ខ្លាញ់ក្បាលពោះជាផ្នែកដែលពិបាកកម្ចាត់ចេញបំផុតមួយក្នុងរាងកាយ ស្រទាប់ខ្លាញ់ច្រើនតែបង្កឡើងដោយសារជម្រើសនៃការទទួលទានមិនត្រឹមត្រូវ និងរបៀបរស់នៅគ្មានសុខភាពល្អ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើនរណាទៅមិនចង់បានរាងស្លីមស្អាតនោះ? ហើយអ្នកកំពុងស្វែងរកវិធីសាស្ត្រសម្រកទម្ងន់ ឬកម្ចាត់ខ្លាញ់ក្បាលពោះបែបងាយៗ ហើយទទួលបានលទ្ធផលឆាប់រហ័សមែនទេ? មិនពិបាកឡើយ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះសម្រកខ្លាញ់ក្បាលពោះតាមបែបធម្មជាតិ ៖

១. ទទួលទានតែខ្ញី

កុំភ្លេចរួមបញ្ចូលតែខ្ញីក្នុងរបបអាហារឱ្យសោះប្រសិនបើអ្នកចង់សម្រកខ្លាញ់ក្បាលពោះឆាប់រហ័ស។ ខ្ញីមានប្រសិទ្ធភាពសម្រួលដល់ការរំលាយអាហារនិងដោយសារបន្លែមើមនេះជាប្រភពនៃ thermogenic ដែលជួយបង្កើនការដុតបំផ្លាញជាតិខ្លាញ់។

២. កុំរំលងការធ្វើលំហាត់ប្រាណ

ទោះបីអ្នកខ្ជិល ឬស្អប់ការធ្វើលំហាត់ប្រាណយ៉ាងណាក៏ដោយ ក៏អ្នកមិនអាចធ្វើឱ្យខ្លាញ់ក្បាលពោះរលាយបាត់ដោយមិនធ្វើអ្វីសោះឡើយ។ ទោះបីអ្នកមិនអាចចំណាយពេលច្រើនម៉ោងទៅកន្លែងហាត់ប្រាណ ប៉ុន្តែអ្នកក៏គួរឆ្លៀតធ្វើលំហាត់ប្រាណខ្លះៗដូចជាដើរ ឬឡើងចុះកាំជណ្ដើរ។ ការចំណាយពេលត្រឹមពី ១០ ទៅ ១៥ នាទីក្នុងមួយថ្ងៃដើម្បីធ្វើលំហាត់ប្រាណខ្លះក៏ជួយរាងកាយក្នុងការដុតបំផ្លាញខ្លាញ់បានដែរ។

៣. ខ្ទឹមស

មានលក្ខណៈសម្បត្តិប្រយុទ្ធប្រឆាំងភាពធាត់ជ្រុលដែលអាចកម្ចាត់ជាតិខ្លាញ់មិនឱ្យតោងជាប់រាងកាយ។ ដូច្នេះកុំស្ទាក់ស្ទើនឹងរួមបញ្ចូលខ្ទឹមសក្នុងរបបអាហារប្រចាំថ្ងៃ។

៤. កាត់បន្ថយការទទួលទានអាហារនិងភេសជ្ជៈផ្អែមៗ

ភាគច្រើននៃពួកយើងសុទ្ធតែដឹងហើយថាការទទួលទានអាហារផ្អែមៗ ឬភេសជ្ជៈមានផ្ទុកជាតិស្ករខ្ពស់អាចនាំឱ្យកើនទម្ងន់លើស។ ដូច្នេះដើម្បីជាការប្រសើរចូរព្យាយាមកម្រិត ឬកាត់បន្ថយការទទួលទានអាហារនិងភេសជ្ជៈប្រភេទនេះ។

៥. រួមបញ្ចូលម្ទេសក្នុងរបបអាហារ

ម្ទេសជាប្រភពដ៏ប្រសើរនៃសារធាតុ capsaicin ដែលជួយពន្លឿនការដុតរំលាយអាហារក្នុងរាងកាយ។ ហើយដំណើរការនេះនឹងនាំឱ្យការដុតបំផ្លាញជាតិខ្លាញ់ដែលលើសមានលក្ខណៈកាន់តែប្រសើរឡើង៕