៀរមួយថូរ តែគំនិតនោះគឺថា តើវាអាចជួយអារម្មណ៍អ្នកឲ្យធូរស្រាលវិញដែរទេ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខណៈពេលដែលការញ៉ាំគ្រឿងស្រវឹងម្តងម្កាលមិនមែនជារឿងខុស តែអ្នកជំនាញនិយាយថា ខណៈពេលដែលអ្នកត្រូវការគ្រឿងស្រវឹងដើម្បីឲ្យមានអារម្មណ៍ល្អវិញនោះ វាពិតជារឿងមិនត្រឹមត្រូវឡើយ ដោយសារតែវាអាចមានផលប៉ះពាល់ច្រើន។ 

ប៉ះពាល់ដល់អាកប្បកិរិយា

ភាពស្រ្តេស និងថប់អារម្មណ៍របស់មនុស្សសព្វថ្ងៃនេះកើតឡើងខ្ពស់ជាងធម្មតា ហើយក៏ដោយសារតែការផ្ទុះជំងឺកូវីដ១៩ដែរ។ មនុស្សជាច្រើនដែលកំពុងតែជួបបញ្ហាស្រ្តេស និងថប់អារម្មណ៍អំពីវីរុសក៏ដកាចសាហាវនេះ បែរជាមិនដឹងធ្វើម៉េចទើបស្រួលឡើយ។ តើវាកើតឡើងយូរប៉ុណ្ណាទៅ មិនមានគ្រួសារនៅជិតខ្លួន ហើយការងារក៏បាត់បង់ទៀត តើនរណាមិនពិបាកចិត្តនោះ។ ការញ៉ាំស្រាមួយកែវ ឬស្រាមួយថ អាចជំរុញឲ្យរាងកាយបញ្ចេញ Endorphins និងបង្កើនចំនួន Serotonin បាន តែវាកើតឡើងជាលក្ខណៈបណ្តោះអាសន្ន ខណៈពេលបង្កជាបញ្ហាយូរទៅវិញទេ។ ដូច្នេះបើសិនជាអ្នកត្រូវការតែគ្រឿងស្រវឹងដើម្បីដោះស្រាយភាពស្រ្តេស វានឹងធ្វើឲ្យអ្នកកាន់តែបាក់ទឹកចិត្ត និងថប់អារម្មណ៍ទៅវិញទេ។ 

ប៉ះពាល់រាងកាយ

ការញ៉ាំគ្រឿងស្រវឹងកាន់តែច្រើន ជាពិសេសក្នុងពេលស្រ្តេស វាក៏អាចបង្កជាផលវិបាកមួយចំនួនដល់រាងកាយដែរ។ ការញ៉ាមគ្រឿងស្រវឹងគឺមិនជំរុញឲ្យមានកម្លាំងនោះទេ។ បើសិនជាអ្នកញ៉ាំគ្រឿងស្រវឹងកាន់តែច្រើន អ្នកក៏ទំនងជាងាយមានបញ្ហាខូចថ្លើមរយៈពេលខ្លី និនាំឲ្យមានជំងឺថ្លើមរ៉ាំរ៉ៃថែមទៀត។ គ្រឿងស្រវឹងខ្លួនឯងនេះអាចនឹងធ្វើឲ្យប្រព័ន្ធភាពស៊ាំចុះខ្សោយ ដូច្នេះអ្នកពិតជាងាយនឹងមានការបង្ករោគថែមទៀត។ (អាន:ថ្នាំងងុយគេង ពេលអ្នកគួរប្រើ)យ៉ាងណាមិញ កុំរំពឹងថាការញ៉ាំគ្រឿងស្រវឹងធ្វើឲ្យអ្នកគេងលក់កាន់តែស្រួល តែវានឹងរំខានដល់ការគេង និងអស់កម្លាំងកាន់តែខ្លាំងទៅវិញទេ៕